إلى كل الأمهات اللواتي يردن الفوز ب: "الجنة تحت أقدام الأمهات"

السلام عليكم ورحمة الله تعالى وبركاته
أخواتي الكريمات، منذ مدة وأنا أريد أن أتطرق لهذا الموضوع وأن نتشارك سوية في نقاشه والتطرق لكل النقاط التي تهم تربية الأبناء تربية صحيحة قويمة أساسها الشريعة الإسلامية وسنة قدوتنا الكريم محمد صلى الله عليه وسلم.
"الجنة تحت ط£ظ‚ط¯ط§ظ… الأمهات"
ليس من السهل العمل من أجل الوصول إلى هذا المبتغى، خاصة في هذا العصر الذي انقلب أسفله إلى أعلاه. أود أن نتناقش الجانب التربوي لفلذات أكبادنا وأن نتشارك الآراء بخصوص السبل الصحيحة من أجل أن نغرس في أولادنا الأسس البناءة منذ أن يتموا أول عام في أعمارهم.
فكيف أختي الأنيقة تحرصين على ذلك منذ هذا السن (سنة واحدة)؟ أرجوا أن ألقى تفاعلا مع هذا الموضوع

---

Ygn ;g hgHlihj hgg,hjd dv]k hgt,. f: "hg[km jpj Hr]hl hgHlihj" hg[km jpj Hr]hl hgHlihj ov[,

حسنا سأبدأ أنا بما أنني صاحبة الموضوع
أنا أعيش ببلاد الغربة…..عارفة كاينين اللي غادي يقولو الله يحسن عوانها مسكينة يعني خصها مجهود مضاعف ههههههههههه غادي نقول ليها والله العظيم إذا وليت كنشوف ماكاينش الفرق…فيما كنهبط للمغرب كنزيد نتأكد من هادشي وخير دليل هو "السيدة جيسي زمر" هههههههههه والفرقة اللي جات مع المغني سعد المجرد بمناسبة إحياء مهرجان القفطان والله شفت الفرقة النسائية اللي جات رقصات معاه كانت لابسة نفس لباس "جيسي زمر". وووو….بزاف ديال التصرفات خلاتني نتأكد بلي الفرق ما كاينش نهائيا. بعدا هنا فأوروبا إذا عملو شي منكر تجي معاهم هما ما عندهم لا دين لا ملة. ماشي بحالنا حنا راه مسلمين دستورنا القرآن، ونهجنا سنة نبينا الكريم عليه أفضل الصلاة والسلام. فبما نحن مسلمين؟ إن كانت أغلب تصرفاتنا وممارساتنا تدل على غير ذلك.
أنا شخصيا ينتابني الخوف من الجيل القادم، وأخاف على ابنتي كذلك التي أكملت عامها الأول منذ 10 أيام…لذلك فكرت في أن أغرس فيها أمور بسيطة لكنها مقدمة لأمور أخرى سأحاول تعليمها لها بين الفينة والأخرى مرحلة بمرحلة إن شاء الرحمان.
ففي جهاز كمبيوتر المحمول أدخلت برنامج الأذان لأتعرف على أوقات الصلاة، فهو يؤذن عند كل صلاة مفروضة، حين يؤذن المؤذن ألتفت إلى ابنتي وأردد الله أكبر وهي تعودت على هذا الأمر، ففي كل مرة تسمع المؤذن تلتفت هي إلي وتردد الله أكبر بصوتها الملائكي….سبحان الله ماشاء.
هذا الأمر شجعني على أن أحضرها بالقرب مني عند كل صلاة…فأتحدث إليها قائلة "يلاه نمشيوا نقولوا الله أكبر" حتى أثير انتباهها إلى أن المؤذن الذي قال "الله أكبر" يدعوننا للصلاة فنذهب للصلاة مباشرة. وهي تذهب معي لغرفتي وتشاهدني أصلي وتراقب حركاتي.
هذا مثال لأمور عديدة أريد أن أغرسها في ابنتي…لذلك أردت أن أفتح هذا الموضوع لنتشارك سوية في أفكار أخرى نطبقها في فلذات أكبادنا ونغرسها فيهم منذ صغرهم…علها تعطينا ثمارا إيجابية عند كبرهم..فنحن مسؤولون أمام الله بترتبيتهم تربية سليمة أساسها الأخلاق الحسنة.
أريد أفكار أخرى يا أنيقات تقومون بها أنتم أيضا….فهيا نتشارك بها

الله عليك اختي موضوع غزال انا منى 28 سنة عايشة فالغربة ووليداتي باقين صغار عندي خوف كبيييييييير يقراو هنا وحايرة واش نديهم المغرب يقراو ولا هنا مكيدنيش نعاس من هاد الجهة

