الابطين عقدوني

السلام عليكم اخواتي انا عندي مشكيل عقدني هو الابطين ديال كينبت الشعر فيهم بسرعة ومن كتر ما كانكرطهم و حاشاكم بعدة ولاو ليا كحل وابغيت منكم الله اجازيكم كل خير اتشوفو ليا شي حل اخلي اشعر ما ينبت بسرعة ويبيض ليا الابطين ديالي وشكرا بزاف

hghf’dk>>>>ur],kd hghf’dkur],kd

حتى انا اختي بحالك وكنتمنى من الخوات يساعدونا ويفيونا

سلام ممرضة الاجيال شت حتى واحد ما جاوبنا واقيلا كلشي الانيقات عندهم نفس المشكيل لاباس ماشي احنا بوحدنا و وعد مني القا الحل و نرد على احبيبتي لخبار

معليك ألحبيبة غير بالبابونج عاد جربت هاد الاسبوع ديريه يتبخ غير يطلع وطفي عليه خليه واحد السعتين ومن بعد ديريه في رشاشة بحال لي عند الكوافورة وكل يوم رشي في كل ابط رشيشة وتمتعي بالبياض وحتى الريحة مغديش تبقى غادي تستغناي على كاع المطهراة
بياض ونضافة منكوليكش عن تجربة
او شي دعيوة من القلب

نسيت مكلت ليك من بعد ميبرد وتودوز واحد الساعتين صفيه عاد ديريه في الرشاشة

اختي انا نقول لكم واحد الوصفة غزاااااااااااالة كنت لقيتها وجربتها زوينة بزاف ولكن داوميها لمدة 2 او 3 اسابيع يوميا

تحتاجي*
125 ملل كريم جليسوليد احمر
عصير 4 حامضات
كاس صغيييور زيت اللوز المر
2 حبات من فيتامين س
تخلطي الكريم مع زيت اللوز المر
وتدوبي فيتامين س في داك عصير 4 حامضات
وتمزجي خليط الكريم والزيت و فيتامين س دايب فعصير الحامض
غادي يولي عندك فحال كريم و هاد المقادير اللي عطيتك ضروري تكمليها في اسبوع وتعاودي تصايبيها ثاني
وخاصك ديريها فالثلاجة
غير جربيها على حسابي وتبعي هادشي اللي قلت ليك بالحرف
وغادي ترحميني عليها
ويلى جابت معاك نتيجة دعي معايا يحققلي ربي اللي فبالي

مشكورات بزاف حبيباتي ام اسامة وشمعة وعندي دمعة غانجرب ونرد عليكم الله اسهل ليكم وينولكم اللي فخاطركم ويجعلكم من اهل الجنة و بغيت نسولكم واش هاد الوصفات غادي اخفو من انبات الشعر ولا لا شكرا بزاف ومني ليكم احلى بوسة