السلام عليكم
جيت اليوم نحكي لكم اش ولا واقع فالتعليم وفالاساتدة اللي كادو ان يكونو رسلا.صاحبتي استادة فواحد الاعدادية قالت لي واحد التلميد سخف عند الاستاد ومعروف ان هاد التلميد مريض.جابو ليه الاسعاف ودارو اللازم ملقاو عندو والو يعني كلشي مزيان.فالغد تيتفاجؤو ان اب التلميد رفع دعوة على الاستاد قال لهم ضرب ليا الولد وشتف عليه وطيحو فالارض وبقا يضربو برجليه.وجاب شهادة من عند طب عام فيها 25يوم وان الولد مصروب ف7 مناطق فالراس الطحال الضهر المعدة وجاه مرض نفسي.اوا القصة طوييييلة المهم القاضي واخد الرشوة تيقول له محامي الاستاد عيط علا الشهود تيقول له القاضي لا كلشي باين.اه التلميد باقي تيقرا عند الاستاد تيخرج من عندو مع 12 من القسم ومع 2 تيجي للمحكمة باه هازو زعما راه مريض اوا التمتيل خداك.المشكل خرج الحكم وتحكم علا الاستاد شهرين حبس نااااافدة.واش ماشي الضلم هادا شكون عرف غدا النوبة ديال من؟ وفنفس المؤسسة الحارس العام طلب من التلميد يجيب ولي امره بسبب كترة الغياب فاش جا الاب بدا يغوت وبغا يضرب الحراس والمدير.فاش خرج فحتلو مشا حتا هو دار لولدو شهادة طبية فيها 25 يوم ودعاه عند الجوندارم.اوا فين غاديين بهاد الضسارة والله ايلا هاد ااوزير ضسر علينا التلامد متقسوهومش متخرجهومش ايلا دارو الشغب ولت مجبوش الدفاتر….وايلا درتي تقرير العقاب هو البستنة والله ايلا هزلت.
اوا اش بان اكم انا بعدا تفقصت وتعصبت
ha ih] hgphgm gha ,wgkh uddddddf
حيت بعض التلاميذ طغاو
و كاين بعض الاساتذة ميستحقوش يكونو اساتذة و انما مجرمين
ولكن اختي حتى بعض شي اساتذة الله يهديهم كيعنفو الوليدات فاش كنت نقرا باقة عاقلة على تعنيف والمعيار بكلام قبيح ويدعيو علينا وحنا مازال في وليدات صغار اش كتسناي من تلميذ يعطي فاش يكبر الى قرا عند بحال هاذو
وهادو عايشناهم في مرحلة الثانوية الله يستر ما تيخافوش
وكاينين شي اساتذة خاصهم إعادة التأهيل لانه ما يستحقش يكون استاذ
وياربي كيف كانو تتعاملو مع التلاميذ الضرب والاهانة والعنف والتحرش
عقد الدنيا كلها مجموعة في هداك الاستاذ
باقة نعقل كنت في رابع ابتدائي كانت معملة تتضرب بالصباط الطالون
وفين ما جات تشير بيه ركبات فينا الرعب وتضرب بالقرقابة
وزيد وزيد خلينا ساكتين
وكايينين استاذة الله يعمر ليهم الدار كل ما تنشوفوهم في الطريق تنمشيو نجريو نسلمو عليهم
من الحب الي زرعوه فينا والمبادئ ويخليوك تبغي المادة وتبدعي فيها