تحية حب واحترام ووفاء لصاحبة الموضوع ط±ظٹظ…ط§ الله يسمعنا خبار الخير عليها ويفرح قلبها بالذرية الصالحة هي وجميع المنتظرات يارب
إهداء خاص للوردة هنودة صاحبة اول لبنة في دارنا الاولى الله يشافيها ويعافيها ويجعل كل ألم بمغفرة الذنوب يارب
شكرا لكل اللي كيتابعونا حتى الزوار
بسم الله على بركة الله تفضلوا ومرحبا بيكم فدارنا الجديدة نتمناو على الله دخل علينا بالصحة والعافية وتحقيق الأماني يارب
ونتمناو من الله فهاد ط§ظ„ط¬ط²ط، نوصلو لأهدافنا واحنا فصحة وسلامة ان شاء الله
شكر وامتنان لكل من مر وترك بصمة في الموضوع
رابط ط§ظ„ط¬ط²ط، الثالث والعشرون
https://www.anaqamaghribia.com/vb/sho…336321&page=28
[
hg[.x hgohls ,hguav,k lk j[lu vdlh gH;g hgwpd jtqg, lvpfh
ريجيم ريما 2024
على الريق: كاس ديال الماء كبير
الافطار:
60 غ ديال الخبز الكامل من الافضل لي فيه النخالة و60 غ تعادل ربع كبير ديال الخبز+ فرماج+كاس حليب0%من غير دسم مع القهوة او الشاي
بين الافطار والغداء :
2 كيسان ماء كبار +شاي او قهوة (على حسب باش فطرتي يعني الى فطرتي بالقهوة وحليب خودي الشاي)
الغداء:خضر+بروتين+نشويات
1-صحن من الخضراوات النيئة (الجزر-مطيشة-بصل-فلفلة حلوة………)+معلقة الى 2 من زيت الزيتون او اركان الى توفر+عصير الحامض+موتارد+بزار او اعشاب منسمة (معدنوس.ثومة…زعيترة)
2-خضر طازجة الا البطاطس والجزروالجلبانة ممكن ناخدو: لفت-لوبيا خضراء- شمبينيون-شفلور….ممكن تأخد الخضر كشوربة او مفورة ونسموها بالمنسنات السابقة الدكر.
3-100غ من لحم البقر(2 مرات في الاسبوع وفي الغداء فقط)وممكن نطيبو اللحم لي بغينا باضافة معلقة ديال زيت البلدية وممكن نشويه او نبخرو او في الطاجين مع بعض الخضر المسموح بها وكل المنسمات ممكنة الا الملح والمايونيز وحتى ماجي مسموح بها مع الشوربة
أو
150غ دجاج او الديك الرومي لاداند حتى هو 2 مرات في الاسبوع في وجبة الغداء
أو
-150غ سمك ممكن ناخدوه فوجبة الغداء 3 مرات في الاسبوع
4- مسموح نهار ايه ونهار لا ناخدو في الغداء: من 6 الى 8 معالق ديال: روز كامل riz complet او عدس او لوبيا بيضاء تسلق هده النشويات وممكن ان نضيف اليها طماطم وثوم ومنسمات فقط بلا دهن بلا ملح ونستعملو عصير الحامض وملي ومنعبروش بالمعلقة حتى نسلقوه
بين الغداء والعشاء
2- كيسان كبار ماء+ مشروب ساخن :شاي او قهوة او شاي اعشاب+1دانون لينيا الاحمر او اي دانون 0% دهون و0%سكريات +1 الى 2 فاكهة من نفس الصنف الا الموز والافوكا
أو
3 تمرات كبار+معلقة كبيرة لوز او كركاع
أو
2 مربعات متوسطين من الشكلاط الدي يصل الى 70% من الكاكاو
أو
1 BARRE PROTEINée
العشاء
1-خضر مسلوقة او مفورة او شوربة الخضار المسموح بها+100 الى 150غ من الدجاج او لاداند او السمك اوبياض 3 بيضات اما اللحم الاحمر فممنوع في الليل تماما وكدلك النشويات والخبز واخيرا ممكن ناخدو 20 الى 50 غ فرماج 0%
