25/11/2019
بما أني من عشاق ط§ظ„ط¨ظٹطµط§ط±ط© بافول حبيت نقدم ليكم طريقتي في تحضيرها و تقديمها و خى أنا في بعض الأحيان كنكلها في الزلافة بالمعلقة أممممممم ياسلام و خصوصا إلى كانت زيت الزتون الوزانية جديدة و هذا و قتها طبعا
البيصارة بالفول
المقادير :
500g فول يابس
12 فص ثومة
ملح
للتقديم :
زيت الزيتون
كامون
سودانية
بصل
فلفلة خضرة
زيتون حامض
فلفلة حارة مقلية
طريقة التحضير :
نقي الفول و نغسلوه و ندير عليه الماء و نحطو يطيب
من يطيب ندق التومة مع الملحة في المهراز و نضيف ليه
و نخليها تغلي غلية و نرفعها من على النار و نطحنها تم نغطي طاوة و نخليها 5min و نعاود نطحنها
و نرجعها تغلي شوية و نصبها في الطاجين و نخوي عليها الزيت و ندردر عليها الكامون
و تقدم بالصحة و العافية
أتمنى أن تعجبكم الوصفة و تقومو بتطبيقها
hgfdwhvm fhgt,g fhglvhpg , hgw,v
صراحة انا بيني و بين البيصارة غير الخير و الاحسان ههههه و لكن طريقتك في تقديمها شهاتني فيها الله يعطيك الصحة
لك مني احلى تقييم
واش كايطيبيها فالاول بلا ملح
واش كاتطيبي البكاسو بنفس الطريقه
جاوبيني وسمحيلي كترت الاسئله حيت راجلي كاتعجبو البيصاره مع هاد البر
وانا ماكانعرش نطيبها
الله يعطيك الصحه اختي على كل وصفاتك الرائعه
المشاركة الأصلية كتبت بواسطة fatima 01 
شكرا على مرورك و ردك العطر بارك الله فيك أختي
المشاركة الأصلية كتبت بواسطة ملاك الحور شكرا على مرورك و ردك العطر بارك الله فيك أختي
المشاركة الأصلية كتبت بواسطة اريج عطر صراحة انا بيني و بين البيصارة غير الخير و الاحسان ههههه و لكن طريقتك في تقديمها شهاتني فيها الله يعطيك الصحة
لك مني احلى تقييم
شكرا على مرورك و ردك العطر بارك الله فيك أختي
شكرا على التقييم و مرورك و ردك العطر بارك الله فيك أختي
يسول فيك الخير و الربح أحبيبة راه غير مع هذا المشقوف مرة كيخدم و مرة لا راه فاقصني خاصني نبداه عيا مسكين هههههههه
المشاركة الأصلية كتبت بواسطة المعكازة واش كايطيبيها فالاول بلا ملح
واش كاتطيبي البكاسو بنفس الطريقه
جاوبيني وسمحيلي كترت الاسئله حيت راجلي كاتعجبو البيصاره مع هاد البر
وانا ماكانعرش نطيبها
الله يعطيك الصحه اختي على كل وصفاتك الرائعه
شكرا على مرورك و ردك العطر بارك الله فيك أختي
لا أحبيبة 12 فص الثوم في نصف كيلو فول ماشي بزاف حيث الثومة هي لي كتزينها و راه فصوص لي استعملت غي صغار حيت استعملت ثومة بلدية كتعجبني في الطياب يمكن ليك تعملي غير 10 فصوص و لكن مشي قل حيت الثومة خاصها تكون بزايد باش نحصل على بيصارة بنينة
أه كنصلقها بلاملح حيت الملحة كندق بيها الثومة و كنزيدها على االفول من بعد ما كيطيب و نخليها تغلي عاد نطحنها
أنا غالبا كنمل البيصارة ديال الفول و الجبانة كنعمل جلبانة طرية و كنضهسها و كنتبلها كتجي رااااااائعة و متشبعيش منها رأنا مصورة الوصفة غذا إن شاء الله نحطها
غير جربيها راه هذي طريقة ماما راه بيصارتها كلشي كتعجبه