استعمال الخزامى للحمل

السلام عليكم اخواتي,
عافاكم شكون الي فايتا بخرت بالخزامى على البرودة و جاب الله التيسير للحمل
و وقتاش تتدار و شحال الكمية ؟
انا تنساين الحمل عام دابا و شاكة عندي البرد حيت الدورة اعزكم الله تتجيني بالوجع و تتكون ممسرحاش

شكرا لكل من اعطتني نصائح و اهتمت بمساعدتي و الله يجازيكم بالخير

---

hsjulhg hgo.hln ggplg

الخزامى مزيانة بزااااااف للي عندها البرد وانا كنعرف شحال من وحدة حملت بيها ومن الاحسن شربيها فايام الدورة يوميا حتى تفوتك وبالليل ديريها فشي خرقة من بعد مدوزيها فمقلة حتى تسخن مزيان وزيدي عليها زوج ولا 3 نقيطات زيت زيتون وديريها من تحت باتي بيها
انا مرت لوسي حملت بهاد الطريق شربتها ايام الدورة كاملة ودارتها من تحت من بعد الدورة شهر كامل راه وخا تحملي معندها باش ضرك الى درتيها من تحت ولكن انا جربتها هادي 4 شهور وباقي مجابش الله الحمد لله على كل حال ولكن عموما هي زوينة انا وخا محملتش عليها ولكن حسيت براسي احسن من ناحية البرد لانو كنت كندخل الحمام حاشاك بزاف وملي درتها رجعت احسن
انتي مخاسرة والو ديريها ويااااربي تكون سبب فحملك وتجي تبشرينا اختي وراه كاين وصفات كثيرة الى بغيتي تانضمي لاي تجمع راه كاين بزاف تجمعات للنساء الراغبات فالحمل اختاري واحد ولا زوج وتبعي معاهم راحنا كنتشاركو الوصفات اللي سمعنا بيهم او عرفناهم او قرينا عليهم غير توكلي على الله وخودي بالاسباب
الله يفرحك اختي بالذرية الطيبة وكل المنتظرات يا ارحم الراحمين
سمحيلي طولت عليك

شكرا بزاااااااااااااف اختي كيفما طمنتيني بغيت ربي يفرحك فالقريب العاجل ان شاء الله و يرزقك بالحمل التابث ان شاء الله
انا سمعت انها مجهدة شوية فاش تشربيها يعني غير للاستعمال الخارجي و الله اعلم
اي تجمع الي نتي منضمة ليه اختي؟

السلام عليكم ورحمة الله وبركاته

يجب مراعاة أخذها في حدود و خفيفة، لتفادي مشاكل الكبد

اللهم امين اختي ولك بالمثل الله يفرحك حتى انتي بالذرية الصالحة
هي فعلا مجهدة شوية انا كنحليها بالعسل مكتحسيش بديك المرورة اديالها بزاااف، مرت لوسي كانت تشربها غير ايام الدورة 5 ايام فالليل فاش تجي تنعس شهرين دارتها وجاب الله التسير وواحد السيدة نعرفها حملت عليها حتى هي كانت تشربها من اول يوم للدورة حتى لايام الاباضة عاد توقفها ولكن راها قاسحة ومجهدة من الاحسن غير ايام الدورة بالليل شربي كاس حليه بالعسل ودخلي فالفراش وملي تمشي عليك الدورة بداي ديريها فالخرقة كيف شرحت ليك
التجمع اديالنا ها هو الرابط اديالو
https://www.anaqamaghribia.com/vb/sho…d.php?t=307469

Salaaam 3alaycom khti bagha nsawlak bagha ntaba3 had lwasfa dial lakhzama hite fia lbard omahad jatni ls regles bagha ndir chi haja lbard
khti bagha nsawlak wach lakhzama mjahda manahiyte lmada9 ola hia aslan mjahda hite ana ila chrabte chi haja skhouna bezaaaf tayteeh lia tension okatjini sakhfa 3afak ila majawbini bagha ndirha okhayfa ma diir lia sakhfa oila kan 3andak chi wasfa okhra lbatrd mazyana gouliha lia allah irham lwalidiiin

ختي شربي سكنجبير طري قبل ما تنعسي يا اما حكيه و ديريه في الماء و شربي الماء او ديريه مع الحليب سخون و حليه بالعسل و الله يجيب التسير

chokran okhti 3la rad dialak ms bagha nsawlak yakma idawakhni
awla idiir lia sakhfa rah hiite khayfa man had l9adia khafte lanakhroj onteeeh fchi 9onte

هههههههه ضحكتيني اختي،الله يعطيك الخير واش سكينجبير كيدوخ ،حنا كنقيلوا نديروه في الطياب،راه بالعكس هو مزيان وكيسخن وعندو منافع كتيرة غير ديري بحالي قلت ليك الاخت،تا انا دابا كنشربوا ،كناخد داك الطري ونحكوا في كأس الما ونخليه تايطلق مزيان ونصفيه ونشربوا،راه مزيان بزاف ،قراي على الفوائد ديالو في google،ويكفي انه شراب اهل الجنة ومدكور في القران،الله يفرحك

rah wallah mab9iite 3arfa li galte mazyana fach tanji n9alab tanal9a taygoulo 3liih skhoun bezaaaf matkatriihch o ana hadik skhoun bezaaf hia li mabghitch allah ijaziiik bikhiiir rani dakhte wallah