السلام عليكم اخواتي بغيت نستاشر معاكم فامر الصالو لقيت فالسوق صالون كيكونو جاهزين البونج ظ…ط؛ظ„ظپ والمخاد عامرين والعود ظ…ط؛ظ„ظپ ايضا واش كاينة فيكم ط§ظ„ظ„ظٹ خدات منهم راه كايبيعهم محالات ط§ظ„ظ„ظٹ كيبيعو الاثاث المنزلي المستعمل والجديد لقيتهم بثمن ارخص من الى غنصوبهم عند المعلم دالخياطة
hak, vhd;l thgwhg,k hg[hi. hggd lygt gdi hgu,]
أختي شوفي غير الصح وصافي والعبار علا البلاصة اللي بغيتي ديري
شكرا على الرد اختي راه على هداك الصح كنسول المخاد بانو لي باق خصهم مازال العمارة اما البونج معرفت ياكما كيطيح دغيا والعود كداير والعبار لقيتهم ستوندار 5دسدادر 2عندهم التكاية دالجنب وكاضافة قاليا واحد مول حانوت يمكنلك تديري روبريز بشي صالون قديم وكيطيح الثمن شوية
هل من افادة
صراحة منصحكش تشري الجاهز راه كيغشوو ومعرفتي اينا بونج دارو ليك ولا كيدير لعود لي غلفو ليك حتا انا كنفكر نفرش صالوني وعجبني هاد الديكور ولكن ملي فكرت تاني لقيت بلي ميمكنش لي نبدل طلامط لانو يكون عود مغلف وثاني يتكرفسو ماشي فحال لعود ولا كوير يتمسح ونتي تعرفي الله يسخر ليك
من الاحسن اختي ما تشري الى كيتباعو جاهزين كيغشو في البونج والعود
اختاي شكرا على الافادة فعلا هادشي علاش قلت نستاشر معاكم قبل مندير حتى حاجة حيت مسبقليش جربتو بالصراحة سولت على اللي غنصايبو لقيت الثمن بالمتر وكل واحد اككيحسبو 800 درهم للمتر وكاين اللي كيقول 1200 للمتر يعني عشرة مترو غيطيحو بمليون وكثر ووجاني بزاف علي اما الجاهزين كيديرو تمانين الف فحرت
بالنسبة للجاهزين راكي كتشري الحوت فالبحر يعني ما عرفتيهم باش مصايبين وتيقول المثل عند رخصو تخلي نصو راه الدوام هذا اختي خاصكي تشري العمل الصحيح واكون علي اديك وسمحي لي هادي راه غير نصيحة
اختي انا كنت ساكنة قبالت واحد كيصيبهم مكنصحكش بيهم راه كيديرو ارخص نوع من الخشب والله حتى بحال ديال الصنادق الخضرة والله على مااقول شهيد شوفي اخي ممكن يكون شي واحد كيخدمهم مزيان لكن صبري وتصارفي مع شي مول البونج خودي ديال تلاتة البصمات راه احسن نوع وغلفيه انتي على حسب دوقك والعبار الي عندك ومع المدة تصارفي مع النجار راه مكاين محسن من السدادر العود حتى لمليتي الطلامط ممكن تبدليهم
أختي الى عندك سدادر العود قدام غلفيهم بالجلد اسود او اللون الجلد اللي بغيتي باش وقتما بغيتي تبدلي الطلامط يجوك ساهلين وشري بونج هابط بحال الفوتايات ويطلع ليك 250 المترو للتغلاف رخص اما الى معندكش السدادر شريهم سامبل بلا زواق غادي تشريهم رخاص وغلفيهم