التعب قتلتني هاد الايام

السلام عليكم و رحمة الله و بركاته مبروك رمضان لجميع الانيقات

خواتاتي رمضان الي فات فوت رمضان بخير قاع معييت هاد رمضان وليت نعيا بزاااااف غير نفطر نعيا باش نقول نغسل الماعن و نصلي لعشا صافي عينيا يتغمضو منقدرش نزيد نسهر مع والدتي .ماكلة منكولش غير شوية نشبع و مع السحور نشرب كاس اتاي شوية سلو و صافي .مع الصباح يصبح قلبي واجعني و راشي يوجعني منقدرش نمشي نخدم .

الي سبق وقع ليها هكدا تساعدني الي عندها شي حل تفيدني

---

hgjuf rjgjkd ih] hghdhl

السلام عليكم اختي
ما يكون عندك باس
حتى انا العام الفايت كنت بحالك
ما كناكلش مزيان وملي نفطر كيجيني النعاس و كنحس بالخمول و الاهم النهار كامل وانا راسي كيحرقني ما كنكمل النهار غير بالسيف. ملي كمل رمضان ضعافيت بزاف وو ليت صفراء و في السخفة
ملي قرب عيد الاضحى بديت كنشرب سيرو فاتح الشهية و داومتو ووليت كناكل مزيان وكناكل اكل صحي. هاد رمضان الحمد لله بصحتي ما كنحس بحتى حاجة الحمد لله.
اختي انصحك سيري عند طبيب و هو عادي يوصف ليك ادوية مقوية
ما يكون عندك باس
طمنينا عليك

الله يشافيك الحبيبة و يوقف معاك
سيري الحبيبة عند الطبيب ممكن يكون من الطونسيون المهم الطبيب يعرف أحسن و يعطيك فيتامينات باش تقدري تدوزي رمضان مزيان
و مبروك عواشرك الحبيبة

احبيبة يمكن اكون عندك لحديد ناقص في الدم نصحك كما كالت الاخت تزور طبيب وهو غيقولك حسن منا
الله يقويك الحبيبة ويثبت اجرك ان شاء الله

هاد الأعراض أختي ديال فقر الدم أ tension أو هما بجوج حيت حتى أنا بحالك, أول حاجة فوتي علك آتاي surtout في سحور و عوضيه بكاس حليب محلي بالعسل أو كاس عصير فواكه جافة و بزي على راسك تاكلي و نصيحة ما تاخديش فاتح شهية غيزيد غير يرخيك كتر ما نتي مرخية هههه و عوضية بالحلبة و أقراص vitamine c و ضروري تمشي تعبري tension و ما تاكليش الخيار و الثومة بزاف را كيطيحو tension و الله يجيب شفاء

الله يجيب ليك الشفاء
من الاحسن اختي تزوري طبيب هو اللي غايعرف شنو عندك وغاينصحك شنو ديري

ومن الاحسن متشربيش اتاي فسحور تجنبيه وخودي كي قالت الاخت كاس العصير او حاجة اخرى

الله يزيد فراحتك

خواتاتي بارك الله فيكم على الدعاء و النصائح غادي نقطع اتاي نشرب حليب و لا عصير .مجاش في بالي بلي الضغظ يقدر يدير هكدا او فقر الدم ان شاء الله نمشي نعبر الضغظ .

ربي يخليك اختي هادشي الي كنت فيه راني فيه اليوم ان شاء الله نمشي عند طبيب نشوف واش عندي

ربي يحفظك اختي و يفرحك

بارك الله فيك اختي على النصيحة و الدعاء .ايه اختي غادي نعبر الضغظ نشوف

ربي يفرحك اختي عواشرك مبروكة

بارك الله فيك اختي على الدعاء و النصائح

ايه اختي يقدر يكون عندي الحديد ناقص ناكل العدس نشوف