المرجو عدم الرد ط§ظ„ظ„ظ‡ يجازيكم بكل خير يا ربي امين
أنيقات منتدى أناقة عربية مبروك عواشركم والله إدخلها على جميع المسلمين بالصحة والرزق والمزيد من الطاعات ومغفرة الذنوب
رغبة من مشرفات مطبخ أناقة عربية في فتح مجال للتعلم والتنافس فهذه دعوة للمشاركة في الدورة رقم 2 الخاصة بأطباق رمضان
موضوع الدورة :
أطباق خاصة برمضان مصورة وبالتفصيل
يطلب من المشاركات وضع تطبيقاتهن بتنزيل صور في موضوع مستقل خاص بالتطبيقات
رابط التطبيقات
https://www.anaqamaghribia.com/vb/sho…D1%E3%D6%C7%E4
ينبغي الالتزام بتنزيل الصور من مركز أناقة لتحميل الصور
هدفنا :
بث الحماس في عضوات أناقة من أجل المنافسة الشريفة
لنتشجع اذن ونشجع بعضنا على تطبيق الوصفات
مدة الدورة :
ستستمر الدورة بإذن ط§ظ„ظ„ظ‡ مدة شهر وذلك لإتاحة الفرصة لأكبر عدد من المشاركات والمستفيدات
الجوائز
سوف يتم تكريم المشاركات الأكثر تفاعلا مع الدورة والأكثر تميزا في وضع صور أطباقهن بإضافة نقاط إلى رصيدهن
يسعدنا تواصلكن الدائم ويدفعنا إلى المزيد من العطاء
على بركة الله
شوربة بالكروفيت و لخضرا
حزمة د البصلة الطويلة الخضرا
خضار مشكلة (خيزو جلبانة الذرة لوبيا الخضرا) او ممكن تديرو اي خضار تفضلوها
ابزار زعفران شعرة 2 م زيت بلدية
قليل من توابل الشوارما
قليل من زعتر يابس
قليل من زعيترة
ازير و قليل من حبة البركة
نقليو البصلة فشوية دالزيت بلدية
و نضيفو عليها جميع التوابل و الاعشاب باستثناء توابل الشاورما
نضيفو الكروفيت
عاد نضيف توابل الشاورما
نقليوه شوية
نضيفو الخضار
نضيفو لماء الكافي ونغطيو الطاوة
نخليوها طيب على راحتها
ها هي منين وجدات
بالصحة و الراحة
ملاحظة نقدرو نعوضو الكروفيت بصدرالدجاج مقطع صغير
h’fhr ],vm vlqhk>>> hga,vfm hgpvdvm >>> lj[]] fh`k hggi Hjp]n vlqhk
المقادير
كرعة خضرة
سكينجبير طري
توم ملح إبزار زبدة
كاس الحليب ممكن تعوضوع بالكريم فريش
الطريقة
نقيو الكرعة نقطعوها نسلقوها في الماء والملح مني طيب نطحنوها بكاس الحليب
ناخدو طرف زبدة نشحرو فيه التومة وسكينجبير محكوكين ونزيدو عليه خليط الكرعة لي طحنة والإبزار ونخليو الشوربة تغلي مزيان ونطفيو عليها الإبزار ونقدموها بالصحة والراحة
شوربة بالقشدة الطرية
مقادير
250غ كرعة حمراء مقشرة
4 حبات بطاطس او اقل
2 حبات بورو
4 مالق كبار قشدة طرية
1/2 ضامة البنة مفضلة لديكم
إبزار +ملح +ماء
طريقة
نسلقو الخضربالملح وابزار من بعد ما نضافنهم وقطعنهم وعملنهم في كسرولة وعملنا ماء الكافي للغرض
من بعد كنخلو الخضرة تبرد في ماء اللى تسلقت فيه
ونخدو مولينكس ونعملو فيها الخضر بماء ديالها ونطحنو جيدا حتى نحصلو على خليط سائل وكثيف شيئا ما
نوضعو خليط محصل عليه في كسرولة ونضعه فوق نار مهيلة ومن بعد ما يغلى نضفة نصف ضامة البنة بنكهة اللى كتبغو وكدلد القشد الطريقة مع تحريك مستمر
وهاهي شوربة جاهزة
بالصحة ورررررراحة
نخليكم مع الصور
شربة الكرعة حمراء
المقادير
مرق الدجاج
عندنا عظام الدجاج
جروة
بوروة او بصلة
قزبور ومعدنوس او كرافس
ورقة سيدنا موسى ابزار حبوب 5 جبات حلبة
تنديرو المقادير كلها في طنجرة او نزيدو عليها الماء او نشعلو العافية ملي تغلى تنحيدو الكشكوشة الفوقنية نقصو العافية او نخلوها واحد نصف ساعة تتبرد انصفوها او نحتفضوبها .
