اصحاب الاجهاضات المتكررة ذخلو نشاركو معنتنا ونكتشفو الاسباب

السلام عليكم البنات منكدبش عليكم درت جولة في هد المنتدى وشفت وقريت قصص متنوعة ولكن لفت نضري بلي كاينين مشاكل كثيرة منها عدم الحمل و متعلقاته ومدام انا عندي مشكل بحالي بحالكم قررت نكتب هنا وخصوصا على هد المشكلة وهي الاجهاض وبزاف الا كان متكرر بحال حالتي وانا عشت مدة وانا مكنتش عارفة السبب وبالاحرى ماشي معرفتش غير الطب الي كنديرو فيهم الثيقة وخا هما بعد المرات مكيقولوش ليك الحقيقة اولا العيب فين كاين ودابا نحكي ليكم حكايتي وان شاء الله نفيد ونستفيد انا اول مرة حملت من بعد زواج عامين حملت شهراين وجاني اجهاض مفاجئ ومعرفتش السبب رغما اني متبعة مع طبيبة وخا دنا المحاليل ولقاو بلي زوجي عنده مكروب جاهم عادي ما نصحونيش وخلاوني كانتسنى الحمل التاني والمشكل لقيت راسي بلي انا من العيلات الي مكيحملوش دغيا يعني ما بين الحمل الاخر 4 سنين وملي حملت تاني اجهضت بدون سبب كيف تيقولو ولكن هد الحمل بعمالية قيصرية كان تؤام واحد فالكرن وواحد فالرحم وحيدهم ولكن مقلوش السبب وحملت ونفس الحدث وحملت واخيرا اجهاض اخير وانا ملقيتش الي اشفي غليلي دائما في حيرة وفواحد النهار كنت عند طبيبة وملي جبدت ليه الاوراق ديالي من اول اجهاض اخيرا تتكتشف السر ولكن بالنسبة ليا بلا فائدة حينت هي ملي لقات المكروب قالت ليا ملي هد المكروب عند الزوج عمرك ابنتي ما تحلمي بهم تصدمت وقلت ليها اوا عتقيني بالعلاج قالت ليا العلاج ساهل اعاود ليا الراجل التحاليل ومن بعد نقررو العلاج سولتها واش حتى انا فيا نفس المكروب اوا شوفو الحماق قالت ليا نقلبك ونقول ليك اوا قلبات قالت ليا ما فيك الحمد لله اش بان ليكم هدي طبيبة ولا اش تكون واش عمركم شفتو المكروب كيتشاف بالعين المجردة اوا انا تيقتها زمشيت فرحانة لداري يعني انا 10 على 10 من بعد مشا الراجل دار المحاليل لقا عنده المكروب ديتهم كيف العادة تشوفهم ليا اوا سبحان الله ملقيتهاش لقيت وحدة اخرى منوبها وانا قلت نرجع فحالي حتى مرة اخرى ولكن البنت الي عندها قالت ليا راه بحال بحال بلا ما تعدبي اوا دخلت عندها شافت التحاليل لقاتهم اجابي وهي تقول لي وانتي درتي التحاليل ديالك قلت ليها لا راه قالت لي الطبيبة انتي مفيك والو قالت لي باش عرفات قلت ليه قلباتني وضحكات علياــــــــــــــــــــــــــ المهم درت التحاليل لقيت المكروب اوا تصدمت منكدبش عليكم هو مكروب الكلاميديا كيتصابو بيه الرجال خلال العزوبة الا تلاقاو مع شي وحدة فيها او دبا انا 16 زواج بلا اولاد وكنتمنى الله اعاوني ويرزقني من بعد ما تشافيت انا وياه اوا نتمنى من الله القادر على كل شئ انا حبيت نشارككم معناتي وربما نفيد شي وحدة وخصوصا حنا العيالات كنحشمو نسولو ولهدا الي عندها مشكل بحال هدا ولا قريب ليه تحكي ونتمنى نستفدو وسمحو ليا الا طولت عليكم ولكن القصة ربما تستاهل

hwphf hgh[ihqhj hglj;vvm `og, kahv;, lukjkh ,k;jat, hghsfhf

سلام عليكم قصتك اختي اترات فيا حتى انا عندي نفس مشكل اجهاض المتكرر بالنسبة للكلاميديا درتها ما فياش حمدلله دارو ليا التحاليل ولكن واش يمكن راجل تكون فيه والمرة لا وتانيا واش دار راجلك تحاليل المني ولا الدم وليعودة نحكي ليك قصتي واخا طويلة

