اجي طحني المساخن راسك وعرفي اشنو فيهم وتحاربي بهم البرودة

ونزولا لطلب اخوات طلبوا مني نحط لهم الاعشاب
الي تتكون في المساخن وبمساعدة امي الغالية
الي ما تيخطاوها في هاذ الفصل البارد وكما قالت ولا بد
خاصهم يكونوا عندنا باش نحميوا روسنا من البرد الي
تيهلك الصحة بلا ما نطول عليكم، الاعشاب الي
غادي تحتاجي ظپظٹظ‡ظ… 35 عشبة للمساخن هما كالتالي :

1 خلجلان
2 الفوة
3 السرغينة
4 الكروية
5 الزعتر
6 الزعيترة
7 الحلبة
8 الباديان
9 بسيبيسة
10 قعقلة
11 الكبار
12 السكين جبيرعرق
13 الخرقوم عرق
14 زريعة الكتان
15 حب الرشاد
16 السانوج
17 وذن الحلوف
18 قشور الرمان
19 المانتا
20 البزار حبوب
21 القرفة عواد
22 النافع البستاني
23 حبة حلاوة
24 الرميمينة
25 القرنفل
26 الكبابة
27 الورد
28 الكمون الصوفي
29 الكمون العادي
30 لسان الطير
31 اليزير
32 الحبق
33 فليو
34 الخزامى
35 تميجا

كلشي هاذ الشي يتغسل ويتشمش ويتطحن ويتغربل ويدار في قرعة الزاج
بعيدة على الضو وتبقاي ديري منهم في الرفيسة ،في البطبوط بالزيت العود
وفي الحسوة الشعير او الحريرة البيضا كما تيقولوا لها البعض صراحة ديال
الدار تيكونوا صحيين ولذاذ احسن من شي تخربيق يديرو العطار
بلا ما يعرف ط§ط´ظ†ظˆ هما غير باش تيعمر الكاغط .

وبالصحة والراحة

تنبيه للاخوات الفاضلات

تم تعديل الموضوع وخلوه من الكوزة التي
اثبتت اكثر من فتوى على تحريمها وذلك
بتغييرها بعشبتين مهمتين كذلك وهي
قشور الرمان مفيدة لقرحة المعدة
وكذلك المانتا الشبيهة بالنعناع لكن
نكهتها قوية اكثر ومفيدة لعلاج البرد .