البنات عندي تساؤل و كنتمنى ما تبخلوش عليا بالردود فالقريب العاجل

السلام عليكم و رحمة الله
نحكي ليكم القصة انا كنت شارية واحد الدار قديمة وعاودناها في الاصلاح و سكنا فيها انا و راجلي و ولدي صغير عندو 3 سنين المهم الحي اللي فيه ديك الدار خايب و فيه الدراري قباح و خفنا على الوليد ديالنا يكبر فيه و بعيد بزاف على المدرسة الللي بغيت نقري فيها ولدي حيت تابعة للخدمة ديال زوجي وفيها القراية مزيانة المهم سكنا فيها تقريبا عامين و بعناها حاليا انا كالسة فدارنا و اليوم شفت واحد الشقة انا و زوجي فواحد المجمع سكني تابع للخدمة ديال زوجي هاد الشقة مولاها خدا التقاعد وبغا يرجع لبلادو كاليا زوجي علاش منشريوهاش و نسكنو فيها حيت قريبة بزاف للمدرسة و كاينة و سط المدينة وحتى الناس فيها مزيانين دابة انا الله يسمح ليا وليت كنكول واش انا كانت ط¹ظ†ط¯ظٹ دار غتولي ط¹ظ†ط¯ظٹ شقة وليت تاني كنكول ندمت لاش بعت ديك الدار و كنفكر تا كنعيا و كنكول استغفر الله العضيم هاد الشي مكتاب الله دابة مول الشقة كيتسنى الجواب ديالنا و زوجي كيتسناني نقرر و انا راسي داخ ط¹ظ„ظٹط§ و خايفة ناخد شي قرار وندم عليه الله يحفظ مع العلم ااني صليت اليوم صلاة الاستخارة نتمنى الخير من عند الله و نتمنى منكم تجاوبوني واش نشريو الشقة ولا لا وانا كنحترم كل الاراء كيف ما كانت انتظر الردود على احر من الجمر و اعتذر حيت طولت اكتر من القياس

---

hgfkhj uk]d jshcg , ;kjlkn lh jfog,a ugdh fhgv],] thgrvdf hguh[g

اختي دار اوشقة ماشي مهم المهم هو لهناء وراحة البال والسعادة راها كانت عندك دارك وشفتي على عنيك لولاد قباح وخايبين يعني مرتحتيش الشقة مشي عيب الى موقعها مزيان والجيران الله اعمرها دار صلي صلاة الاستخارة وتوكلي على الله وربي اجيب لفيها الخير وعواشرك مبروكة راهم كينين لملقاو حتى بيت فين يتسترو حمدي الله وربي اجيب لفيها الخير

شكرا بزاف الله يجازيك بالخير انتي الوحيدة اللي جاوبتيني و كي كلتي راحة البال هي اللي كنقلب عليها راني عاودت صليت صلاة الاستخارة مع الفجر و الله يجعل ربي يسخر للي فيها الخير لينا و ليك و لجميع المسلمين جزاك الله خيرا اختي

شكرا بزاف الله يجازيك بالخير انتي الوحيدة اللي جاوبتيني و كي كلتي راحة البال هي اللي كنقلب عليها راني عاودت صليت صلاة الاستخارة مع الفجر و الله يجعل ربي يسخر للي فيها الخير لينا و ليك و لجميع المسلمين جزاك الله خيرا اختي

اختي الحبيبة السلام عليكم المهم هم الهنا وراحة البال الا كان الحي مزيان و ناسو مزيانين توكلي على الله

شكرا ختي الله يسخر للي فيها الخير

اختي المشكل ماشي فدار ولا شقة لمشكل هي المحيط فين غاديا تكبري ولدك وتقريه هادي راه ماعندها حتى تمن فنضري توكلي على الله وسكني فيها ومن بعد يجيب الله شي رزق وتاخدو دار فنفس المنطقة او حسن منها راه غير قطرة قطرة كايحمل الواد والهنا وراحة البال هما المهمين.

جزاك الله خيرا شكرا على الرد

اختي رايي تاخدي الشقة حيث موفر فيها قاع الشروط الموقع و الجيران الصالحين و قريبة للمدرسة ديال ولدك

الاهم كيجي قبل المهم .الاهم هنايا هي مصلحة ولدك و مصلحتكم

سلام يا أختي أنا فهمت باش ركي تحسي صعيب على الواحد لتكون عندو دارو حرة ديالو او ينتقل لشقة حتى أنا مريت بنفس المشكيل كنت بوحدي هانية او دبى أنا ف شقة صداع بزاف الحضرة لغوات أنا رجلي كيخدم ليل او خصوا ينعس في نهار مسكين يبقى غير يصوت او يتجنن مع العلم أنا مشي في المغريب أنا في الغربة او ركي عارفة قانون الغربة كلش بلحساب أما المغريب حاجة خرى

أنا في نضري تمهلي شوية او حولي تقلبي على دار بحدك قلبي بصباح او لعشية ولا ديري سمسار إلى ما لقتيش او كان هدا الحال الوحيد رضاي با نصيب ديالك او توكلي على الله هو المستعان

ربي يفرجها عليك او ينولك لفي بالك او يفرحك ربي باش تمنات خاطرك او ربي يحفض ليك وليدك او يكون درية صالحة او تشفيه في مراكز عالية إنشاء الله

رمضان كريم