نموذج الافطار:
نمودج لافطار رمضاني لريجيم ريما الطبي الصحي المتأني
قبل الصلاة
3تمرات+2 مشماشات يابسين او 2 شريحات مع كاس كبير ماء غير مثلج
انا شخصيا كنستعمل مع الماء معلقة زريعة الكتان مهرمشة وكنشربو على معدة فارغة
(مخصناش ننساو الاشياء لي كنا كنستعملو للمساعدة على التنحيف بحال شاي الاعشاب والحامض وزريعة الكتان ..وعصير البصلة ههههههههههههه وخا واعرة)
الافطار
شوربة خضار مشكلة من الشوربات المقترحة في ملف ريما للشوربات
أو زلافة حريرة بالشوفان (نغلي 2 كيسان ماء ونحك فيهم بصلة صغيرة +معلقة وزيت العود يغلى الماء نضيف ليه كاس صغير شوفان او دشيشة غليظة او قمح او شعير مهرس+ حليب لايث وشوية الزعتر مدقوق وقليل من الملح
+قطعة وحدة من أي شيء حضرتيه من شهيوات رمضان باش منبقاوش نتشهاو
مثلا واحد بريوة او بيتزا صغيييييييييورة او حريشة ونراعيو في تحضير هاد الاشياء نقللو الدهون والملح لصحتنا وصحة عائلتنا
العشاء
اي نوع من السلاطات لي فملف ريما للسلاطات الصحية + اي نوع من البروتين الحيواني ولك الاختيار من خلال ملف ريما او الدجاج ولاداند والاسماك
ممكن طاجين بالخضر والدجاج مع الالتزام بالخضر المسموح بها
او طاجين السمك بالخضر وطبعا ناكلو بلا خبز حتى نشبعو
اللحوم البيضاء مسموح بها بكمية 150 غ في الحصة
اللحم الاحمر او الكفتة مسموح بها 2 مرات في الاسبوع وبكمية 100 غ
ممكن نهار اييه ونهار لا ناخدو حصة النشويات وما تعداش 4 معالق ارز او مكرونة
وبعد العشا بساعة
..فاكهة + ياوورت لايث
أو تلات قطع شكلاط اسود ازيد من 70 في المائة كاكاو+حفنة صغيرة من المكسرات باستتناء لاكاجو
أو كاس عصير بدون سكر طبعا ممنوع فيه الموز والمانك والعنب…مثلا عصير برتقال او تفاح بالبرتقال او الحامض
قبل النوم
شاي بالاعشاب او خليط الكمون وشرائح الحامض بعدما نصبو عليهم مائ غليان
السحور
1 بيضات مصلوقين + قطعة خبز وقليل من الجبن +شاي او قهوة وحليب
أو – شاي او قهوة بالحليب مع 60 غ خبز وفرماج لايث +3 تمرات
او – زلافة من حريرة الشوفان او الدشيشة لغليظة بالزعتر+كاس شاي
أو زلافة صغيرة من الدشيشة باللبن +كاس شاي
• لائحة الاطعمة المسموح بها :
اللحوم
اللحوم القليلة الدهون خاصة البكري -لحمام-الدجاج بدون جلد- لاداند
الشاركوتري charcutries كلها ممنوعة
الاسماك
جميع انواع السمك الطري خاصة الحوت الحر او الابيض -الكوكياج- بوزروكles moules -الطون او السردين المصبر في الماء والسمك كما هو وارد في ريجيم ريما الصحي يجب ان يؤكل حتى 3 مرات في الاسبوع
المواد الحليبية laitages
الحليب لايث 0% بتي سويس لايث -ياوورت 0%
الخضر
الدنجال -اسبيرج-الكرافس-الشفلور-الملفوف- الكورجيت الكرعة الصغيرة- بروكولي- لانديف- السبانخ- البصلة- مطيشة- الفلفلة- البسباس- اللوبيا خضرا – الخص- اللفت- الفجل-
الفواكه
