ابنتي والنوم المتأخر ساعدوني

بنتي عندها عام ونص18 شهر لكن عندي واحد المشكل هو نعاس معطل كاع لي شافها ولا بات عندي كيكولي قدها راه نعس وشبع نعاس لكن انا بنتي نعاس بكري والو مع 10 كنبدل ليها ونعطيها حليبها زعمة راه غادي تنعس لكن والو اول حاجة كترفض بلبكاء تنعس ففراشها كتشرب لحليب وتجمع الوقفا ومنين نبغيو حنا نعسو كنديرها فوسط منا وتبدا عاج تلعب هي فوق ريوسنا حتى ل 11 ولا 11 ونصف ولا 12 لبارح حتى ل 12 ونصف عاذ نعسات وحطيتها بلاستها
جوتصبح ناعسة حتى 10 واكثر ليوم 11 عاد هي كترضع فالوقت لي ناس دارو دوزيام فطور يمكن
ذاك النهار 9 جاها نعاس مشيت كنزرب بدلت ليها عطيتها رضعات ايوا وهي تنعس بلا مشاكل فرحت لكن غير وصلات 10h45 وهي تفيق حاولت نرجعها تنعس والو فاقت نيت ومن تم وهي فايقة حتى 1h30 دليل

فشنو رأيكم واش انا لي مكنعرفش ليها ولا شنو

والقيلولة كتخدها فديك 3 حتى 5

---

hfkjd ,hgk,l hgljHov shu],kd

اختي انا بنتي كانت كتر من بنتك مكتنعس حتا ل 1 ديال الليل وكانت كتنعس ف العشية دبا بدلت ليها السيستيم كامل حيدت ليها النعاس ديال العشية و كنعسها ف 10 و ف الصباح كنعطيها بيبرون مع 7 و نبدل ليها الكوش و هيا ناعسة و كنخليها حتا ل 10 ونص ل 11 و راها باقا كتنعس بيناتنا ف النموسية هههه

الحل تقليص مدة القيلولة هادا ما فعلت لابنتي ونجح معي الله يعينك

khti chhal kaykhliha tn3s bnhar

واش ماكاين حتى وحدة تقدر تفيدني

اختي راه نفس مشكلة ولدي تقريبا غير ولدي الى طفيت الضو ونعسنا كينعس حتا انا كينعس معطل حتى ننعسو حنا والى نعس مع تسعة يرجع ينوض مع 11 ايوا ماينعسلك حتى لجوج وفالصباح التسعة او العشرة كينوض انا اللي كانلاحض انه ولدي ماكيحملش النعاس راه شي خطرة كاتيده عينو وكيتغمضو عينيه ويرجع يفيق يلعب بحال الى كيحارب النعاس وايضا عندي الدار مفتوحة يعني ماعندوش بيتو كينعس معانا فبيتنا وحتا الى نعس بكري كيسمعنا كانهدرو او التلفازة شاعلة وكيعرف بانه مازال وقت النعاس دابا شنو كاندير باش ينعس فالوقت اللي باغية انا هو انني حيدتلو القيلولة او يدير القيلولة بكري ودابا انا كانقول ماعليش محدو مادخل للمدرسة ولكن نهار يدخل خصني نغيرلو نضام ينعس التمنية باش يقدر ينوض فالصباح
حاولي اما تنوضيها فالصباح بكري وتخليها تلعب وتعيا والقيلولة ماتكونش اكتر من ساعة او بكريهالها خليها مع جوج لتلاتة باش يبقا الوقت فين تعيا وتلعب

حتى انا نفس الشيء الى بغيت نعطيها ترضع خاصنا نكونو حتى حنا ناعسين باش تشدها لي وتكا اما الى دخلتها البيت ورضيت الباب وطفيت الضو ودرت فيوز والله ما تشدها بالاخص كتشوف باباها باقي كالس يتفرج
ولينا حتى ندخلو ونتكاو ونديروها وسطنا ما تكاش لي نهائيا فنموسيتها حتى يديها نعاس ونهزها وتبقا تنقز علينا شي ساعة واكثر عاد الى نعسات وباباها ولا يغوت علي كيكولي نتوما صبحو ناعسين وانا نوض ف 7 بزز