افكار لحفل الزفاف من انيقات المنتدى لكل عروس

السلام عليكم اخواتاتي نتمنى تكونوا فاحسن الاحوال
بما ان العروس هي محور هاد القسم فقلت مع بالي اكيد ما غادي يدخل ليه غير اللي راها على ابواب الزواج وكتحضر لخطبتها ولا ليلة عرسها و اكيد ما ننساش المتزوجات الله يبارك ليهم فوليداتهم و يرزقهم بالذرية الصالحة و اللي دازوا من هاد المراحل و مرة ومرة كيدخلوا باش يرجعوا الذكريات و لا باش يساعدوا شي حد من الاقارب ….و نزيد حتى الاخوات العازبات الله يجعل ربي يسهل عليهم و يبعت ليهم الزوج الصالح يا ربي .
فقلت مع بالي ندير موضوع اي وحدة تدخل تقترح و تطرح ط§ظپظƒط§ط± ممكن تستافد منها العروس فليلة عرسها ‘الحفل’ …. متلا ممكن شي وحدة تقترح شي فكرة فيما يخص طريقة دخول العروس للقاعة او لصالة البيت اللي دايرة فيه الحفل او شي ط§ظپظƒط§ط± غريبة ..طريقة تزيين القاعة اشنوا هيا الالوان اللي متناسقة و ممكن تزين بيها القاعة او الكراسي او الطاولات ….و بما ان جميع المغربيات مبلي بالعراسات فاكيد غادي تكون وحدة منكم حضرت لشي عرس و شافت شي حاجة عجباتها ….
يلاه نتمنى نتعاونوا مع بعضياتنا باش اللي واحلة ما عارفة كوعها من بوعها فيما يخص العرس نتعاونوا معاها و علاش الله اللي ما يكون موضوع نتعاونوا فيه و نظموا عرس كامل فيه

---

ht;hv gptg hg.tht lk hkdrhj hglkj]n g;g uv,s g;l

لفكرة لي طاحت على بالي هي فعرس صاحبتي الانتيم دخلات لقاعة مع رجلها فوق العود انا هدشي لي سمعت حيت مامشيتش حيت مامعروضاش لمهم الفكرة ديال الدخلة بالعود ماعرفتش واش كل واحد فعود او لا بجوج فوق عود واحد
لي عارفا تقول ليا

÷اد القضية ديال الدخلة ديال العروسة و هي راكبة على العود دازت فراسي يا لالة كتكون العروسة راكبة عالعود و الراجل شاد الحبل و مدخل عروستو للقاعة و لكن كيبان لي تماارة فيها أش جا ما يركبها و ما ينزلها و هيا لالبسة مية ثوب

أش غادي نقول ليكم حضرت لواحد العرس دخل مولاي السلطان فوق العود و لالة العروسة فوق العمارية ومخيبة علينا حتى العود طلق الفضلات ديالو فوسط القاعة وريحة كتقتل ههههه المهم ليبغات دير العود خاصها تفكر مزيان

هههههه ناري على تحشيمة

انا نقولكم على عرس خويا شفت واحد اللقطة وعجباتني فاش جاو يفرق اتاي ودوازوكانت العروسة والعريس جالسيين وقفوهم النكافات فالمنصة وبداو بهم التريتورا هما اللولن الليكبو اتاي فالكيسان وكانو والدين العروسة والعريس حداهم وعطاو لوالديهم هما الاولين واداو الكاطو وطالقين اغنية الكاس حلو للحاجة الحمداوية هههه
وحتى شربو وكملو تفراق اتاي على الناس عاد كلسو نتمنى نكون شرحت مزيان
اه نسيت وفاش كانو داخايت ترتورا دفاو الضو وكل تريتور هازة صنية اتاي بيد وديك الشمع اللي كيطلق الشراشر بيد
فهمتوني
ولما جا وقت العشا العروسة ناضت بدلات لبسة لونها اخضر ملكي والعروس لبس جابدور
والتريتور كانو موجدين لهم طبلة خاصة بالعروسة والعروس ووالدهم وخوتهم وطبلة مبدلة على الطبال لاخرين لا فالشكل وحتى الكراسى مبدلين وحتى الطباسل والكسان والمعالق والفراشط مبدلن على الطبال لوخرين يعني طبلة رائعة وشي حاجة غوايال

حبيبة هدشي غزال لقولتي الله يكمل علا كل العرايس بخير

أنا في عرسي منين طلعت في لعامارييا كنت حاطة قدامي لفانيد غير رافعووني بديت كانلوح لفانيد على لمدعوات ، وفي دخلا ديال لقاعة درت طبلة حطيت فيها تمر ولحليب وحطيت كتاب وستيلو باش لي دخلات تكتب ليا شي كلمة وراني دابا باقة كانجبدو وكانفراح منين كا نقرا هادوك لكلمات زوينين لي تكتبو في حقي، وفي هادوك لخنيشات ديال دراجي درت في كل خنيشا كتيب ديال حصن المسلم لي فيه الأدعية ، كنت دايرة لمونشيدات ومابين كل واصلة غنائية كاتناواد بنت ختي شي واحدة من لمدعوات باش تقول شي نكتة ولعيالات لكبار كانت كاتدي ليهم لميكرو حتى لعندهم باش يقولو شي نكتة أو شي كلمة للإشارة كانو غير لعيالات مكنوش رجال حتى راجلي مدخلش

مبروك على خوك و عقبال كاااااع اللي باقيات ….العرس باين كان غزااال نسولك واش التريتور هوا اللي دار هاد الحركات من عندو و لا كان شي حد هوا اللي نظم العرس و اقترح هاد الافكار؟

اختي فكرة زوينة ديال ىالعمارية و لكن تخاف لا تجي شي فنيدة فعين شي وحدة و نصدقو ما هي و ما لونها ديك الساعة… هاد قضية الكتاب اللي درتي فكرة زوينة ممكن تقولي لينا كيفاش كان داير هاد الكتاب واش زعما شريتي دفتر عادي و لا قاديتي الكتاب و طبعتيه ؟؟