اندوزو باش انوجدو الشربة
كرعة حمراء كيلو منقية
واحد خزوة
واحد بطاطة
ضرس ثومة
2 م ك زيت العود
مرق الدجاج
ملحة ابزار
تنديرو ضرس الثومة اتقلى في الزيت
تنزيدو خزو او بطاطة تنخلوها تقلى شوية + ملحو از ابزار انا درت شوية الهريسة
انزيدو المرق او انغطيو الطنجرة على نار مهيلة
من بعد واحد 20 دقيقة انزيدو الكرعة او انخلوها اطيب
ملي تبرد تنطحنوها
هاهي وجدات زوقتها بمعلقة كريم فريش الا ماكان متوفر انعوضو بياغورت طبيعي.
المقادير
دجاج مقطع
فكيع طري مقطع الا مكان الطري نستعملو ديال العلبة
2 م ك طحين
ملحة و ابزار
نصف حامضة معصرى
4 كسان عنبة مرق الدجاج
م ص زبدة
2 م ك زيت العود
بصلة مشلظة رقيقة
معدنوس للتزين
الطريقة
تنذوب معلقة صغيرة زبدة مع 2 م ك زيت
تنزيد البصلة او نخليها تهبط
ملي تدبال البصلة تنزيد طرفات الدجاج
تنزيدو الفكيع من بعد10 الدقايق
ملي انزل الفكيع غدي انزيدو الطحين او نحركو مزيان
هنا زدنا المرق ديال الدجاج
من بعد ما تغلى الشربة الشربة انزيدو نصف حامضة معصرة
هاهي ملي طابت انا زت شوية الخرقوم باش اعطي اللون
تنزينها بالمعدنوس عند التقديم
في امان الله.
مقادير
( كمية حسب الرغبة )
القزبو ومعدنوس مقطعين رقاق+ 2معالق كبار معدنوس
لكرفس مقطع رقيق
بصلة مشنفة رقيقة
حمص
لعدس
نصف كيلو ماطيشة محكوكة
قطع اللحم او عضام اللحم (اختياري)
توابل
ابزار+ملح+سكنجبير+قرفة+ خرقوم البلدي+خرقوم رومي+ نصف معلقة صغيرة سمن+ زيت
طريقة
في طنجرة ظغط كنوضعو جميع عناصربستتناء 2معالق معدنوس
نضفو ماء كافي
ونغلقو طنجرة لمدة 20 دقيقة تقريبا
من بعد ما طيب جميع عناصر كنضفو ماء اللى شفناه قليل ونخلوه حتى يغلى جيدا
في هاد الاتناء
كنخدو
بيضة+3مالق طحين+3معالق مطشة المركزة+3مالق شعرية رقيقة او الروز (اختياري)
وقرعة فيها نصف لترو ماء دافئ كما هو اضح في صورة
كنعملو في قرعة اللى فيها ماءمطشة و بيضة وطحين ومخدو جيداااااااااا
من بعد ما كتغلى طنجرة كنقصو من حدة نار وكنخلوها مهيلة وكنضفُ شعرية ومرة مرة كنحركو باش ما تلصقش لينا
ونضفُ كدلك خليط اللى حضرنا من مطشة مركزة و……….وحنا كنحركو بسمترار
ونخلوها حتى ماتبقش تبان لينا فحال الرغوة هنا كنعرفو ان طحين طاب وكنزله طنجرة من فوق نار
واخرا كنضفو 2معالق نتاع معدنوس اللى حتفضنا بيهم من الاول
بالصحة وراحة
الحريرة لي غدي نقدم ليكم اليوم غدي تلقاو فيها اختلاف بالنسبة للحريرة لي موالفين من حيث المكونات خاصة القطنيات حيث الاغلبية تعمل فيها الحمص او العدس هدي حريرة ديال المنطقة الاطلس راه تتجي فنة
انتمنى تعجبكم
باش نوجد الحريرة تنحتاجو
فول مرطب
عدس مرطب
حمص مرطب او مزول ليه القشرة
او الزرع مقشر
قزبور ومعدنوس وكرافس
لحم مقطع صغير
بصلة
مطيشة بقشورها
ملحة ابزار خرقوم اسكنجبير
سمن
طحين
مطيشة الحك
