احمرار مكان الخياطة في الولادة القيصرية

السلام البنات بغيت نسولكم انا ولدت بالفتيح هادي 5اشهر واليوم شفت جزء من ظ…ظƒط§ظ† ط§ظ„ط®ظٹط§ط·ط© ولات ححمرا وشوية بحالة منفوخ واش هاد شي عادي ولا اشنو انا خايفة بزاف ماعرفت ماندير كنفكر نمشي عند الجينيكولوك اللي ولدني واش ظ…ظƒط§ظ† الفتحة ممكن تزولي ليه الشعر بشفرة الحلاقة او لا لا وشكون فايت وقع ليها فحالي تفيدني الله يرحم الوالدين

hplvhv l;hk hgodh’m td hg,gh]m hgrdwvdm

الله يطمنك اختي ما عندي فكرة باقي ما كتاب نولد ان شاء الله الاخوات يفيدوك

كنضن عادي اختي احمرار خفيييييييف ماشي مشكل لكن ادا كان احمر بزاف مشي عند الدكتور ديالك والله يعملك اللي فيه الخير

لسلام عليكم اختي 5اشهر كتكون العملية برات علي الاقل من الخارج لان الداخل يتطلب وقت اطول، بغيت نسولك واش بقات لك الكرش بعد الولادة لان الاحتكاك ديال ترهلات البطن مع مكان العملية و زيد عليها عامل حرارة الجو كتودي الي احمرار مكان الخياطة. حضي غير عنداك تقيح او تخرج الما اولا دير ريحة خايبة ، انا وقعلي نفس الشي و كنت كندير betadine وندير pansements بحال لي كيديرولنا مورا العملية مباشرة، جرب هد الطريقة شي يومين و ادا ما شفت حتا تحسن مشي عند gyneco و ما يحتاجش تحلقي مكان العملية عنداك تزيدي التورم ف ديك المنطقة والله الشافي*

السلام اختي من الاحسن سيري عند الطبيبة ديالك تشوفو اش كاين حيت 5 شهور خاص تكون برات.انا وقعلي بحالك حمارت ليا وقصاحت ولكن فالايام لي كنت فالسبيطارومادارولي والو من غير رسموها بستيلو باش يشوفو واش كتكبر ،اوا ملي خرجت مشيت للدار تحلات وبدات تسيل بزاف .رجعت عندهم كنقولهم خياطة محلولة كتسيل دارو التحاليل لداك الشيء صافي قالولي نبقا نمسحها بالدوا الاحمر وحتا ملي ندوش .اما مكان الفتحة معرفتش حيت معندي فيه والو الحمد لله

شكرا ليكم بزاف على الردود غادي نمشي عند الجينيكو ونشوف اش غيقوليا نتمنى يكون خير

اختي حتا انا واقعلي بحالك قوليلي شنو قالك طبيب فاش مشيتتي عندو

انا اختي كاتحمار ليا ولكن انا حيت عندي الكرش كاتبقا معرقاها خاصني ديما نغسلها ونشفها مزيان وندهنها بشوي الزيت باش ماتعراقش المهم انت سيري عند الطبيب وشوفي اشنو غايقولك