السلام عليكم
كيف ما قلت في العنوان ط§ظ„طھط®ط²ظٹظ† كيسهل علينا ط§ظ„ظˆظ‚طھ واقتصادي لانه شي مرات الخضرة كتنقص في الثمن من الاحسن تشري كمية وتخزنيها ولا الخضرة كتبدا تخسر في الثلاجة وتلاح وهذا ضياع وصافي غادي نشارك معاكم شي حاجات نفعوني بزاف
شي مرات كيكون عندك الشغال ولا اي حاجة اخرى وكتبقاي حتى لاخر لحظة كتجاراي ….
مثلا شي مرات كنطيب بزايد تمن 2 تطييبات والنص كنخبيه
هذا كريب درتو ولفيتو وكل وحدة جمدتها بوحدها في صينية من بعد جمعتو
هادو دونات درتهم بعجينة 10 دقايق وشكلتهم وخليتهم خمرو من يعد رشيت صينية بالطحين وفرقتهم دخلتهم جمدو شي ساعة
من بعد جمعتهم كلهم فاش كنبغيهم كنجبدهم بشي ساعة ولا ماكاملاش ونقليهم عادي
حتى القطايف كنجمدهم حتى نبغيهم
والعجينة كنسمع اللي كيقول حتى تخمر واللي كيقول قبل ماتخمر جربت واحد الشوية مازال ماعرفت واش غتصدق
البيتزات كاين بزاف ديال الطرق
1 اما ديريها وتعمريها وتطيبيها غادي يبقى غير تسخنيها
2 اما ديريها وتعمريها وماطيبيهاش تجمدي كل وحدة بوحدها
3 او ديريها وماتعمريهاش يعني غير عجينة وتجمدي كل وحدة بوحدها
4 او ديريها وماتعمريهاش ودخليها للفران غير شوية تشد راسها وتجمديها هي الي درت انا
دابا الخضر بالنسبة للدنجال كنشويه اما لزعلوك ولا للمتبل
القرعة كنشحرها للكيش ولا الملاوي
حتى البصلة كنشحرها للكيش او اي حاجة اخرى ولا كنقطعها هاكاك باش ننصب بيها ماكيبقا ليا غير نجبد ونحط في الكوكوت
خيزو كنحكو للملاوي ولا مع الليمون ….
الشفلور كنحطو في الما كيغلي غير يبدا يغلي شوية نحيدو ونخليه يبرد ونجمدو من الاحسن كل تطييبة بوحدها
هنايا شحرت البصلة وخيزو محكوك وقليت البطاطا والدنجال الشفلور والدجاج فاش نبغيهم نجبدهم نخليهم يطلقو ونزيد عليهم البيض القزبور المعدنوس او الشبت الفرماج محكوك طريفات مطيشة والجلبانة وللفرن
هادا سكنجبير اخضر حكيتو ودرتو في المكعبات فاش كيجمد كنجمعو
ودابا وقت الثلج كنجمدو في المكعبات وكنبدا نحيدو ونجمعو في البلاستيكة هاكا مكيشدش البلاصة وكيكون ديما عندي
اه حتى بغرير كنجمد كل وحدة بوحدها في صينية تكوني درتي عليها بلاستيكة فاش يجمدو كتجمعيهم كلهم فاش تجبديهم خليهم يطلقو ايلا كان الميكرو اوند مزيان ماكانش كتسخني الفران مزيان وطفيه ودخليهم يسخنو من بعد وسقيهم
هاد الشي اللي تفكرت دابا ايلا تفكرت غادي نزيد نزل طبعا ايلا عجبكم الموضوع وكنتمنى نستافدو من بعض واللي كتعرف كيفاش تتخزن شي حاجة دريها لينا حيت كيختلط الامر شي مرات كاين شي حاجات خاص يدوب الثلج عاد طيب كاين شي حاجات مباشرة طيبيها وكنتمنى يعجبكم الموضوع وتفاعلو معاه وشكرا بزاااف مسبقا
hgjo.dk td hgtvd;, hrjwh]d ugn hg[df ,ugn hg,rj >>> hgjpwdk hgp[m
هد الافكار زوينة الله يعطيك الصحة…
واياك من البصل راه تيتسمم فالكونجلاتور راني سمعتها مرارا وتكرارا