السلام عليكن الزوينات كيف عاملين انا اليوم جيت ماشي باش نحط شي وصفة لكن بغيت المساعدة ديالكم
قاديك كيك بالشكلاط اوا بقا حاصل ليا فراسي راجلي معندوش مع الحلويات وانا كلت منها وبقات حاسب كلها معرفت اش ظ†ط¯ظٹط± بها
اللي عندها شي طريقة باش نصاوب بها شي شهيوة اخرى مغايرة تفيدني بها الله يخلي لها صحيحتها.
شكرا لكن
ha k]dv f; dh hg;d;m k]ddddv????
الطريقة الأولى كويسات ديسير بارد
كتفرتتي الكيكة أو بقاياها و كتديريها في أسفل كيسان ديال التقديم بحيت تعطيك طبقة: مثلا اذا عندي 2 كيسان كل واحد فيه طبقة ديال فتات الكيك في الأسفل ثم كنسقيها باش ما بغيت (إذا كنت مزروبة ديري غير الكونفيتير مع الما و غليه شوية و ها السيرو ديالك واجد) ثم من بعد ما تسقيها ديري فوقها طبقة ديال دانون إما perly او danette ثم طبقة ثالثة في الأعلى فواكه مقطعة أو كريمة ديال البرتقال أو كريمة شوكولا ..انتي وشنو حبيتي الاحتمالات كثيرة هادو أمثلة بالصور ولكم واسع النظر 🙂
الطريقة الثانية كويرات الشكلاط
كتفرتتي الكيكة مزيان حتى تحصلي على خليط متجانس بحال التراب ثم تزيدي عليها الي بغيتي باش تجمعيها أنا فحالة كيكة ديال الشكلاط كنزيد perly او danette و معاهم معالق كبار ديال الكاكاو حسب الكمية ثم كتخلطي حتى تحصلي على عجين متجانس – يمكن ليك فهاد المرحلة تزيدي قطع الشكلاط أو زبيب أو لوز مهرمش اللي حبيتي – ديري الخليط فالثلاجة 30 دقيقة ثم ديريه على شكل كويرات و من بعد دوزيهم فالشكلاط دايب و زيني باش بغيتي. و بالصحة و الراحة هادو بعض الصور و نتمنى نكون أفدتك.
