الحادكات المغربيات

كيف عاملين لاباس عليكم ؟
لموهيم انا جاتني هاد الفكرة وكنتمنى تعجبكم
حنا عيشين فهاد البلاد خاصنا نتعلمو الطبخ ديالهم يعني نغيرو من الدوازات وليدام ونتعلمو شي اطباق ديال اطاليين باش نفرحو رجالنا ويفتاخرو بينا ومنين نمشيو المغرب الا قالك ش حد اش تعلمتي من طبخ ديالهم تلقاي متقولي ههههه نتمنى تكونو فهمتوني
لذا انا كنطلب من كل اخت لي عندها شي فكرة او ش وصفة ديال الطبخ او باتيسري متبخلش علينا وياريت تفاعلو معانا

---

hgph];hj hglyvfdhj hgph];hm

فكرة غزالة عندك يا الحبوبة ديالي إن شاء الله غادي نحط لك كل ماقريت ف مدرسة ولكن دوزي لغير هاد الأيام راه جايين عندنا الضياف وخاصني ندير كولشي بوحدي حقاش ماما شوي عيانة واختي عندها الإمتحانات مسكينة كتحفض مغبصش عند الوقت باش ندخل دبى نخليك نمشي ندير الواجب ديال اليوم ف المسابقة ونكمل خبيز البطبوط راني عاد كرصتو

Fikra zwiiiiina tbarklah 3lik

انشاء لله الحبيبةة انا كنتسناك
وميكون باس عند الواليدة

لله يبارك فيك ا، خاصنا التفاعل كيضهر لي الاخوات معجباتهلش الفكرة

انا معاك. انشاء الله نحط ليكم اشنو عندي ولكن عندي مشكل ماكنعرفش نسيفط التصاور من لايباد

انا ليوم غنعطيكم وصفة ديال Pasta cellentani con salmone تقدري ديري اي باسطا كتعجبك
كتحتاجي لصلصة غنعطي القادير وطريقة فنفس الوقت
في مقلاة كتعملي 20غ زبدة+زيت الزيتون + نصف بصلة مشلدة رقيقة بزآآآآآف كنخليو البصلة حتى تولي بنية اللون من بعد كضيفي 250ع سلموني مدخن مقطع مربعات ونخلط الكل حتى يتبدل للون ديال السلموني ثم نضيف panna 200ml
والباسطا نطيبها كيف العادا الماء الساخن المملح وشوي الزيت منين الطيب نصفيها ونضيفها الصلصة وبصحة والراحة
انا شخصيا كنحماق عليها كتجي روععععععععععععععععععة
ملاحظة : الاشخاص ليمكيبغيوش يكلو الحوت حتى هما كتعجبهم

ماشي مشكل الحبيبة غير الطريقة تكون موضحة
وشكرا لك على التفاعل

ما طلبتي غير الموجود ندير طبق ايطالي نقدم ليك

فكرة زوينة لي عودة مع بعد الأطباق لعلمها لية راجلي وحتى لتعلمت علاش لا هههه