اجي تشوفي كيفاش تعاملي معا راجلك الى جا معصب من الخدمة

العائلة الاولى
فاطمة الزهراء ربة بيت ام لطفلين
زوجة سمحمد.. موظف فالجمارك

من سوء حظنا هاد النهار لي بغينا نزورهم
غادي اجي سمحمد ظ…ط¹طµط¨ من الخدمة..كنضن عندو شي مشكل مع الادارة
هاهو وصل للدار…دور الساروت ..حل الباب و دخل كيفما كيقولو المصريين شايل عبد القادر..غوباشتو تبان على بعد اميال

حتى السلام مقلهاش هي هاديك
لالا فاطمة الزهرة ببتسامتها المعهودة و شياكتها الراقية و عطرها الفواح تلقاتو فالباب ..على سلامتك حبيبي..السيد حرك راسو و دخل ابدل
راجلي شي حاجة عندو سي سيغ] تبعاتو للبيت النعاس..بلاتي حبيبي نزولك لافيست..هزات عينيها فيه و تبسمت…مال الزين ديالي اش قلقوتنهد و مشى لبيت الجلاس و حط ايدو على حناكو اول حاجة قالت لوليداتها يالاه صافي تعشيتو سلمو على باباكم و سيرو تنعسو راه عيان مبغى صداع
تصبح على خير بابا ..ماااح

قادات فاطمة الزهرة الطبلة و سبقات ليه عصير..خود هاد الكاس من عندي اريحك..فاللحضة لي شرب و تنهد بادراتو…مالك احبيبي حتى حاجة متستاهل..لي ثقالت عليك خفافت علينا..خوي قلبك و حكي لي و انا متأكدة انك غير مكبر المسألة حيت اهم حاجة عندنا هي تدخل علينا سالم و منتحرموش من وجودك و كل يهون غير نشوفوك بيناتنا..حكي ليا و رخف على نفسك راه معدناش منك جوج نفديك بروحي و متنعسش ليلة وحدة مقلق
صلي على النبي..اللهم صلي على سيدنا محمد
يالاه فرغ قلبك اش عندك
اوى اش نقوليك افاطمة الزهرة..هادوك الجوج لي كنت حكيت ليك عليهم شادين معايا ضد فالخدمة ..رجعو ثاني للعادة القديمة و بداو فالتبركيك و كيضلو إعمرو فالمدير علي و يخسرو صورتي عندو

بكل جدية و هدوء ستمعات ليه و خلاتو حتى سكت..تبسمات و قالت ليه أووووكان..هادشي لي مقلقك
اسيدي اعمرو المدير و يفتوه لديك الجيه..نت ديما على حق و عايش فالحلال و كتصفي و تشرب حاشا لله انو يخيبك و انت معمرك تذليتي لغيرو
و تذكر ان الامة لو اجتمعت على ان يضروك بشيء لن يضروك الا بشيء قد كتبه الله لك..كن على يقين تام ان الله معاك وكيلك و وليك ميمكنش اتخلى عليك..و الادارة عاجلا ام اجلا غادي تعرف الحقيقة و تبان مكانتك و ترفع قيمتك
خليهم يحسدوك باش ازيدوك و يموتو بغيظهم حيت نت شخص امين و عصامي و مؤمن ان الرزاق هو الله..و تأكد حبيبي ان الله سبحانه غادي يبين الحق قريبا غير بعيد..و لكن الى وكلتيه حق التوكل و خويتي راسك من كل المخاوف و طمأنتي قلبك انه لن يصيبك الا ما كتب الله لك
يالاه احبيبي نعل الشيطان و اجي نقراو شوية من القران باش ترتاح نفسك و فاش تبغي تنعس نعمل ليك مساج كامل باش ترخف مزياااان
يالاه تبسم لي و الله حتى تضحك و لا نخطيك[IMG]https://www.****************/vb/images/smilies/cry.gif[/IMG]
صافي الالا علاه انا نقدر على خصامك هانا مبتاسم للزين دياليالله يحفظك لي يا الغالي و لهلى اخطي علي ديك الضحيكة لي كطيخ الزرزور من فوق الصور

صافي يالاه نخرجو المسألة ولات خاصة..و القضية فيها مساج خلينا هانيين لا نشوفو شي حاجة تحشمنا

أتوندي..باقي مساليتش

باقي الحال ..يالاه نمشيو عند لالا زكية مرات نور الدين…سبحان الله نفس المشكل لي عندهم حتى هما
كوبيي كولي
دخل نورالدين ظ…ط¹طµط¨ ..لقى الصداع فالدار…لالا حنينتي مجهدة التلفزة حالة فمها فلالة العروسة و و الوليدات كيلعبو الكرة مع ط§ظ„ط¯ط®ظ„ط© جابوها فباباهم نيشان و طيحو ليه النضاضر..واااااا الجنون اش هاد الروينة فين لي والداكم حالة فمها فالتلفزة ثاني..ماما ماما نعاااااااااااااام بابا جا..السيدة متململاتش من بلاصتها
نورالدين جيتي..امدرى جبتي داكشي لي وصيتك عليه..و مالك مكتجاوب
دخل السيد و قلبو غادي اطرطق
بدل جوايجو و هو كيغوت ..وا بركة من الكرة راه راسي غادي يطرطق و نقصو داك المشقوف
تمات جاية السيدة المصون لابسة بيجامة عامرة بالخرقوم..أمالك ثاني جاي هاز شوكتك..تسنى غير نكمل البرنماج و نشوف لي غادي يربح و نحط العشا
خلاتو فالبيت كياكل فجنابو و هي كيخ كيخ قدام التلفزة
حتى سالات من التفراج على خاطرها و تعشاو و هي مرداش البال ان راجلها كيتنهد و ساهي و معصب..حتى كلات النص..عاد سولاتو ..و ت مالك اليوم ..يا كما ثاني دوك المساخيط لي حاكرين عليك
و الله ملقاوك راجل كن شي حد غيرك يلحس الكابة للمدير و يحزر و يبزر باش يترقى و يخرجها منهم
مالهم باش فايتينك ..غير نت الله يهيدك قاتلك الخوف و معطيش لراسك
القيمة ..شري للمدير للكادوات و جيب ليه التبركيكة و هانتا فوق السلك

عرفتي اش غاديري ..كملي عشاك و سيري تقابلي مع التلفزة حتى للصباح
انا خارج نكمي لي شي كارو لي تبليت به ..اوى غير تعشى بعدة

جغددت و كليت السم الهاري و شربت النحس و التابعة
ضبر راسك..المهم دي معاك الساروت لا تلقاني نعاسة..منبقاش نتسناك
مع الخرجة من البيت سطح راسو مع قنت الشرجم و خرج و هو كينكر
تفوووووووو يا ربي شي قرينة كحلة طيرني من هاد الدنيا بمرة صافي يالاه نمشيو القضية حامضة دابة يجي فينا شي طبسيل السيد كيلعبو ليه الجنون فوق راسو