التخلص من حب الشباب و اثاره بابسط الطرق

السلام عليكم و رحمة الله تعالى و بركاته
اليوم جبتلكم وصفات طبيعية للتخلص من حب ط§ظ„ط´ط¨ط§ط¨ و ط§ط«ط§ط±ظ‡
الوصفة 1
عصير ليمون (البرتقال) + القليل من القرفة نخلطوهم مزيان حتى نحصلو على خليط متماسك (بحال العجين) من بعد ناخدو القليل منو بواسطة قطن تنظيف الاذن او نعملوه فوق الحبة ماشي لوجه كامل غير الحبة
مفعولها انها كتيبس لحبوب او مكيبقاش كبير او حمر او راها كتحرق كتستعمل يوميا حتى يختفي باذن الله
الوصفة 2
الطين الاخضر + ماء الورد يتخلطو مزيان او نعملو بيهم ماسك مدة 20 دقيقة او نغسلوه بالماء من 2 الى 3 مرات في الاسبوع
مفعولها انها كتقلل الدهون بالبشرة الشيئ لي كيساعد فمنع ظهور الحبوب و الرؤوس السوداء
الوصفة3
الارز مطحون +ماء الورد + قطرات من عصير الحامض (يمكن الاستغناء عليه) يتخلطو مزيان او نعملو بيهم ماسك مدة 20 دقيقة 3 مرات بلاسبوع حتى يبدى يخفاف لحبوب او عاد يبقى يتعمل مرة بالاسبوع
مفعولها كتيبس لحببوب او كتصفي لوجه
الوصفة 4
نيدو + نشا + دانون مسوس + دقيق لبيض (فورص) كنجمعو المواد مع بعض بدانون من الاحسن يكون بارد او نعملو بيهم ماسك مدة 20 دقيقة 2 مرات بالاسبوع
مفعولها كتقضي على لحبوب او كتصفي لوجه مزياااااان
كنتمنى نكون فدتكم اي تساؤل انا في الخدمة

---

hgjogw lk pf hgafhf , hehvi fhfs’ hg’vr

شكرا بزاف أختي عجبني لوصفة ديالك أنا مفيش بزاف هير أتار ديالو ليبقى

العفو حبيبتي كنتمنى نكون فدتك
انا مزال عند وعدي لك او غادة نزل موضوع عن كيفية العناية بالجسم
شكرا على مرورك العطر

3arfaki akhti olah ijazik alfa khayr 3la lmosa3ada likat3tilina walah

العفو حبيبتي انا دائما في الخدمة

السلام عليكم
شكرا اختي

العفو اختي