اش ندير فالخطبة فيدوني من تجاربكم

عافكم نظرا للخبرة ديالكم و بما انكم دزتو من هاد المرحلة ان شاء الله شي ناس جاين يهضرو فيا و غادي يجيو للعشاء اش نوجدو فنضركم للعشاء و واش ضروري خصني نلبس قفطان علما هادي اول مرة نشفوهم و يشفونا
دعيو ربي يسر ليا و يكرمني و جميع بنات الاسلام بالسترة الحلال

---

ha k]dv thgo’fm td],kd lk j[hvf;l

ختي لله اكمل عليك بلخير انا فخطبه ديالي لبست قفطان بحزامو اصايبت شعري عادي ادرت مكياج خفيف اما بنسبه لماكله تلقاوليهم بتمر معمر الحلتب بزهر حطو ليهم بتيفور العواصر من بعدها بسطيله ديال لحوت ا لحم محمر عاد ديسير ابلاتوات ديال لحلوا ديال لوز عاد لفاكيه مجففه ليكانو جابوا هما ا اتاي لله اكمل عليك اختي مبرووووووووووووك

شكرا بزااااف اختي على الاقتراحات واش عادي نكلس نتعشا معاهم و لا لا راني دااااااااااااايخة و حشمانة و كلشي تجمع عليا
ههههه

https://www.anaqamaghribia.com/vb/sho…d.php?t=190614
دخلي اختي لهاد الرابط وان شاء الله يفيدك

[size=5][color="#0000cd"]اختي دخلت نبارك ليك الله يتتم كولشي على خيرررر ياارب ونفرحو بيييييك ان شاء الله
الله يرزقك اللي فيهااااااا الخير وكل الاخوات

ختي نصيحــــــــة مني عن تجربة، حاولي تعرفي المستوى ديال هاد الناس و تعاملي معاهم على أساسوا، يعني إلا كانوا ناس عاديين و بساط، حاولي داكشي يكون بسيط، لأ نو يقدروا يعتابرو داكشي بروتوكولات زايدة و يشوفوا فيكم ناس ميقدوش عليكم و ناس فوق أو…أو هادي راه تنقولوليك من واقع تجربة، و إلا عرفتي بلي ناس مستواهم عالي و خاص داكشي يكون كلاس داك ساع ديري شي ليناسبهم، الهم القاعدة أنك ديري شي ليرحهم و يخليهم ميحسوش بحواجز بينهم و بينكم، و لي فيها الخير الله يجبهالك أختي

أختي الله يكمل كلشي بالخير
لبسي قفطان بلا حزام باش متبانيش أوفر و ديري مكياج خفيف و تساييب شعر على حساب واش نتي محجبة و لا لا ، و ف الماكلة كل احد و جهدو مثلا اللحم و الدجاج أولا بسطيلة و اللحم وديسيروالمونادا، و أتاي معاه الحلوى ديال اللوز و هاما غالبا غادي يجيبو كاطو حطوه ، و كلسي معاهم ضروري فرحي براسك جايين على قبلك و مبغيتيش تكلسي معاهم، أنا أختي هادشي للي عقلت درت .
و فرحي بنهارك

الاله مبارك و مسعود الله يكمل كلشي بخير يارب
أنا أحبيبتي درت فاش يلاه دخلو أتاي مع الحلاوي ديال اللوز و البيسطاش و اللوز الكركاع و التمر
و حيدنا هادوك حطينا العاصير مع الحلاوي ديال لاكريم
و من بعد حيدنا داكشي و حطينا الحلاوي المالحين
و فالعشاء درنا البساطل ديال الحوت و الدجاج محمر و الشوى و المنادا و ولماس حيت كاين لماكايشربش المونادا و فالديسر درنا الليمون و التفاح و البنان و الخوخ و الفريز و أناناس
ومنين تهز هادشي حطينا أتاي شي حلو شي مسوس
ومن طابيعت الحال كلrepas تكون بيناتهم الوقت ماشي تحطي كلشي فدقة وديري حيد هادي حط هادي
بلحق أحبيبتي ديري غير على قد جهدك
و مرة أخرة الله يكمل بيخرو الله يتاويكم و تلقايه ولد الناس بحالك الله أمين يارب

وبالنسبة للباس لبسي شي قفطان أنا كانفضل يكون بيض و ساوبي شعرك و ديري شي ماكياج خفيف و من الأحسن يكون بلا كحل
وعنداك تجيك الحداكة داك النهار و تقولي بيتي تعاونيهم فالحطان ديال العشاء ولا شي حاجة و جلسي مع ناسك و تعشاي معاهم و منين يدخلو بقاي فبيتك حتى يجلسو فبلايصهم عاد أجي سلمي عليهم وماتسالميش مع خاطيبك بلوجه ماعرفتي أشنو يقولو
الله يسر لك أحبيبتي و يكتبو ليك إنشاء الله و ليفيها الخيرليك الله ياتي بيها ليك و لي مافيها خير ليك الله يبعدها عليك مابعدات السماء على الأرض

الله يكمل عليك بخير ويجعلها خطوبة مباركة ان شاء الله