الامساك بعد الولادة ما الحل؟؟؟؟؟

السلام عليكم ورحمة الله و بركاته
هادي تقريبا جوج سيمانات باش ولدت وقتلني ط§ظ„ط§ظ…ط³ط§ظƒ مخليت ملين شراب مخليت الياف غبرة وكندير ابر الشرجية و كنخوي كرشي و لكن ايلا مدرتهاش منقضيش الغرض
كنشرب الما كناكل الخيار كيوي التفاح التين الخس……..
عييييت وليت هازا ليه الهم كتر من الغراز اللي دايرا
عاونوني الله يسهل عليكم
والسلام عليكم و رحمة الله وبركاته

---

hghlsh; fu] hg,gh]m lh hgpg?????

حاسة بيك أختي وحتى أنا كان عندي نفس المشكل
ولكن أنا رجعت عند الطبيب لي كنت متبعة معاه فالحمل وعطاني دواء ومن بعد رجعت بخير
ولكن شي طريقة أخرى معنديش حتى فكرة ، لله اشفيك أختي إنشاء الله ادخلو لبنات تكون عندهم فكرة

ختي الل سهل و بسييييييييط
البرقوق اللي كنديرو مع اللحم رطبيه فالما و شربيه
زريعة الكتان فعالة معلقة مع كاس الحليب 3مرات فالنهار
و يزوجهم مجربين و ادعيلي

داز علي أختي الله يشافيك ألمو كبر من الولادة بزاف لقيت راحتي فالكورجيت أي القرعة خضرا كل صباح سلقي وحيدة و طحنيها بالماء ديالها و شربيها على الريق و بعدي على الحار و القطاني و اللحم بزاف و ستعملي هاد البومادا سميتها

السلام احبيبة حاسة بيك انا دوز عليا معاناة كبيرة و خصوصا مع البواسير حاولي تعالجي الامساك قبل كايطور الوضع انا كنت متبعا نظام غذائي غني بالماء و زيت الزيتون يلا تقدري تشربيها احسن وكاينين ساشيات جابتهوملي مرات خالي من برا سميتهم movicol
مكتوبين بالازرق وكيتوصفو حتى للمراة المرضع ومعرفتش واش كاينين هنا نصحك واخا تاخذي دواء يطلق الكرش ديري ريجيم صحي غني بالالياف والماء وبقاي تاكلي خبز الشعير احسن والله يشافيك

عاد لقيتها سميتها titanoreine

لهلا يخطيك اختي راه الدوايات كلهم جربتهم و انا ساكنة فالتاج التاني منقدرش نزل فالدروج حاليا على ود الغراز حيت منين جيت من السبيطار تحلات ليا غرزا بالطلوع فيهم ربي يجازيك بالخير

ختي انا فالسعودية ماشي فالمغرب كنت قلبت عليه شحال هادي باش نطيبو لراجلي ملقيتوش ربي يجازيك بالخير على الاهتمام
زريعة الكتان حتى نشوف سميتها هنا و نقول للراجل يجيبهالي الله يكفيك شر المرض ياااااارب

ويييييييييييه اختي الله يجيب اللي يحس بينا كنموت كنبقا نغووووووووت وكنلقا البراز حاشاك منين كندير الابرة الشرجية قاااااااااسي و ناشف و كنقيل نشرف فالما يمكن مع الرضاعة كنخوا من الما

وحتى انا فيا البواسير و الغراز كتاااااااااااار و ربي يشوف من الحال اللهم لك الحمد على كل حال يااااااااااارب دابا نشوف هاد الساشيات واش كاينين هنا راني عييييييييييييت اختي ربي اللي عالم بيا