اشنو ندير بهاد الكفتة البنات .مساعدة

الله يرضى عليكم الاخوات عندي كفتة نتاع اللحم وبغيت شي طريقة زوينة عييت من نشويها او نديرها بمطيشة بغيت شي وصفة تكون زوينة وبنينة

hak, k]dv fih] hg;tjm hgfkhj >>>lshu]m lshu]m

ديري بها لازانيا أو جرتان كيش عمري بها البريوات عطا الله ميدار بها

ديري بيها فلفل معمر بالروز بالكفتة او رول دالكفتة او كبة شرقية تقدري ديري بيها بوراك جزائري بلاصة الجبن ديري كفتة مع بصلة مشحرة

حكي أختي خيزو وكرعة خضراء وقطعي فلفلة حمرة حلوة وديري التومة الكامون ملحة فلفلة حمرا غبرة قزبور ومعدنوس شوية الحار ونص بصيلة محكوكة وشكليها كيف بغيتي وديريها في الفران كتجي بنينة بزاف والزفورة اللحم مكتبقاش وكتجي صحية
أو ديري نفس العطرية بلا خضر و طلقيها ما بين جوج البلاستيكات بويض بالمدلك من بعد عمريها بالفرماج دالسندويش وديري الشومبنيون و ابينار ولويها بحال الكوميرة ولفيها فورق الطبخ ودخليها الفران منين تطيب خليها تدفا وقطعيها كتجي بحال الحلوة رولي و بالصحة