اخواتي الفاسيات عاونوني الله يرحم ليكم الوالدين

عافاكم بغيتكم تجاوبوني على بعض الاسئلة وسمحوليا على الازعاج واحد الاخ من العائلة بغى يخطب فاسية وهادو هما الخطوات لي بغا ايدير انشاء ط§ظ„ظ„ظ‡ = قال غادي يمشي هو الاول عند عائلتها باش يتعرف عليهم. والمرة الثانية غادي يدي معاه الاهل ديالو يتعرفو مع بعضهم حيث هو متافق مع البنت انشاء ط§ظ„ظ„ظ‡ يديرو خطبة والعقد في مرة وحدة من بعد شي شهر او 2 . السؤال هنا لما يمشي مع الاهل ديالو اش غادي يديو معاهم ؟؟؟ واش هاد المشية الثانية مع الاهل تتسمى خطبة ؟؟؟ السؤال الثاني هو مابغاش يدير العرس لكن البنت غادي دير العرس فالقاعة واش هو لي غادي يخلص القاعة او هي؟؟؟ واش ضروري يعرض على اهل العروس في فترة مابين التعارف والخطوبة الرسمية ؟؟وشكرا

---

ho,hjd hgthsdhj uh,k,kd hggi dvpl gd;l hg,hg]dk

واش ماكاينينش الفاسيات هنا؟؟؟؟

واش خطبة كبيرة ولا غير هو واليديه؟ الا كانت كبيرة خاصو على الاقل 5 ديال شكال ديال لحلوة يعني دواز اتاي واحد ديال لفاكية مخلطة واحد ديال تمر معمر والحليب والسكر ولحنة ولبسة وصباط وساك وشي تفصيلة والباس الداخلي وشي بيجامات راقين و خاتم و سنسال وشي برسلي هاد شي كلو يكون مستف ف طبوقا وشي طبق يكون خاص غير بكريمات وعطور او سيرو عند دار لعروسة مرفقين بشي فرقة ديال الدقيقية (ختي انا عطيتك عير فكرة راه كيبقى كل واحد و الامكنيات ديالو) اما بنسبة لعرس الا كانت هي باغية دير لقاعة هي لي تخلصها ولكن هو مخاصوش يجمع حبابو كامين ويمشي عندها خاصو يدي غير لمقربين ليه وكيبقى كلشي على حساب الاتفاق حيت اغلابية تيديرو عرس مشروك هو يخلص نص وهي نص اما ال كان عندو مناش ما فيها باس الا عاونها والله يكمل بلخير الا تفكرت شي حاجة اخرى دابة نكتبهليك بالتوفيق اختي

الله يرحم ليك الوالدين احبيبة ويكرمك ويدير بحاسبك. راه احبيبة قالينا المشية الثانية بغا يديه والديه باش فقط يتعرفو على الخطيبة والاسرة ديالها وبغا يعرف اش غادي يديو معاهم اما الخطبة الكبيرة بغا يديرها من بعد شهر او 2 ويجمعها مع العقد وغادي يعطيها فلوس الذهب هي تشريه شي 2 مليون ومليون تاع الصداق . اما بخصوص القاعة هو مابغاش العرس هي بغات ديرو وهو قالك غادي ايدي والديه وخوتو وسولني واش ضروري هو لي خاصو يخلص القاعة وانا ماعرفت مانقول ليه حيث الى خاصو اخلصها راه غادي يتسلف

up

اختي قولي لخوك من الاول يتافق معاهم ويقول ليهم على امكانياتو بصراحة
حيت الى غرق راسو فالكريدي راه حياتو مغيبداهاش مزيان انتم لي غاديين عندهم
راه خصكم تديرو تقاليدكم انتما شوفو اش كتديو والحقيقة ان احسن حاجة لي صبحات متداولة حاليا
هي الخطبة العصرية تدي بوكي ديال الورد وشكلاط وصافي هاد الشي لي كيديرو اكثرية الناس
بالنسبة للقاعة راه العروسة لي غادي تخلصها غير انتم ديو غير المقربين بحيت متفوتوش طبلة وحدة
فحدود 10 اشخاص حتى 12 وصافي والله يكمل بالخير …….

امييييييييييييييييين احبيبة
سلام اختي صباحك مبروك الله يستر عليك اختي والله يرحم ليك الوالدين شكرا على الرد حتى انا ضد فكرة السلف من اجل العرس كل واحد يمشي على قدو لكن كاين لي تيقوليك خاصو يبان كبير قدام اهل العروسة او العكس والله يهديهم. انشاء الله نقوليهم ماجاء في الرد ديالكم الله يجازيكم كل خير