اطباقي المتجددة دخلو بزربا قريب يتسالا

الطريقة:
غسلي الجوانح مزيان (عارفة كديري تزولي الشعر من الجوانح اجي نقول ليك كتشدي جناح وتوزيه فوق العافية ومن بعد غسليه)
ديري سمن في مقلاة وزيدي عليه البصل والسمن وحمريهم مدة 2 دقائق
زيدي الجوانح والبزار وقليهم حتى يتحمرو ثم اضيفي عصير الحامض وقلبي 1 دقيقة واخيرا زيدي القزبر وقلبي شوية وصافي وهاالاكلة جاهزة يمكن لك تقدميها مع البطاطا مقلية او شربة العدس
بغيتي شربة العدس ايوا اجي

شربة العدس البرتقالي ماشي البني
المكونات زلافة العدس
شوية الزبدة
بصلة مشلضة رقيقة
نص خيزو كرعة خضراء واحدة وبطاطا صغيرة وشوي المكور وبطبيعة الحال كلهم مقشرين ومقطعين
شوي البزار+ملح+رشة الكمون

الطريقة:
شحري البصلة في شوي الزبدة او السمن وزيدي الخضار الباقية والتوابل ( انا كنفضل ضامة البنة وصافي) والماء الكافي وسدي الكوكوط وخليها تطيب
ومن بعدما تطفي تحتها وتبرد شوي طحنيها بمولينيكس وزيدي لها شوي الزبدة وخليها تغلي غلوة وطفي

شاورما الدجاج من داكشي الرفيع:
المكونات:
صدور دجاج بلا عظم (2 كيلو )
كاس ونص الزيت
2 كيسان عصير الحامض
ملعقة طعام التوابل المخلوطة (قعقلة،بسيبيسة،قرفة،قرنفل،البزار،الكمون)
رشة الملح+رشة البزار الابيض+رشة المسكة مطحونة
الطريقة:
قطعي الدجاج الى قطع بحجم اصابع وزيدي عليها المقادير وخلطيها مزيان وخليها في الثلاجة نهار كامل
واليوم التالي ديريها في صينية ودخليها الفرن لمدة 45 دقيقة او انت عينك ميزانك وهاهي واجدة وكتجي احسن من لكتباع في الزنقة

عييت من بعد نكمل