في الوقت المخصص للفواكه اي بين الغدا ولعشا يسمح ب 1تفاحة او 1 بوعويدة او 1 برتقال او 2 مندرين او 1 بملوموس اونص بطيخة او 250 غ دلاح او 2 خوخات او 2برقوقات او150غ فريز او 150غ فرومبواز او 2كيوي او1/4اناناس او100غ حب لملوك او100 SALADE DE FRUIT مرقدة في الحامض وبدون سكر
النشويات
الوز الكامل بنخالتو- معجنات ديال القمح -كسكس ديال القمح-عدس-حمص-لوبيا بيضا ولكن كنعبرو بين 4 الى 8 معالق متوسطين من حاجة من هادشي بعد ان ينضج
الحبوب /céréales
الخبز الكامل- خبز تافارنوت-الخبز المحمص
السكر سبرتام او ساكارين لمن لا يقوى على الاستغناء عليه
الدهون بالنسبة للسلطة يسمح فقط بزيت العود او اركان
بالنسبة للطياب زيت العود
لائحة الاطعمة الممنوعة :
اللحوم
الغنمي- البط – لعجل الصغير- لحم البكري لي فيه الدهون -السقط – الكبدة
الشاركوتري charcutries بكل انواعها
الاسماك
الاسماك المرقدة في الزيت – السمك المدخن fumé – السمك المملح – كبد الحوت – بيض الحوت – السمك المصبر conserve
المواد الحليبية laitages
الحليب الكامل والقليل الدسم – اي نوع من الجبن فوق 20% من الدسم
الخضر
جزر/ خيزو طايب باي شكل – الخضر المصبرة في اي نوع من لاصوص – جلبانة -الباربا – الزيتون بنوعيه الخضر والاسود
الفواكه
لافوكا – الموز – لاكاجو والبستاش
النشويات
البطاطا -البطاطا المقلية بمحتلف الاشكال – الروز الابيض – الخبز المصنوع من الدقيق الابيض /الفورص – الدرة -الفول
الحبوب /céréales
جميع انواع الفينواز -البسكويت- البريوش – الكرواصة – البيتزا والكيش
السكر
السكر بجميع انواعه الا سكر : سبرتام او ساكارين لمن لا يقوى على الاستغناء عليه – سيرو -الكونفتور – العسل -جميع انواع الشكلاط الا الشكلاط فوق72% -كلاص
الدهون الزبدة بمختلف انواعها حتى المخففة allégé -المقليات -زيت نوار الشمس -زيت الدرة- زيت المائدة
من 76 وما تحت
بالنسبة لاهم التعديلات
* -امكانية اخد البيض بمعدل بيضتين طايبين في مقلاة لا تلصق طايبين في الماء عند الافطار مرتين في الاسبوع+50 غ خبز كامل محمص والايام الباقية ناخدو الفرماج لايث فمكان البيض
مرة في الاسبوع ممكن ناخدو 100 غ كلاوي او كبد اوقلب في وجبة الغداء *
يوم واحد في الاسبوع يكون فيه الغدا مفتوح ولكن باعتدال منغمسوش فيه المرقة او الرفيسة المهم يكون
ممكن في الغداء المفتوح ناخدو الجلبانة والباربة
تلاث مرات في الاسبوع يمكن ناخدو في الافطار فاكهة مع الصباح وقبل مانبداو الاكل وخاصة الاناناس ولفريز وبامبلوموس معدل 100غ او باملوموسة وحدة
مرات في الاسبوع ممكن ناخدو في حصة النشويات في الغداء بطاطا وحدة مشوية في الفرن
-حصة الدجاج او السمك غادي تنقص من 150 غ الى 100 غ
-حصة النشويات غادي تنقص من ما بين 5 /10 معالق عدس او ارز اسمر او معجنات الى 3 /7