تنديرو البصلة في كاس العصير مع شوية الماء او نطحنوه مزيان
انزيدو مطيشة على البصلة مطحونة
ملي تطحن مطيشة تنزيدو الربيع
هنا بعد ما تطحن الربيع راه تيبقا بحال الا قطعناه
درنا الخليط في الطنجرة زدنا عليه اللحم او الابزار الملحة اسكنجبير الخرقوم او الزيت
ملي تشحر المقادير لي درنا انزيدو الحمص او العدس او الفول او الورع
بعد ما طابت الحريرة تنزيدو م ك سمن
تنخلطو مطيشة ديال الحك بشوية الما او نزيدوها في الطنجرة
درت الما في قرعة اوزت عليه الطحين او سديت القرعة او حركت مزيان
تنزيدو التدويرة ديالنا مع التحريك المستمر
الحريرة التقليدية
المقادير
مقدار من اللحم
زلافة حمص مرطب في الماء ليلة كاملة
زلافة مخلطة قزبر ومعدنوس وكرافص
بصلة محطوكة
1/2 كلج مطيشة مقطعة بقشورها وطايبة 10د في كوكوط مع قليل ملح ومطحونة ومصفية
ملح
ابزار
سكين اجبير
خرقوم بلدي
زعفران عادي
نصف م ص سمن
كنور غنمي او بكري
نصف كاس عدس مرطب في الماء ليلة من قبل
2لتر ماء
تنقليو اللحم مع قليل زيت نصف كاس ص تقريبا
وتنضيفو البصلة
ثم الربيع
وحركو ونضيفو الحمص والتوابل
ونمرقو
ونزيدو مطيشة ونسدو عليها نصف ساعة من بعد ما دور الصفارة
ونفتحو عليها ونزيدو العدس وكنورو م ك مطيشة الحك وقليل شعرية وقليل ربيع مخلط
وندوروها بالطحين وقبصة خميرة والماء ونخلطوهم مزيان حتى ميباوشي لكواري دالطحين
ومنين طيب نضيفو البيضة ونحركو بضع دقائق وبالصحة
هادي بلا بيض لمتيحبشي فيها البيض
وهادي بالبيض لتيحبو
مقادير
بلبولة
بصلة مقطعة
حليب مركز بوريسيما ولا حليب عادي
سانوج
حب رشاد
نافع
زعتر
ملح إبزار
زيت بلدية
الماء
الطريقة
نشحرو بصلة مع الزيت نزيدو ملح والإبزار
نزيدو الماء
نرميو البلبولة
نزيدو نافع حب رشاد سانوج ونخليوها طيب
مني طيب نزيدو عليها الحليب والزعتر
هاهي طابت
شوربة الخضر بحال الحريرة
المقادير : 6 حبات جزر
2 حبات بطاطا كبيرة
3 طماطم
2 حبات قرع اخضر
1 بصلة كبيرة
ربيطة د الكرافص
2 معالق كبار د مركز الطماطم
شوية د الشعرية
طريفات د اللحم حسب الموجود
الحمص فازك ومقشر
1 كنور د البقر اختياري
السمن حار حسب الذوق
1 زعفرانة + ابزار + سكنجبير + قرفة + ملح
شوية د الزيت انا لهاد الخضرة كاملة كنعمل نص كاس تقريبا او اقل
كنوضعو الخضرة فالكوكوط طبعا بعد ما نقيناها وغسلناها ونضيفو جميع العطرية والزيت والسمن
ومركز الطماطم والكرافص مربوطين بخيط ونوضعو فالكسكاس ديال الطنجرة الحمص واللحم
نضيفو القدر الكافي ديال الما ونسدو الطنجرة نص ساعة من بعد ما تفصر
منين تطيب نحيدو الحمص واللحم ونطحنو الخضرة انا كيعجبني نصفيها منين نطحنها
كنردوها تغلي ونضيفو الما حسب السمك لي بغينا وكنحيدو الكشكوشة لي كتعمل عاد الحمص واللحم
و الشعرية
وفالأخير البيضة مخفوقة
بالصحة والراحة
استسمح تمسحولي بعض الصور