الجنواز ماكيزدقليشي .ضروري الباطور

الجنوازكنبغي نعدلو بزاااف
فالطورطات او سويس رول.ولكن ماعنديشي طراب البيض واش كاين شي طريقة بلا به
انا كنخلطو في مولنكس كيجيني بحااال الكومة حالتو….فيدوني ربي يخليكم

---

hg[k,h. lh;d.]rgdad>>>qv,vd hgfh’,v lh;d.]rgdadqv,vd

السلام عليكم و رحمة الله و بركاته

أختي راه كين فرق كبير بين batteur و moulinex
batteur تا يطرب، و moulinex تا تقطع حيت فيها الموس، و البيض خاصك تخدميه بل batteur باش يطلع ليك
صبري حتى تشري واحد واخا غير هداك اليدوي

اختي راني عارفة بلي كاين فرق بين الباطور د البيض و المولنكس ماشي حتا لهاد الدرجة ماكنفهمشي.انا سولت غير واش كاين شي طريقة تخرج الجنواز بلا استعمال الباطوروشكرا لك

أختي سألتي علاش تا يجيك فحال gomme فاش تا تستعملي moulinex و على هاد الأساس أجبتك
لا حبيبتي على ما أظن ما كين حتى شي طريقة أخرى من غير batteur
أتمنى أن تدخل الأخوات ليفدنك بأفكار أخرى

في رعاية الله

اختي ضروري الطراب الكهربائي لان لاجينواز خاصها 15 دقيقة بالطراب عاد تجي زوينة

اختي مغديش تصدق ليك بمولينيكس
ولكن كاين طريقة تصدق ليك 100/100 غير بالطراب اليدوي ولكن تتبغي شويش ديال الخدمة والعضلات يكونو صحاح
تتفصلي صفار البيض عن البياض وتتخدمي البياض مع قبصة ملح حتى يصبح ثلج وتحتافضي بيه جانبا
وتخدمي الصفار مع السكر والفاني حتى يبياض وتزيدي عليه 50ج زبدة مدوبة بالنسبة ل5 بيضات +الطحين مغربل+نصف خمارة+بياض البيض برفق من الاسفل الى الاعلى وطيبيها
هادي هي طريقتي لكنت تنعمل قبل مايكون عندي الباطورتتجي روعة

وهناك طريقة اخرى تتخدمي الصفار مع سنيدة حتى تيباض
وتتخدمي كدالك البياض تولي ثلج مع السكر كلاصي
وتخلطيهم بجوج برفق وتزيدي عليهم الطحين وقبصة خمارة وطيبيهم هادا بالنسبة لرولي وبالتوفيق
وشيدعيوة في هاد العواشر مع ولدي ريان راه مريض ليا

حبيبة ضروري من الباطور فالجنواز لان النواز بحال لي كنعرفو هي مافيهاش لخميرةةو منين كنديرو البيض و سنيدة كيخصنا نطربو باقصى سرعة فالطراب باش كتسمح للهوا يدخل و بالتالي منين كندخلوها للفران كتنفخ ام لمولينكس فهي كتهرس ليك البيض اختي وماكتخليهش يطلع
الله يسر الامور اختي

الله يخفف ما نزل احبيبة و الله يشافي ليك ريان يا ربي امين

امين الحبية ديالي الغالية ام هداية والله يخلي ليك هداية ويمتعها بالصحة والعافية