اجيو الغزالات الي باقا ما عرفتش شنو توجد لرمضان تدخل نهنا

بسم ط§ظ„ظ„ظ‡ الرحمان الرحيم
السلام عليكم يا الحادكات المتولات الطباخات الماهرات ما شاء ط§ظ„ظ„ظ‡ عليكم وعلى المغربيات كلهم الحادكة والي عاد كتعلم
اليوم جيت باش نقترحو شي شهيوات الي نوجدوها نر مضان ان شاء ط§ظ„ظ„ظ‡ والله يبلغنا رمضان ويرزقنا الايمان والتقوى
ومبرووووووووووووووووووووووووووووك عواشركم

طبعا الناس ادواق ولولا اختلاف الادواق لبارت السلع كل واحد وطريقته ف الحشوة وكدلك طريقته ف العجينة وطريقته ف التوجاد حتى هي
كاين الي كيبغي يكنجولي قبل شهر رمضان باش ما يكونش الحمل تقيل ويبقى داك الشي الخفيف وما يبقاش مشنق راسو ف الكوزينة ملي يدخل ف الصباح ما يخرج حتى لادان المغرب ط§ظ„ظ„ظ‡ يسمح لينا لدلك من الحسن يكنجلي شي شهيوات الي كتاخد الوقت ف الطياب والتوجاد من بينها الرغايف والمالح والملوي و…………………….
وكاين الي شغله خفيف كيعمل كل نهار شهيوة وكيفضل ما يكنجليش الحاجة
طيعا كل واحد حر المهم هو نحاولو نقدمو شهيوات لديدة وسهلة وكتعمر العين لان بعد المرات العين الي كتاكل ماشي البطن ياكو اولا
المهم ندخلو ف المفيد ف هاد الموضوع غادي نقرتاح عليكم مجموعة من الحشوات والاشكال المالح وممكن الاطباق السريعة الي تصلاح لهاد رمضان ف الحرارة ان شاء ط§ظ„ظ„ظ‡ وما نساوش الشباكية والسفوف الي هي من الطباق الرءيسية ف الطبلة المغربية
ايوا ط§ظ„ظ„ظ‡ يعونا جميع

ضفيرة وابعض الاشكال معمرين بالكفتة د بيبي بالقوام
نشحروه فالمقلاة شوية ونعملوها ف وسط العجينة ونعملو من فوق الجبن ونخليوها رباع ساعة وندهنوها وندخلوها الفران وتقدار تقدمها هاكداك ويمكن ليك تقطعها كيف بغيتي

قنينطات بالورقة والجبن
3 بصلات صغار مشلدين ومن الافضل بصلة بيضاء لانها ما كاتكونش قوية ف الراحة
نعملوها تتشحر شوية حتى تدبال بلا ما تحمر مع ملعقة زيت وشوية الما شوية سكنجبير وابزار ونص كنور الدجاج
ملي تترخى نحيدوها من فوق البوطة وتبرد شوية نضيفو عليها 8 حبات لافاش كيري + 200 كرام الجبن المحكوك او المقدار الي بغيتي ممكن تويدي مربع كيري او ملعقة جبن فيلاديلفيا اختياري
كنعملو شوية المعدنوس مقطع صغير و نجمعو بواحد البيطة
ندهنو الورقة ونقدعوها طويلة والعرض تقريبا 10 سنتيم نعملو الحشوة على شكل سيكار ونجمعو الجناب فوق الحشوة وتدورو الى اخر الورقة ونلصقو جناب وممكن نجهنو من فوق باصفر البيض

*

الشوارما مقطعين مربعات صغار

خبز الشوارما
3 كيسان الدقيق
كاس ونص الما وشوية الملح وملعقة كبيرة السكر وخميرة الخبز
نخليوها تخمر ونعملوها كويرات يرتاحو شوية عاد نطلقوهم بالمطلق دواءر ونطيبو الي طلقناها نطيبوها نعملوها ف المقلاة ونقلبوها بسرعة ونعاودو نقلبوها باش كنساعدوها تتنفخ
بالنسبة لدجاج
كنعملو شلادة مقطعة صغيرة وجزرة محكوكة وخيار مرقد ونعملو فوق منها الدجاج ومايونيز ونلفوها ونعملوها ف الة البانيني او نعملوها ف مقلا د الراغايف ونضغطو عليها بشي غطاية ومن بعد نقطعوها مربعات صغار ةنقدموها على شكل مالح

