تخطى إلى المحتوى

احلى ايام طفولتي يااااااااااااااااااااه رجعوني للزمن الجميل

  • بواسطة

سلام عليكم البنات……….. شكون فيكم عاقلة على هادو

ياااااااااااااااااااااااااااااااااااااااه فكروني في الزمن الجميل

رأيتها نظيفة ….. نشيطة خفيفة
فؤادها رحيم ……. و عطفها عظيم
تطوف بالدواء ……… بالصبح و المساء
و تأخذ الحرارة ………….. بغاية المهارة

آجرادة مالحة
فين كنت سارحة
في جنان الصالحة
واش كلت
واش شربت
غير التفاح والنفاح
ياقاضي يابو مفتاح

مدرستي الحلوة مدرستي الحلوة
مدرستي جنة فيها تربينا
قولو معانا يالي تحبونا
تحيا مدرستي امي الحنونة

ألالة منانة
آجي تكونتي بنتي
وندير ليك عبانة
بالخوخ والرمانة
والساقية تسقيني
والواد ما يديني
بابا علي خروبة
شاشيته مثقوبة
داز غراب يقاقي
قال له فين غادي
قال له لجهنم
قال له تطيح فيها

ماما يا ماما
جيتك و جيتك
جيتك من المدرسة
مدرسة الجماعة
فيها معلمة
كتعلم التربية
التربية الوطنية
و الاخلاق الدينية

ألالة طاطا
أديك الخياطة
راه حزامك طاح
أداوه ليك الرياح
الرياح الصرصارة
والموت الغدارة
والقايد بوجعران
شرى ليا بلغة
وجاتني قدي
ربي بيض سعدي

والشالاضة والمونادا
أَلقرع بودربالة
أسيدي آش هاذ الحالا
وهاذ الشعكوك والغوفالا
أسيدي اشري طاكٌْية
أسيدي غالية عليا
أسيدي اشْري طربوش
أسيدي عامر بخوش
أسيدي زيد تخدم
أسيدي ما فيا دم
أسدي زيد تقرا
أسيدي ما بيت نقرا

قطتي الجميلة……..اسمها نميرة
ديتها للسينما ……..كالت ليا لحيمة
مياو مياو مياو

من يشتري مني الازهار ….من يشتري مني الازهار …..
الوانها تغري الانظار……..الوانها تغري الانظار………..
يا شاري القرنفل …………تعالى لتنظر………………..
يا شاري الفراولة………..تعالى تحرى………………..
من يشتري مني الازهار….من يشتري مني الازهار……

بيضة بيضة لله .. باش نبيض لووحتي .. ولوحتي عند الطالب ..
والطالب في الجنة .. والجنة محلولة ..
حلها مولانا .. مولانا مولانا لهلا تقطع رجانا..

هيا هيا…………. نجري جريا
غط البصر……….وخذ الحذر
أنا في الصف…..أنا في الخلف
أنا يمناك…………أنا يسراك
سارع سارع……. أنت البارع
أدرك ندك……….. تبلغ قصدك
____________________
قولوا لي ياناس
قولوا لي ياناس ماذا تعرفون
هل تعرفون اللعب بالايدي
ايدي ايدي اللعب بالايدي
********
قولوا لي ياناس ماذا تعرفون
هل تعرفون اللعب بالمزمار
مزمار مزمارمزمار اللعب بالمزمار
**********
قولوا لي ياناس ماذا تعرفون
هل تعرفون اللعب بالكمان
كمان كمان كمان اللعب بالكمان
********
قولوا لي ياناس ماذا تعرفون
هل تعرفون اللعب بالطبول
طبول طبول طبول اللعب بالطبول
*******
قولوالي ياناس ماذا تعرفون
هل تعرفون اللعب بالارجل
ارجل ارجل ارجل اللعب بالارجل
**********
بوفسي والبوليسييي..بوفسي والبوليسييي………..
الشلاضة و المونادة……
تيوتيوة و تيوتيوة……..

سكوبيدو بيدو……..
سروال امك بعتو…..
شراتو حمص كالتو….
لقاتو مالح لاحتو…….

تكشبلة توليولة…….
مقتلوني ما حياوني…..
غير الكاس الي اعطاوني….
الحرامي ميموت شي……..


hpgn hdhl ‘t,gjd>>>>>>>>>>>>>>dhhhhhhhhhhhhhhhhhhhhi v[u,kd gg.lk hg[ldg glslk

ماشاء الله عليك مازال حافضاهم راني عقلت على شي وحدين .
يا حسرة على أيام زمان . ياريت يرجع زمان لي ورا . و أيام طفولة و براء و راسك خاوي كاتعراف غير ماكلة و نعاس

ههههههههههه هاديك ديال الالة منانة اجي تكوني بنتي والاخرى ديال قولو لي يا ناس ماذا تعرفون راه ردوهم اغاني ههههههه تقداوي ليهم الكلمات سرقو لينا دياولنا

الشروق المشاركة الأصلية كتبت بواسطة ome aya wissam الشروق
ماشاء الله عليك مازال حافضاهم راني عقلت على شي وحدين .
يا حسرة على أيام زمان . ياريت يرجع زمان لي ورا . و أيام طفولة و براء و راسك خاوي كاتعراف غير ماكلة و نعاس

سلام الحبيبة شي وحدين عاقلة عليهم وشي وحدين نقلتهم
ولكن فوق ما نتفكرهم نضحك ونحن لايام الطفولة كان لعبنا زوين ههههه

الشروق المشاركة الأصلية كتبت بواسطة غزالتي الشروق
ههههههههههه هاديك ديال الالة منانة اجي تكوني بنتي والاخرى ديال قولو لي يا ناس ماذا تعرفون راه ردوهم اغاني ههههههه تقداوي ليهم الكلمات سرقو لينا دياولنا

هههه باش تعرفي انهم كلمات زوينين اما علي كون غير غناوهم كلهم باش يحفظوهم وليداتنا بدل ما يغنيو تخربيق ديال دابا………….. ولدي الصغير حافظ غير اغاني الوداد البيضاوي وكانكام سطار ههههه

هههههههههههه ثرات ديال زمان و بصح هيا احلى ايام دازت الحمد لله غنينا و عرفنا باش دابا كايغنيو و معرفين اشنو غناو ههههههه

الشروق المشاركة الأصلية كتبت بواسطة أمري لله الشروق
هههههههههههه ثرات ديال زمان و بصح هيا احلى ايام دازت الحمد لله غنينا و عرفنا باش دابا كايغنيو و معرفين اشنو غناو ههههههه

والله ما كذبتي انا علي كنت دايما طالقة حلوقي بصح كانت عادية شحال هادي دابا ولينا دغيا كنتقلقو من ولادنا الى غناو كنقولو ليهم صدعتونا وسبحان الله واليدينا كان عندهم الخاطر

كنت ديما طالقة حلقي فالزنقة مع جرادة مالحة وتكشبيلة و حابا ….هههههه واللي بغا يشوف واللا يسمع يدبر راسو .الصغر زويييييييين بزاف وهانا دابا مخزونة فالدارالشروق

ههههههه تبارك الله عليك مزال عاقلة

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.