-حصة السناك من الفاكهة واحدة فقط +دانون مع الابقاء على انواع السناك الاولى : 3 تمرات او 2 مربعات شكلاط+ معلقة من المكسرات اي نوع تحببن
-انقاص حصة الخبز الصباحي بعشر غ اي 50 اي اقل من الربع او نحمصو ربع الخبز
-الرياضة الزامية مدة20 دقيقة في اليوم
-تضاعف كمية الماء. من 4 كيسان الى 8 في اليوم اي تقريبا 2 ليترات
وأيضا هذا نموذج أسبوعي الل بغا يغير ويعرف شنو يطيب وياخد فكرة كانت نزلاتو لينا دائما الأخت ريما الله يفرحها بالذرية الصالحة يارب
البرنامج يغطي اسبوعا كاملا
اليوم الاول
الافطار
60 غ او ما يعادل ربع من الخبز الكامل /ديال النخالة والقمح+فرماج لايث من 0الى20%
كاس قهوة وحليب كبير أو اتاي حسب الرغبة وكل دلك بدون سكر
السناك1 الساعة العاشرة
2 كيسان ماء وبعد نص ساعة يخد كاس كبير من مغلي الاعشاب المتوفرة لديك
الغداء
شلاظة الدنجال والجنجلان (انظر وصفات ريما لايث شلاظة)-مقيلة لاداند بالشومبنيون(وصفة 10من وصفات ريما لاداند ودجاج)
السناك2 (الساعة5):
2 كيسات ماء ومن بعد ربع ساعة تفاحات+كاس ياوورت لايث
العشاء
شوربة الكرعة الحمراء/(انظروصفة4 ريما للشوربات)+ 100 غ لاداند لي بقات من المقيلة ديال لغدا
اليوم التاني
الافطار
****** ريجيم+ حليب لايث
السناك1
نص لتر ماء ثم كاس من مغلي فليو او مرددوش
الغداء
شلاظة الخيار ودانون مسوس ( وصفات ريما شلايظ)
بابيوت لاداند (الوصفة2 من وصفات ريما دجاج(
السناك2
2 قطع شكلاط 72%+5 معالق زبيب بلا عظم
العشاء
مقلة من البصلة ومطيشو والفلفلة وحك الشومبنيون مشحرين على طيبة الثومة والزيت البلدية+ بياض 3 بيضات اومليت بالقزبور والمعدنوس او لي زيبيناغ الى توفرو
اليوم الثالث
الافطار
60غ او ما يعادل ربع من الخبز الكامل /ديال النخالة والقمح+فرماج لايث من 0الى20%
كاس قهوة وحليب كبير أو اتاي حسب الرغبة وكل دلك بدون سكر
السناك1
3 كيسان ماء + كاس مغلي النافع او حبة حلاوة
الغداء
شلاظة ديال البروكولي والفلفلة خضرا(وصفات ريما شلايظ)+ خضر معمرة بميات غ كفتة( كورجيت +مطيشة) وطايبة فلاصوص طوماط فالفرن
السناك2
2 كيسان ماء+كاس قهوة+ 250 غ دلاح او بطيخ
العشاء
شوربة الشوفان بمطيشة/شوربات لايث ريما
100 غ كروفيت مسلوق ومشحر مع القليل من الربيع +جبن لايث
اليوم الرابع
الافطار
60غ او ما يعادل ربع من الخبز الكامل /ديال النخالة والقمح+فرماج لايث من 0الى20%
كاس قهوة وحليب كبير أو اتاي حسب الرغبة وكل دلك بدون سكر
السناك1
نصف ليتر ماء مقطرة فيه حامضة
الغداء
جزر محكوك منسم بالقرفة+ طاجين صغير من طاجين الصويري بطيبة الزعفران الحر (وصفات ريما/سمك)
السناك2
2 كيسان ماء ثم 2 ياوورت مخلط معاه 2 عالق كبار لوز مقلي ومهرمش+ نص معلقة نافع
العشاء
شوربة الخص ( وصفات ريما/شوربات)+قطعة من السمك لي بقا من الغداء
اليوم الخامس
الافطار
60غ او ما يعادل ربع من الخبز الكامل /ديال النخالة والقمح+فرماج لايث من 0الى20%
