إلى الأخت زينة الأبرار .منع الحمل و العادة الشهرية

السلام عليكم،أختي لقيت الموضوع مغلق واخا هكداك بغيت نزيد نوضحلك أكتر حيت انا ‘قابلة’ الكينة منين تكوني غادي تابدايها اول مرة ضروري تبدايها ف اليوم 3 او حتا اليوم 5 يلا كانت كتبقا عليك 7 ايام.المهم نرجع ل السؤال نتاعك فاش تسالي الصفحة 1 ديال البكية كتحبسي 7 أيام متشربيهاش حتى اليوم 8 عاد بداي الصفحة الاخرى و نتي غاديا؛فهاديك 7 ايام لي متكونيش كتشربيها غدي تجيك الحيض و لكن بعض المرات تقدر تعطل حتا تقربي تسالي 7 ايام هادا مشي مشكل واخا تسالي 7 ايام و هيا عليك بداي الصفحة 2 المهم تحترمي مدة 7 ايام بين الصفحة و الصفحة؛راكي عارفا الحيض كتأتر ب العوامل النفسية و مكتبقاش تجي ف وقتها.كنتمنى نكون شرحت مزيان و بالنسبة لانيقات لي قالو هاديك الحيض راها اصطناعية انا كنقولهم هاداك راه خطأ كبير مكيناش حيض طبيعية و أخرى اصطناعية.

---

Ygn hgHoj .dkm hgHfvhv>>>>>lku hgplg , hguh]m hgaivdm hgHfvhvlku hg[lg hgyhdm

شكرا ليك اختي بزاف لهلا يخطيك

دابا انا شربت الشهر لي فات مكروجينون 30 من ورا الدورة ب 12 يوم مشربتهاش مني جاتني الدورة حيت كانت عندي ظروف لمهم مني ساليتها جاتني الدورة من بعد 4 ايام وشريت كرسيال خفيفة وبديتها نهار تاني من الدورة شنو رايك اختي واش كنخربق ؟؟؟

مكروجينون جاتني مجهدة وخرجات فيا لحبوب وكرسيال خفيفة

واخا راني تنحس براسي معصبة وكيضرني راسي وقلبي بغيت نمشي ندوز وندير شي تحاليل عاد ندير منع الحمل لكن حاليا مضطرة نشربهم احتياط فقط

الله اشافيك وامتعك بكامل الصحة والعافية
رخفي على راسك

امين اختي كغادي نرخف على راسي وانا ملي نبغي نشدها من جهة تعواج من جهة اخرى غ الله يصاوب وصافي

أختي كراسيال لي كتاخدي راها فحال ميكروجينون فيها 2 هورمنات و لكن كيف ما قلتي هي خفيفة عليها و معندهاش الأعراض الجانبية بزاف و خصكي تعرفي أن هرمون الأستروجين هو لي كايدير دوخة و تعصاب و كينفخ كيدير لكلف فالوجه لهذا من لأحسن تشوفي لولب هو احسن حاجة بلا متبقاي تدخلي سم لجسم نتاعك كل نهار.بالنسبة ل كراسيال بديتيها نهار 2 ديال الحيض مزيان غير كمليها كيف ما شرحتلك لبارح.

بارك الله فيك اختي كرسيال قالت لي طبيبة مزيانة كتصفي الوجه وكتحيد لحبوب انا اختي بغيت نبداها غ احتياطي بينما ندير اللولب ان شاء الله مغاديش نبقى نشرب هاد سم راه قلبي كيضرني بسبب الكينة

لهلا يخطيك اختي

اختي أنا الفانيد خرج عليا حيث ملي دارت بنتي عام و نصف قررت باش نولد واخا هكاك بقيت حائرة ملي جاتني العادة مقطعتوش مع العلم انني كنت كن شربوا يوميا ملي تسالات مني قطعت ثم شربتوا حيث كنت مزالة حائرة واش نحمل او لا ثم عاود قطعتوا يعني خربقتوا في هذاك الشهر حملت او ما كنتش عارفة راسي مرة مرة كانت كتجيني وجعة في الجانب الأيسر حتى مشيت الطبيبة او قالت لي عندك كيست في الكرن او عطاتني traitement ديل 3 شهر ديل gracial ما زاد الطين بلة بقيت دائماً تنتوجع او مشيت urgence في الليل داروا ليا برا من كثرة الآلام ملي عيطت الطبيبة قالت ليا رآه نتيجة ديل الكيست او بقيت كنعاني مع العلم ان شهر كامل وانا عليا الدم حتى انه الخطأ اللي درت انني ممشيتش لطبيب واحد اخر حيث كنت حاملة او طاح لي في الgرن الأيسر ما عرفاتوش الطبيبة حتى غيبت او مشيت urgence مباشرة للعمليات حيث طرطق ليا الgرن او حيدوه ليا كامل ديال الجانب الأيسر أنا قال ليا الطبيب انني ممكن نحمل بكرن واحد بفضل رحمة ربي و اذنه داب داز عام و نصف على المشكل كنتسنى الرحمة ديال ربي او على جميع المنتظرات الهدف من هذا كلوا هو انه تحيدي عليك الكينة السم اللي كدخلي لذاتك او سباب بزف د المشاكل او الله يوفقك اللي فيها الخير امين