السلام عليكم و مبروك عواشركم نهار 1 شتنبر كان ط§ظ„ط¯ط®ظˆظ„ ط§ظ„ظ…ط¯ط±ط³ظٹ ولدي عندي عامين و 7 شهور هنا في الغربة الاطفال كيدخلو المدرسة في سن عامين و نص المهم رجعنا من المغرب معطلين بقات 5 ايام للدخول يومين الاولين رتاحينا فيهم نهار كانوضو معطلين عمن النعاس حتى 12 نهار التالت فقت مع ولدي مع 10 شويا بكري و نعستو مع 10 ديال الليل نهار الراب فيقتو مع 8 مابغاش انوض غير فطرتو و خرجتو العب و دور باش افيق ليا و في وسط النهار بغا انعس ماخليتوش بقيت كانلاهيه حتى وصلات 8 ديال العشية عاد نعس باش ملي نفيقو مع 7 اكون شابع نعاس و فعلا فاق مع 7 شابع نعاس لبستو حوايجو فطر و ديتو للمدرسة هادي من ناحية توقيت النعاس و دابا نعاود ليكم رد الفعل ديالو مع المدرسة
قبل ط§ظ„ط¯ط®ظˆظ„ ط§ظ„ظ…ط¯ط±ط³ظٹ كنت كانقول ليه غادي تدخل للمدسة و تشوف صحابك جداد و المعلمة يعني كنت كانهيؤو و نهار ط§ظ„ط§ظˆظ„ دخلت معاه للقسم وريتو فين غادي العب و المعلمة ديالو و الوليدات لي غادي اكونو معاه اغلبية الاطفال كانو كيبكيو الا ولدي كان كيشوف فيهم هو كان كيمشي عندهم كيقول ليهوم صافي ماتبكيوش اجيو نلعبو قلت مع راسي مزيآآآن الحمد لله ولدي تقبل المدرسة بلا مشكلة ،اوا اجيو تشوفو اشنو دار نهار التاني ملي وصلنا للمدرسة الوقت لي غادي نخليه و نمشي طلقها بوآآحد الغوتة مابغاش ابقا فيها بزز باش خرجت ملي رجعت عندو في العشية لقيتو فرحان و ناشط قلت مزيان صافي ولف ، رجعنا للدار ملي جات 8 باش انعس بقا كيبكي قالي ماغاديش نعس باش مانمشيش للمدرسة ههه بقيت عيه حتى نعس ملي فاق في الصباح مابغاش انوض بدا في البكا قالي انا غادي نبقا ناعس باش مانمشيش للمدرسة مابغا لا البس الحوايج و لا افطر و لا البس الصباط كلشي بالبكا غاديين في الطريق و هو كيبكي و ملي وصلنا للمدرسة هرب ليا و انا حاملة في 7 شهور ماقرت نجري موراه جابو ليا واحد الراجل غير بزز ملي بغيت ندخلو عطاها لغوات و عنزز المعلمة دجرو و هو لاصق فيا ، المهم ماخلاني نخرج غير بزز ، و في العشية لقيتو ضاحك ناشط كان نهار الجمعة يعني سبت و الحد ماكيناش المدرسة في هاد اليوماين مهضرتش على المدرسة في المرة كيسولني واش غادي نمشي للمدرسة كان قولو لا نهار التنين فيقتو مشينا ملي وصلنا للمدرسة دخل ملي نستو باش نمشي بدا غير كيتنخصص و داتو المعلمة لاهاتو يعني مابكاش و الحمد لله هاد الصيمانا كاملة مابكاش نهآآآئي هو كيسلم عليا عليا كيقولي باي باي
سمحو ليا طولت عليكم و لكن بغيتكم تستافدو معايا من التجربة ديالي و نتمنى حتى نتوما تعاودو لينا كيفاش كان ط§ظ„ط¯ط®ظˆظ„ ط§ظ„ظ…ط¯ط±ط³ظٹ ديال ولادكم لاول مرة
hfkd , hg]o,g hgl]vsd hgh,g
المشاركة الأصلية كتبت بواسطة omnizar 
اختي ام نزار الله اخليه ليك و تفرحي بيه كيفما بغيتي و الله اشافي الام ديالك حتى ترجع ليها الصحة ديالها و لله اعاونا حتى نأديو الرسالة ديالنا مع ولادنا