الجلبانة بالقـــــــــوق أمممممم

شحال درت هاد لعشاء وعاد كتاب نحطو ليوم

آسفة ماصورتش بالتفصيل لان تحميل الصور متعب

لمهم شلضت بصيلة وشوية الثوم وقليت اللي قسم الله ديال الدجاج

في زيت الزيتون والملح وعاد زدت الإبزار،خرقوم بلدي،سكينجبير،تحميرة

والربيع وشوية الماء وخليت الكل يندمج على عافية متوسطة

من بعد زدت ط§ظ„ط¬ظ„ط¨ط§ظ†ط© حتى طابت نص طيبة.

وآخيرا القوق من بعد نقيتو ودرتو فالماء وماكانش عندي

الحامض طري حكيت حامضة كانت عندي فالفريكو باش مايكحالش.

وخليت الكل حتى طاب ووكحت المريقة

ورافقتو بشلاظة عربية وشوية لفريت شاط من الغداء والخبز

وكالعادة عندكو تطلو وتهربو راني عارفكوم حادكات
ولكن كاينات البنات متزوجات حديثا الله يكملهم بالخير
ومبتدئات بحالي

اللهم ادمها نعمة و احفضها من الزوال بارك لنا فيها