البنات شكون فيكم جربات العدسات اللاصقة ؟؟

السلام عليكم ورحمة الله وبركاته
كيف حالكم الانيقات
بغيت نسولكم بخصوص ط§ظ„ط¹ط¯ط³ط§طھ ط§ظ„ظ„ط§طµظ‚ط© واش سبق شي وحدة استعملتهم واش ناهية اضرارهم واش شرعا يجوز المراة تزيزن بيهم ؟؟
واش من ماركة مزيانة فحالة بغيت نديرهم ؟؟؟
انا في الانتضار

---

hgfkhj a;,k td;l [vfhj hgu]shj hgghwrm ??

اختي العدسات الاصقة خآآاص ماركة مزيآآنة وخاص متكونش عندك حساسية و اكثر شي النقآآآآآوة باش متمرضيش عينيك واكيد عند مول البصريات ينصحك باحسن ماركة و حاجة تانية الوقت المحدد للاستعمال ديالهم كاين ملي ينوض صباح وهما فعينيه حتى ليل اختي راه العين خاصها تنفس

السلام عليكم أختي ، أنا كندير ولكن ديال النظر ، كنت ندير عاديين شفافين ، هاد المرة بغيت نديرهم ملونين ، ولكن نديرهم في الدار ، وندير وحدين عاديين للزنقة ، أنا دابا مارانيش دايراهم ، الطبيبة لقاتلي حساسية في العينين قالتلي حتى تشافاي ، دابا راني مزيانة غادي نديرهوم عاود ، أختي الأضرار ديالهم ، خاصك ملي يكون الريح والغبار ماديريهمش ولا ديري فوقهم النضارات ، وماتقربيييييش أي حاجة سخونة ، الفرا، ؛ البوطة ، السيشوار ، الكاسك لي يديروه الكوافورات ، المهم أي حاجة سخونة ، حيت الله يستر يلصقو على العينين وتعماي ، وكذلك في الشمس ديري فوقهم نضارات ، أنا كنفضلهم بززززاف على النضارات ، مريحين ومزيانين ، ولكن خاصهم العناية ، تغسليهوم يومييييا في الماء ديالهم ، وتبدليه يوميا ، بالنسبة للشرع شنو يقول فيهم ، أنا فايتلي قريت فتاوى كثيرة عليهم ، لا يجوز باش المرأة دير عدسات ملونين وتخرج بيهم ، ديرهم غير في الدار باش تتزين للزوج ديالها ، ولا قدام المحارم والنساء

انا اختي مجرباهم درتهم شحال من مرة و بالنسبة للنوع راه كاينين انواع الرخاص اللي تيديو لسيمانة تيعملو 30 درهم و كاينين الي تيعملو 90 درهم تيدومو حتال 6 اشهر
اللي نصحك خاصك تحفظيهم في الماء ديالهم ديما و ميتوسخوص نهائيا النظافة مهمة العينينن هادو ماشي اللعب تيبغيو النظافة وويااااك تغفلي و تنعسي بيهم راهم يلصقو ولا يقدرو يدوبو ليك في عينيك و يسببو شي مشكل الله يحفظ

أختي هاد النوع لي قلتي ب 90 درهم يدومو 6 شهور ، راه مانضنش واش حاجة مزيانة ، أنا راه كندير للشهر 15 أورو ، وديال 6 شهور 60 أورو

اختي نبع الحنان انا كنت نستعملهم و لقيتهم مزيانيييين بزاف و حتى النوع الارخص مزيان و لكن المهم هو النظافة و كيفية الاستعمال و منستعملوهمش مدة طوييييلة
اختي للاشارة انا اتكلم عن العدسات للزينة ماشي الطبية و اريد ان اضيف انهو اللي عندها حساسية في عينيها من الاحسن تجنبها او تستشر طبيب

البنات كنشكركم بزاف على ردودكم راه خديت منكم معلومات غادي يفيدوني وانش اء الله غادي نمشي ونجرب

لا شكر على واجب أحبيبة ، شوفي نصيحة شريهم منl’optique ، عندك تشريهم من لي يبيعوهوم من طرف ، ماتعرفي منين جايبينهم ، والنضافة ثم النضافة ، باش مايضروكش في عينيك

شحال كدير الماء ديالهم وشحال المدة لكبقى
بغيت نديرهم ونحيد النظارات
وخفت من الماء اكون غالي
وخفت ثاني من واحد المعلومة سمعتها قاليك كعوجو مكان بؤبؤ العين
جاوبوني عفاكم

أختي شفتي الناس ، أيييي حاجة يخرجو عليها اشاعات ، راه إدا تبعتي الناس غديا تحماقي معاهم ، الماء ديالهم رخيص بزاف ، أحسن ماركة ماواصلاش 150 درهم ، أنا هنايا في بلجيكا شريتو 14 euro فيه 355 مل ، اسمو opti-free ، قالتلي أحسن ماركة ، والمدة ديال الصلاحية 6 شهور واخا يبقا فيه ، المهم نتي سقسي لي مختص يقولك اينا ماركة مزيانة ، أنا راه كنت نشريه في المغرب والله ماعقلت سميتو ، هوما راه مزيانين بزاف ، ويطلعو النضر فيساع ، النضارات كيديرو الهالات السوداء ، ويدخلو العينين وماشي مريحين