انا كنجيب الدجاج وكنفصلو وكناخد الصدر كامل هاد المقادير د 2 د الناس او ثلاثة على حسب الدجاجة ادا كانت صغيرة كتزيد حتى ديك الي كيكونو لاصقين ف الفخد والصدر وكنحيد اللعضم و كتقطعهم مربعات طوال شوية وكنعمل راس ملعقة ص د الكامون شوية د سكنجبير ملعقة صغيرة عامرة د قوام د الشوارما انا كناخدهم من مرجان كناخد ديك الي لونهم فحال الابزار بياض تقريبا كيكونو حارين شوية ادا ماكاينش ط¹ظ†ط¯ظƒ هاد القوام كتزيد شوية قرنفل او الهيل شوية وقصبور مدقوق و فص الثوم ادا ما كتعجبكش التوم بلاش منها وشوية د الخل صافي
خليهم شي نص ساعة او ساعة على حسب وقتك وبعد المرات ادا كنت مزروبة كنعملهم ديريكت يطيبو
عمل شوية يعني ملعقة د الزيت ف المقلاه وعمل الدجاج وشوية د الماء وغطيهم شي رباع ساعة كيبداو يتقلاو وانتي مرة مرة حركي باش يتحمر الدجاج وما يتحرقش كنطفي البوطة وكنزيد راس ملعقة د لموتارد وكنحرك مزيان

حشوة بسطيلة الحوت وممكن نعملوهم برويات او سيكارات الي عجبك
بسطيلة الحوت

بالنسبة للحشوة بهاد الطريقة كتجي لديدة و كتبان فيها القوام مزيان وحتى البصل كيدوب وكيبان فحال الحوت ممكن تستغني على الكلامار وتخلي غير الكروفيت وصافي

h[d, hgy.hghj hgd fhrh lh uvtja ak, j,[] gvlqhk j]og kikh 000 Hojd hggi hggi du’d; hgwpm hgjrddl hld hojd jfhv; jfhv; hggi ugd; ph];m du’d; vhs; ugn ugd; uk]; ,ikh ;gad

الرغايف المربعين والمدورين
كاين 2 طرق ديال المدورين وب 2 كيجيو غزالين والي عجباتكم عملوها والي ساهلة عليكم
الطريقة الاولى الي كنعمل
طبعا نعجنو العجين ديال الرغايف
دقيق الحرش وشوية الرطب + ما + ملح +ملعقة سكر ممكن تستغني عليها وراس ملعقة صغيرة خميرة الخبز
نخليو العجين يرتاح 5 دقايق ونعملوه كويرات ونخليهم كدلك 5 دقايق ونبداو نطلقو
على شكل مربع كيف العادة وتوريق بالدقيق سبيسيال والزبدة والزيت
المهم اول ما توجد 5 وحدات بدا تسحن المقلا وتطيب باش ما يتفرتتش العجين ويتقطع

الرغايف د الفران معمرين بالتفاح
عجينة الرغايف كيف العادة نعملو كويرات تم نعملوهم مربعات ونرجعو للمربع الاول ونطلقوه شوية وعاد نعملو داءرة التفاح وطريف الزبدة ممكن رشة قرفة وعاد نتني الجناب وندرد شوية السكر فاني من فوق كل واحدة غير شوية ونطيبوهم من فوق ولتحت ممكن نقدموهم كيفما هما وممكن ندردرو عليهم السكر الكلاصي ونزينو بالمربى ف الوسط
بالنسبة لحجمهم كل واحد على حسب الي بغات واش موسطين او صغار

وصفة اليوم هههههههه
هادا المالح بالداند مدخن كيجي لديد والي قيسو ما كعرفش اشنو فيه

بسطيلات صغار د الدجاج او د الحوت
بالنسبة لبريوات الداجاج او بسطيلات
غادي نعملو تقريبا كيلو البصل كيلو الدجاج والمعدنوس شوية القرفة سكنجبير الخرقوم الابزار الزعفران شوية السمن وملعقة زيت الزيتون ونعملهم ف طنجرة ونشد عليهم ونحني البوطة ونخليهم يطيبو نص ساعة
ملي يطيبو نعملهم يقطرو ف كسكاس وناخد المرق الي ستقطر ونردو ف الطنجرة ونزيد عيه ملعقة صغيرة قرفة وشوية السمن وممكن ملعقة سكر نخدم 6 بيضات مزيان ونمل المرق يغلى ونعمل البيض ونعلي البوطة ونبدا نحرك من الجناب حتى يتجمع البيض ويطيب نقطرو حتى هو مزيان ونضيفو على الخليط
يبقى يستقطر مزيان من الحسن نص نهار
رباع كيلو النوا نغليو الما ونخليواه دقيقة نفسخوه ونقليواه ونطحنوه مع ملعقة كبيرة السكر قيسوه على حسب الحلاوة وملعقة قرفة
الورقة نقسمها على اربعة بعد ما دهنتها ونعمل ف كل واحدة طريف من الوارقة ف الوسط ونعمل اللوز تم الحشوة عاد نجماع الورقة ن الوسط من اليمين حت نسالي جناب
نخليكم مع الصور

بالنسبة للقوارب غادي نقطعهم بكاس مدور او مرشم وغادي نعملو الحشوة ونتني الجناب

بالنسبة للوردات غادي نقطعم مدورين ونرشم بالموس من جناب على طول الداءرة ولكن ما نوصبش للوسط نتكي بصبعي على وسط الداءرة ونعمل الخشوة