ختكم كانت من مستعملات شيرلي و للاسف خلا نتائج سلبية بزاف على البشرة ديالي ولات حساسة و متضررة بزاف وجهي مسكين حالتو حالة و من هاد المنتج فقدت الثقة في كل المنتجات الصناعية كلها و اليوم في العشية تفرجت في قناة الرحمة و لقيت الاشهار ديال كريم وجه القمر و قررت نذخل للمنتدى نشوف اراء البنات و كيفها كنت متوقعة لقيت واحد الاخت تتشكي و قالت مبانت ليها حتى نتيجة مع العلم انو غالي بزاف عشرة الاف ريال ماشي ساهلة خلاص الى كان العلبة ديال الكريم صغيرة و دغيا يسالي
و لهذا قلت علاش منتعاونوش و نعرفو المكونات ديال هاد الكريم حيت مولاه تيقول انه ط·ط¨ظٹط¹ظٹ مئة بالمئة
و الى عرفنا المكونات نصوبوه بوحنا ههههه و مدحكوش عليا زعما نعرفو اغلب المكونات و نشريوها و نصوبو منها ماسك حسن من هاد الكذوب تقهرنا
و انا بديت هاد القضية من ماء الورد تنصوبو راسي شريت الورد و البابونج و خديت كمية متساوية منهم درتهم في قرعة و غليت الماء و كبيتو عليهم و خليتهم حتى الغد و بيدت نستعمل فيه
حينت اخواتاتي الماء الورد لي تنشري من عند العطار تيجيني غير الما و الزغاريت غير الكذوب الريحة و صافي و الله اعلم
نتمنى من الاخت نجمة بيضاء و الاخت سريدينة و الاخوات المختصات في هاد المجال يتعاونو معانا راه حنا غير تنتصاطحو و صافي معندناش الخبرة و اخيرا نسال الله التوفيق و السداد لما يرضيه في ديننا و دنيانا
h[d, kjuh,k, g[lhg ‘fdud fhvow hghelhk fhvds
اختي الوجه حساس جدا واي حاجة تتاتر عليه ولازم كل واحدة منا تهلا في وجها ومتيقش وتجرب اي حاجة لان كل واحد والجلدة ديالو هدا هو الغلط لي تنديرو مزال الا جربنا المواد الطبيعية هدوك كيفما تيقولو الا مانفعو مايضرو
وانا اختي لما كنت صغيرة يعني لما بلغت حتى سن 18 كانت ماما كتخاف على وجهي بزاف وماكتخليني نجرب حتى كريم والحمد لله كان وجهي مزيان الى الان
وقلتي اختي على كريم شيرلي هاداك اخطر كريم خرج على بزاف البنات وبدل ليهم لون الوجه هما بغاو يبياضو ساعة زرق للبنات بزاف البشرة ديالهم ومنهم بنت اخي كنا تنصحوها بلا فائدة واش اختي الكريم ديال 10 دراهم في رايكم غادي يعطي
شي مفعول جيد هده هي المصيبة ملي كتبان الحاجة كلشي البنات تيبغيو يجربو في راسهم بلا مايعرفو ان النتيجة ستكون عكسية للاسف
شكرا اختي انك طرحتي الموضوع جزاك الله خير
تنصحك تدهنيها بزيت اللوز وهو تيصلاح بزاف البشرة وخصووصا البشرة المتاترة وكدلك نعملوه تحت العينين ديالنا راه مزيان بزاف التجاعيد اختي اشتري زيت لوز حقيقي من الصيدلية
وان شاء الله تحصلين على نتائج ايجابية