تبارك الله عليك اختي موضوع مميز بالفعل حتى انا الحمد لله عندي بنياتي اكبرهم عندها ثمان سنوات والصغيرة عام وشهرين الصغيورة كيف ماقلت كنعلمها تكول الله اكبر وقت ما اذن الاذان والكبارات ملي بداو كيفهمو شوية كنقوليهم الله في السماء وكنعاود نسولهم اين الله تيكولولي في السماء ومرة كنكوليهم من نبيك كيكولو محمد ما دينك الاسلام وهكذا بشوية بشوية حتى حفض الكلمات كاملين ماشاء الله دابا بنتي الكبيرة كنعلمها امور العقيدة والله يوفقنا اجمعين

الله يبارك فيك اختي على هاد الموضوع المميز،انا يا اختي ولدي عندو 4 سنوات،منين بدا كيتكلم و لحد الان كنعلمو يكول بسم الله عند بداية اي عمل،و الحمد لله منين يكمل الاكل و الشرب،كنحاول نحفظو صغار السور منين يمشي ينعس،و دائما المراجعة،و كبفرح بزاف منين كيكمل شي سورة،اركان الاسلام ضروري يفهمهوم و يحفظهوم،على فكرة منين كنحفظو القران كيسول على معنى الكلمات و بالتالي كنحاول نفسرلو على قد معرفتي و نحاول نبسط لو المسائل،الحمد لله حوايج بزاف و مع ذلك حاسة اني مازال خاصني نتعلم كيفاش نربي ولدي تربية سليمة صحيحة نرضى بيها على راسي و يرضي علي بيها الله سبحانه.
الله يقدرنا و لي عودة ان شاء الله.
الله يبارك لينا في ذرياتنا يا رب.

السلام عليكم ورحمة
شكرا اختي للموضوع مهم جدا يا ليت الامهات اللي معانا ينتابهو ليه ويدخلو يشاركونا ، اختي انا عايشة في المغرب ومع ذلك خائفة جدا عل ولدي والجيل الصاعد ، اختي راه وليت نخاف راه المنكر بزاف راه مكاينش بيناتنا شي فرق من غير انه هنا في البلاد كاينين المساجد بزاف وعل الاقل كتشوفي ناس ملتازمين ولباسهم مستور ولله الحمد باقي كاين الدين ، اخواتي خصوصا للي عندهم بنات يحاولو يحبوهم في الحجاب والسترة مين وهما صغار ماشي نديروليهم الخاطر ونلبسو ليها ميني جيب وشورطات ونقولو راه باقييين صغار منحرمحوش باش ميتعقدوش راه الا ولفناهوم حنا للي غادي نوحلو ديك الساعة غادي يصعاب علينا نمنعوهم لانهم ديجا ولفناهم انا عارفة كاينين للي غادي يكونو متافقين معايا وكاينين للي لا لمهم كل واحد ورأيو لمهم انه الوالدين هما اللي كيتحاسبو عل تربية اولادهم الله يعينا ويفقنا راه هادي اصعب مهمة ، وتاني حاجة انه خاصنا اي عمل درناه ندكرو الله باش يسمعونا وليداتنا ويتعودو الا ادن المنادي للصلاة نوپضو ديك الساعة مناجلوش باش يتولفو والله اخواتي عندي طفل عندو عامين ماشاء الله غي يسمع الادان في هاتف ابيه كيقولو نوض نصليو بعدا وخا تيكون كياكل ، الحمد لله حفضتو الان سورة الفاتحة والاخلاص حافضهوم بطريقتو حيت باقي صغير الهضرة ممسرحاش وكنقولو ماهو دينك كيقولي الاسلام وكنوقولو شحال عدد اركان الاسلام كيقولي 5 ماشاء الله الله يجعله ووليداتكم من الصالحين

ياريت اخواتي كل اخت تحكيلينا تجربتها في تربية اولادها وطريقتها في تحفيظ القرآن الكريم

بالفعل اخواتي لازم علينا نعلم وليداتنا امور الدين ونعلموهم كيفية الصلاة بالطريقة الصحيحة انا بنتي الحمد لله تعودات على الصلاة كنفيقها تصلي الفجر في وقتو كنلبسهم لباس محتشم الله يعاونا عليهم ويصبرنا معاهم

الله يوفقك حبيبتي ماشاء الله اللهم اجعلهم من الصالحات العابدات لله

الذين يشاهدون الموضوع الآن: 12 (9 من الأعضاء و 3 زائر)
أميرة في مملكتي, فدوى ام ريان, بيتي جنتي+, aya 17, fatéma muslima, ام دودي, المشمرة للجنة, mamachraf, ام مريم وياسين

نورتو الموضوع

ضعوا بصمتكم في الموضوع ولو بالدعاء لاطفال المسلمين