اش المعمول قدام رفض الحصول على الفيزا للدخول للمغرب؟؟؟؟؟؟

اختي الكريمة

خاصك تعرفي واحد المسالة ان الفيزة بحال القرعة يعني غي زهر تقدر تخرج له وتقدر ما تخرجش

والسفارة المغربية هي اللي مسؤولة على اعطاء الفيزة ماشي السفارة المصرية بالمغرب

الشروط اللي تتقبل بيها الفيزة ما تذكرهاش السفارة المغربية نهائيا وما عمرهم يقولوا لك اشنو خاص يكون عنده ولا ما يكونش

تيقولوا لك غير جيب الوثائق الثالية وصافي

اما بالحقيقة راهم تيركزوا على الجانب المادي اكثر بحيث الا كان السيد ميسور الحال وعنده رصيد ممتاز فالبنك وبعد دراسة الملف ممكن يقبلو يعطوه فيزة السياحة

وممكن يرفضو له في المرة الاولى حتى المرة الثانية ولا الثالثة عاد يعطيوه

وخاص ضروري يخلصهم ماشي يدفع الملف ويقول حتى يتقبل عاد نخلص لا يخلصهم من الاول

ويكون حجز اوتيل فالمغرب وخلصه حتى هو

من يمشي يقولهم راني حجزت على اليوم الفلاني بالشهر الفلاني كتاكيد منه انه ناوي سياحة ماشي غير ضربة حظ

ويلا كان ميسور وزاد خدا دعوة استضافة تيكون الامر قريب من اليقين انه يعطيوه فيزة

وهاد الشيء اختي ماشي غير المصريين راه لجميع الجنسيات اللي تتفرض عليهم المغرب الحصول على تاشيرة

والمصريين اكثر لانها سياسة اخذ ورد بين السفارات المغربية و المصرية يعني شادين العكس فبعضياتهم

قولي له يدفع الفيزة ومن يقولك دفعتها اتصلي بالسفارة المغربية في مصر وسوليهم على الاسم دياله واش كاين

باش تتاكدي ان السيد ناوي يجي ومن بعد الا رفضو ليه تقدري تخلي اي واحد يرسل له استضافة ماشي بالضرورة الوالد ديالك

ممكن اي واحد قريب منك مثلا خوك ولا خالك ولا عمك ولا ولد عمك اي واحد اللي يخلي الهدرة بينك وبينه

يرسلها له باش يقدر يدخل المغرب

والاستضافة ما تتطلبش وقت كبير ولا اجراءات كبيرة

تتعمليها عند كاتب عمومي وتصادقي عليها فالمقاطعة وترسليها ليه

وما متاكداش واش تتصادق عليها في وزارة الخارجية ولا لا

وهو يدفعها مع الضوصي ديال طلب الفيزة

وبالنسبة للضمان راه السفارة ما تتعطيكش راس الخيط باش تعرفي اشنو تعملي

حتى الا رفضو الطلب ما تيقولوش اشنو سبب الرفض فقط تيقولو ما مقبولش لا اكثر ولا اقل