اريد رأيكم وتفاعلكم بهذا الموضوع

نقلت لكن تدخل الاخت صفصف وردها على سؤال عن الحريرة في السبوع ، اي العقيقة ، وما ذكرته صفصف الا جزء من حفلات العقيقة ، فما خفي كان اعظم ،
سؤالي انا ، هل انتن مع هذه الظاهرة ، وهي الفطور الذي يكلف بالشيء الفلاني ، وقت الدبيحة لاسمية ، وبعدها عاد كيرجعو الناس للعشا او الغدا ،
ويوجد من يقم بهذه الظاهرة بفرقة للموسيقى وقت الذبيحة
ام انتم مع الدبيحة بحضور العائلتين من جهة النفيسة وزوجها ، مع فطورهم عادي ، وبعدها غداءهم بتقلية او ماشابه ، و المدعوين يحضرون لوليمة بعدها

---

hvd] vHd;l ,jthug;l fi`h hgl,q,u

ايوى حتى وحدة فيكم ما عاشت الحالتين ؟ انا انتظر لاساعد احدى قريباتي ، طلبت مشورتي ، وانا بدوري اطلبها منكم

انا فالدبيحة ديال ولادي ب2 درنا الفطور بهربل والمسمن المقلي والبريوش والحلويات والبغرير ودبحنا ودرنا الغدا فقط والدي وخوتي الرجال وعيالاتهم وخواتاتي ورجالهم وكدلك الامر لعائلة راجلي ونبينا عليه السلام هدشي له الدوا ارا لك للي مبغاتش دخل لي العقل هو الموني ديال النفيسة فالسبيطار بالتريتور وهالالاي واش فنظركم السبيطار دجيك فيه الماكلة وخ يحطو لي ثور مشوي اشمن عصائر وتيافر الحلوى وسلو والشكلاط هدشي الله يحفظ غادي ويبسال لان الهدف من وراه هو التفاخر والتباهي الله يرد بنا

راني كنت عاد غادي نوصل ل buffet de naissance ياك هكذا كيسميوه ، حضرت على لي دارتو ب 6000 درهم خلي ذاكشي لي وجدات وشرات من شكلاط و سلو و نوگا ، والعصير لعلك ترضى ، كنزولو حاجة كيخرجولنا حاجات

ليدي انيقة شكرا لمشاركتك ، و ربي يديوم عليك نعمة العقل

فالحقيقة انا شفت هاد الظاهرة كاينة هنا ففاس وكيديروها الناس الي تعرضت ومشيت عندهم انا كنسميها التبدير وهاد شي مكاينش عندنا فالرباط, وهاد شي بززاااف على قاعدة ومولفين يديروها,

لهلا يخطيك حبيبتي هديك bufet de naissance علاش كنت نقلب هههه مشات لي بالفقصة هههه ملي نسالي ان شاء الله نحط لك شي صور عندي فالبيسي تشوفي الحماق كيف داير تقولي هد البيبي لمن دايرين هدشي اش غيدير كاع

القاعدة ما كانتش عامة يمكن عند البورجوازيين جداد ، اما لقدام و سكان المدينة القديمة كانو كسميو عادي وعاد كيعرضو للناس كل على قد جهدو ، بحال اذا كان طهور او عرس

ههههههه
البيبي ما دار والو ، راه اهلو لي خلاو الناس يديرو فيه العيب هو مسكين

للحديث بقية ، وتبادل الأراء ، يمكن تنقص هذ الظاهرة