المشاركة الأصلية كتبت بواسطة شموخ لميتا سلام عليكم قصتك اختي اترات فيا حتى انا عندي نفس مشكل اجهاض المتكرر بالنسبة للكلاميديا درتها ما فياش حمدلله دارو ليا التحاليل ولكن واش يمكن راجل تكون فيه والمرة لا وتانيا واش دار راجلك تحاليل المني ولا الدم وليعودة نحكي ليك قصتي واخا طويلة وعليكم السلام اختي لا انتي مافيك راه حتى راجلك ما فيه ويمكن اختي تحكي لينا جميع وخا كانت القصة طويلة راها حياتنا هديك الله اطولها على طاعة الله ورسوله

lah ifrhk akhti hta ana 3ndi mochkila bhalk walakin ana l9aw 3ndi nisba dyial la reubeol mrtaf3a hwa lhasba lalmanyia

المشاركة الأصلية كتبت بواسطة malak.12345 lah ifrhk akhti hta ana 3ndi mochkila bhalk walakin ana l9aw 3ndi nisba dyial la reubeol mrtaf3a hwa lhasba lalmanyia امين اختي الله افرحنا جميع الحصبة الالمانية راه عندها علاج متأسيش اختي ربي كبيرواش فايت ليك حملتي وراجلك واش معندوش

انا ملي تنحمل وتيبدأ الاجهاض كينزل عليا شي افرازات قهوية مدة اسبوع وشويا كيبدا يحمر غير شوية عاد زيد العامل النفسي ودوك الاطباء انا بعدا مبقيش قدرت نتيق فشي وحدة فيهم واحد اختي جها واحد الحمل بحالي وقالت لي ديها في راسك الساع اش ندير كنت خايفة من المضاعفات الساع غير كنمشي عندهم كنرجع وحدة اخرى ومعرفتش واش حتى هد المكروبات كدير هكاك ودبا بعدما ما تشفيت هاني قربت نكمل 4 سنين وكنتمنى نحمل ويثبت حملي ربي لا تدرني فردا وانت خير الوارثين

ana hmlt 2fois odayman kaywsl lbebe 2mois okaymot fkrchi

[QUOTE=malak.12345;6693559]ana hmlt 2fois odayman kaywsl lbebe 2mois okaymot fkrchi[/QUOTE اه اختي الله افرحنا جميع واشافينا واش معطاوك شي دوا لهد المشكلة واشنهو سبب هد الحصبة الالمانية

ماذا عن الحصبة الألمانية ؟ : إنه ليس مرضاً خطيراً في حالة عدم وجود حمل، ولكن لو كانت المرأة حاملا عندما أصيبت بالمرض، فإن مخاطر الإعاقة الخلقية تكون عالية ( 50 % من الحالات عندما تكون مصابة في الشهر الأول من الحمل، 25 % في الشهر الثاني من الحمل، و 15 % في الشهر الثالث من الحمل ) . الإعاقات المحتملة يمكن أن تكون إظلام عدسة العين، الغلوكوما ( المائية الزرقاء في العين ) ، اضطرابات في الرؤية واضطرابات سمعية، ومتاعب في النمو المتطور، الأمر المهم هنا هو تشخيص المرض وعيادة الطبيب لمناقشة الحفاظ على الحمل .

akhti ma3tawni walo galo lyia mli nkon hamla n3awd hadik thlila 3ad i3tiwni dwa ana mafhmt walo wach 3ndha chi dwa