اتيكيت المناسبات المؤلمة والحزينة الله ينجينا كاملين

السلام عليكم ورحمة ط§ظ„ظ„ظ‡ وبركاته
والصلاة والسلام على اشرف الخلق اجمعين
الحمد لله هدنا على اتيكت الضيافة والفرح واستافدت من الاخوات ظƒط§ظ…ظ„ظٹظ† جعلها ربي ليهم صدقة جارية ماحد هاد المنتدى في الوجود

اللي بقى ماهدرناش عليه ط§طھظٹظƒظٹطھ ط§ظ„ظ…ظ†ط§ط³ط¨ط§طھ الحزينة ط§ظ„ظ„ظ‡ يبعد علينا وعليكم شرها اشنو خاص نا نديرو الى كنا صحاب المناسبة
او كنا ماشين نواسيو اصحاب هاد المناسبة
اشنو الاخطاء اللي تانرتاكبوها في اغلب الاحيان اهمال منا او غير مارديناش البال يعني بدن قصد
كنقصد بالمناسبات الحزينة ماشي غير العزو
عيادة مريض
حادث طلاق
حوادث منتوعة اخرى ماجاتش على بالي

للحديث بقية تزيد توضح الفكرة اكثر

---

hjd;dj hglkhsfhj hglcglm ,hgp.dkm hggi dk[dkh ;hlgdk

تربينا قالب السكر سيد المناسبات المغربية بامتياز يمشي معانا نالفرح والقرح والمرض الخ الخ
كنكون خدامة بعد المرات ويجني خبار شي حد وقعاتلو شي حاجة ولابد لابد الزيارة حالا
تلف بيا الدنيا نفتش على السكر ونديه معاي
عيادة المريض ماشي دايمان كانلقى داك دانون والحليب مواتي ماعرف واش داك المريض يصلاح ليه ولا
المهم فمرة من المرات كنا نهدرو قلت ليهم انا ملي كاتحرافلي كانهز السكر ونهني راسي
قالولي احنا هنا عندنا هاد القضية عيييييب
السكر للعزو فقط والى ديتيه معاك من غير العزو فكانك فايلتي على موالين الدار بالموت

وع وع وع وع دارت بيا الدنيا

ياسمين هنا وراك وراك
غير بالنسبة للعزو في الشما وبالضبط في مدينة العرايش ادا عندك العزو منين ينوضو التاس فحالهم عيب تمشي تبعيهم حتى الباب يعني منين ينوضو خليهم يمشيو بوحدهم للباب ؟؟؟؟؟؟؟؟؟؟؟؟؟؟؟؟؟؟؟

ووقعاتلي في العزو تاع خالي جاو شي ناس يعزيونا وعملنا الصواب معاهم ونضت باش نوصلهم وتصوري انا نحلف وهما يحلفو باش منتبعهمش ورجعت فحالي وهي تجي واحد الاخت وقالت لي راه عيب مول لعزو يتبع العزيا ؟؟؟؟؟؟؟؟ حتى لباب وحد الان معرفتش علاش وبالنسبة للصواب تندي السكر وادا كمن محتية تنعمل القفازات ونمشي بلا مكياج وبشي جلابة عادية حيت وليت تنشوف شي ناس مبقاوش يراعيو للناس لي مساكن مكوين تتجبر ها المكياج هاجلالب الجداد متولين ها الشعر بالسيشوراها الصبابط ديال السواري وحدا ديك النهار جيبا مهعها شي واوا كليب في صاكها بدا ينبح وهي تتفرنس قالت لينا مجبرتش نعامن نخليه وتصوري الوقاحة ؟؟؟؟؟؟؟؟؟؟؟ وربي يهدي وخلاص

هههههههههههههه صافي رجعو يعزيو بكليباتهم وقطيطاتهوم؟؟؟؟؟؟؟؟؟؟
قضية تبع العزايين حتى نالباب
حتى انا وقعاتلي لسبب بسيط انه عمري عزاني شي حد من نهار تزوجت
حتى مات جدي وجاو عندي الناس يعزيوني الصراحة زميلاتي حتى هوما تبعتهوم حتى وحدة مااستغربات مع كنت تانشكرهوم على واجبهوم
هههههههه ربما حتى هوما بحالي ماعرفينش
اما الجيران بقاو يحلفو عليا ويعاودو عاد من بعد عرفت انه سلوك ماخاصش نديروه ماعرفت علاش؟؟؟؟؟
قضية الجلالب اختي كاااااينة وبكثرة
ماشي غير العزاييين اختي حتى بنات المتوفى شفتهوم بعيني اختي تايبدلو ويعاود فجلالبهوم زعما راهوم انيقين حتى في القرح هاديك عادتهوم ديما
والعزايين تايعزيو ويرجعو كانهم فمعرض الجلالب