كاس قهوة وحليب كبير أو اتاي حسب الرغبة وكل دلك بدون سكر
السناك1
2 كيسان ماء+ كاس مغلي البابونج
الغداء
شلاظة من المكور مقطع رقيق+جزر مبشور+حفنة زبيب+حك الطون-اسكالوب لاداند معمر بالربيع والزيتون والخامض مرقد(وصفات ريما/دجاج ولاداند)
السناك2
2كيسان ماء معصرة فيهم حامضة +5تمرات مزيانين
العشاء
اومليت بالخضر المسموح بها فايت لي نزلتها+ جبن
اليوم السادس
****** ريجيم+ حليب لايث
السناك1
نص لتر ماء+كاس من مغلي الزعتر
الغداء
شلاظة اللوبية خضرا(وصفات ريما/شلايظ)+سمكة فالفرن بالاعشاب
السناك2
2 كيسان ماء+شكلاط72%+3 معالق كبار كركاع
العشاء
مقيلة الدنجال بالطون+ جبن
اليوم السابع والاخير
الافطار
2 بيضات كاملات اومليت منسمين بالزعتر محكوك +قهوة و حليب كبير أو اتاي حسب الرغبة وكل دلك بدون سكر
الغداء
الدجاج على طيبة الحلاوة بالطريقة ديال ريما لايث(وصفات ريما/دجاج+ خيزو وخيار محكوكين+ نسمة القرفة والحامض
السناك2
2 كيسان ماء+ 2 خوخ او مشماش او اناناس او كيوي+كاس ياوورت لايت
العشاء
خضر مبخرة+كفتة الميرلان بلاصوص طوماط(وصفات السمك/ريما
وهكدا ينتهي الاسبوع النمودجي الاول لي كنقترح عليكم وكنتمنى يكون ساعدكم بعض الشيء في تطبيق الريجيم الطبي ديالنا والاكيد ان الوصفات لي فايت لي منزلة زائد اجتهادكم الخاص غادي يخلي الريجيم متعة كبير ما لها مثيل
اللهم اكتب اجرها لكاتبتها ولقارئتها ولمن طبقتها ..ولك اخواتي بالتجمع
الله يجعلها عتبة خير على الجميع
فوفو توحشناااااااك حبيبتي الله يعاونك على الخدمة
ويكمل ليك فزواجك يا ربي امين و يرزق كل انسة الزوج الصالح
الله يكمل بيخير توحشناك و بقات بلاصتك
الله يجعلها دار خير علينا كامليييييييين.
شكرًا فوزية مين منستيناس باش مانبقاوش مشردين ههههههه.وثبتي رآه أنا إكرام ماشي سناء الله يذكرها بخير حتى هي غبرات في الشرق.
مع الأسف دخلت لقيتك خرجتي
أختي الله يعاونك ، وربي يكمل عليك بالخير يارب ويرزقك السعادة الدائمة إن شاء الله ، ويحقق ليك كب مكتمناي
وكل وحدة فهاد التجمع الله ينولها لي في بالها ويحقق ليها كل ما تمنى في القريب العاجل
وألف مبروك العتبة الجديدة ن الله يدخلها على كل وحدة فينا بلي كتمنى وأولها حلم الرشاقة
المشاركة الأصلية كتبت بواسطة حفيظة32 
مع الأسف دخلت لقيتك خرجتي
أختي الله يعاونك ، وربي يكمل عليك بالخير يارب ويرزقك السعادة الدائمة إن شاء الله ، ويحقق ليك كب مكتمناي
وكل وحدة فهاد التجمع الله ينولها لي في بالها ويحقق ليها كل ما تمنى في القريب العاجل
وألف مبروك العتبة الجديدة ن الله يدخلها على كل وحدة فينا بلي كتمنى وأولها حلم الرشاقة
آمين يارب وحتى نتي تجئ تبشرينا بزواجك قريبا.
المشاركة الأصلية كتبت بواسطة فاطمة التهامي الله يجعلها عتبة خير على الجميع
علينا و عليك
و الله يكمل عليك بالخير
بارك الله لكما بارك عليكما و جمع بينكما في خير