السلام عليكم
بغيت انستاشركم عفاكم في واحد الموضوع و لي هو أختي اتعارفات مع واحد السيد من خلال الانترنيت تقريبا هدي أربع سنين و هو أردني و تايجي عندنا كل سنة و هاد المرة اخرجات معاه بالليل في الطموبيل لواحد العيد ميلاد ديال بنت عمي و طبعا في اخبار واليديا و ملي كانو راجعين مع التلاتة ديال الليل تبعاتهم الفركونيط ديال البوليس و حيدو ليهم لاكارط ناسيونال ديالهم و قالو ليهم باش يتبعهوم لمركز الشرطة وبعدما ترجاوهم باش يرجعو ليهم الوتائق البوليس طلبوليهم ربعين الف ريال و لا يديرو ليهم الدعارة وخا ماكاين والو و صدقتهم بريئة المهم اختي اعطات الفلوس باش اتفك منهم
ودبا عفاكم بغيت نعرف واش من حق البوليس يوقفو الناس وخا غاديين في طوموبيلاتهم و شنو تيقول القانون ادا تواجد غريب مع عربية وخا هو ماشي غريب علينا حيت تنعرفوه من شحال هدي
وشكرا
hjahvm hggi dohgd;l
اختي الاخت ديالك عملت مخالفة للنظام العام وهذاك هو العقاب ديالها
لانها ما خارجاش مع واحد من الاقرباء ديالها ولو يكون خطيبها الشرطة ما تتعرفش هاد الشي
لهذا تيطلبو البطائق الشخصية باش يعرفو واش هاديك السيدة عندها صلة قرابة مع السيد او لا
الا ما لقاوش صلة قرابة تياخذوهم للتوقيف
يعني من الاول كان عليها ما تمشيش معاه بوحدها وملي وقع لي وقع و توقفو مادام خارجة بموافقة الاهل كان عليها تتصل بالاب او الاخ ديالها
باش يجيو يقروا بان الشخص خطيبها فعلا وانها خرجات بموافقتهم ديك الساعات كانو ممكن يتساعدو معاهم و يخرجوهم بلا غرامة
وخاصك تعرفي الشرطة بالليل اصلا تتراقب لي خارجين بالليل بطوموبيلاتهم والكل عارف اشنو تيوقع بنصاصات الليل الله يحفظ وصافي
واختك مشات فالرجلين لانها ما دارتش الواجب والاحتياط ديالها وملي جاتها غير فالغرامة تحمد الله
نصيحة : اللي بغى يخرج بالليل ياخذ بطاقته الشخصية وما تخرجش البنت بدون شي حد من الاقارب ديالها
ولازم نفس الكنية ما يعرفوش لها الشرطة هادا ولد خالها ولا ولد ختها حتى يجي شي حد من اهلها لي يثبت هاد الشي والا تخلص تعاقب
لانه تيتعد اخلال بالنظام العام
يعني الحاجة لي فيها الشبهات نبعدو عليها وصافي
عفاك بغيت نعرف في هده الحالة مثلا كون داوهم لمركز الشرطة أشنو كان غادي يوقع ليهم الا ماجا حتى شي حد يخرجها و بشحال تتحكم المحكمة في هاد القضية بحال هاكا يعني من الناحية المادية و الا ماخلصوش شحال المدة ديال السجن كنبغي نعرف كلشي ههههه
وشكرا بزاف على تفهمك و الاهتمام ديالك و الله يعطيك كل ما هو غزال في هاد العالم
ولكن هاد النظام معمول بيه من قديم يعني اي شخص يكون ماشي معة واحدة غريبة عليه تيتعاقب بتهمة الزنا والفاحشة
وكانت ممكن توصل الحبس الله يحفظ
ايوة الحمد لله ربي ستر وانتهى الموضوع ونتمنى تبقى تخرج معة خوها كعائلة
الله يبعد علا الجميع المشاكل
هي القانون ماشي غادي يعاقبها الا جا باك صافي يخرجهم هما لقاو الفرصة مناسبة مع شخص بوحدهم و ماشي مغربي غادي يبان ليهم كلو فلوس ويهددوهم باش يدفعوهم لمركز الشرطة تيولي الحل الوحيد باش تخلص من الفضيحة تعطي الفلوس وهما يفرحو بيهم قد الدنيا على قلبهم اختي اختك لبغات تخرج دير الازم وتخرج بالليل