كنا فعزو جدتي واختي كاتبدل وتعاود قوتلا حشومة هاد الشي قاتلي فيقي اختي راه ماكايقولوش حزنانين كايقولو ماتعرفوش نلبسو او لا ماعندناش

ماعرفت اختي تلفنا مابقينا عرفنا الصح من الصواب

مريم ام جاد الف شكر اختي على مداخلتك المتميزة

أخواتي أنا يغيت نشارك معاكم حاليا بقينا تنشوفو العجب أحسن جلابة وأحسن فولار وأحسن صباط ههههه
بالاضافة للريحة والماكياج، والجلابة اللي بنتي بها في الصباح ما تعاوديش تبانيبها
حتى أصحاب الدار كل مرة في جلابة
أنا غادي نقول ليكم واحد العادة عند الناس ديال الشرق، راه عير الميت تتخرج روحه، تيبدا الطياب
وتبدا الناس في الجري من أجل تحضير وجبة الكسكس وما يليها وما تيخليوش الجيران والأهل يديرو الصواب
بالنسبة للناس اللي تيرفدو ترافقيهم حتى الباب هذا نوع من الطيرة يخافو يموت عندهم شي حد
وإلى مشيتي تعزي اخرجي من دارك وارجعي لدارك ما تمشي عند حتى واحد في زيارة
تحياتي

السلام عليكم
لهلا يقرحكم في شي حبيب
انا تنستغرب بحال هادشي واخا معظم الناس انجرفو ورا هاد التفاهات و السفاهات انا مجرفتننيش تنلبس جلابة عادية مفيها زواق و نمشي نعزي الناس و ندعي للميت بالمغفرة و نرجع بحالي
فاش مات خالي الكبير الله يرحمو جلسنا انا و امي و خالتي في واحد القنت تنتنخصو و نبكيو بحرقة و بناتو مشاو لبسو جلالبهم بيضين و مخيطين ببرشمان و صبابط موكاسان جداد و شي شيلان رقاق تقولي عرايسات و تيستقبلو في الناس بالصواب و حلاوة اللسان و يودعوهم بحلاوة اللسان و حتى هادوك اللي جاو يعزيو نفس النماذج و شوية بداو تيدورو على الناس في القهوة كحلة او في الليل جلسو هوما و خالاتهم يعاودو غير على الجنازة كيفش كانت كبيرة و يحسبو في الطوموبيلات و فرحانات حيت حضرو فيها شي شخصيات مدنية و عسكرية مهمة في المدينة هذا اللي همهم مهمهش باهم اللي كان الله يرحمو من خيرة الرجال من تمة مبقيت رجعت لدار خالي نزلو في عيني بزاف
حتى واحد جيراني مشيت نعزيهم في نسيبهم مات شاب مسكين الله يرحمو لقيت الناس جايبين السربايا و حطو لينا الماكلة ديال العراس و شي عيالات عاطيينها للضحوكات و الله العظيم انا مبغيت نجلس بقات المرا تحلف علي جلست شوية و نضت لداري و انا تنفكر في ميمتو كيف داير الحال بيها ملي وصلاتها خبار ولدها مات في حادثة
الله يهدينا اللي عطاه ربي العقل و الحكمة ما خلا ما اعطاه

نعم اختي هاد الشي اللي قلتي كولو كاين
دابا بالنسبة للصواب اشنو نديو في العزو؟وايمتا نديو الصواب النهار اللول الثالث بعد الدفن مباشرة؛؟؟؟؟؟
في عيادة المريض واش دايمان داك دانون والحليب؟؟؟؟
كاتجيني نن الهبال مثلا مريض تهرس ودارو ليه الجبص مثلا نقولو ست شهور ومااكثر فينما يشوفوه يجيبو ليه دانون والحليب
الخ الخ

شوفي اختي احنا وحدين من الناس اللي جبنا طريطور ليلة دفن الواليد ماشي مظاهر وانما الغالب الله اش نديرو
جوج خوتي الرجال يلالاه قدرو يفدنو والواليد ويتسخرو لينا ورجالنا كانو خدامين فمدن بعيدة مايقدروش ياخذو رخصة حيت مات ليهم النسيب
وماكاين لاحنين لارحيم شكون يوقف شكون يوجد واش انا ماكنشوفش حداي ونتفكر الوابيد ديالي اللي مات عاد نشوف البوطة باش نطيب
اللهم اختي السربايا والطريطور
العمات اختي حتى هوما حالتهم مرزيين فخوهوم
والخالات كلها وهمومو مع وليداتو ولا صحتو ولا ولا الخ الخ
وزايدون مابقاوش الناس اختي اللي يدخلو للكوزينة اليوم كلشي تايتزاحم في الصالة يحط رجل على رجل