إلىكل أم-معا لنرقى بأطفالنا إلى الأفضل

السلام عليكم ،هادي مدة وأنا كنفكر باش أنحط هاد الموضوع،لي
كنطلب من الأخوات هو أنهم يعوننا أميبخلوش علينا بالنصائح
ديالهم.
الموضوع هو أن كل أم تقولنا الطريقة لي كتبعها في التربية ديال
ولادها منعمر 3سنوات وحنا طالعين ولي عندها شي مشكل حتى
هي تقولولينا باش نتعاونوأنعطيوها الحلول.
المهم أن هاد الموضوع بغيت نناقش فيه كل حاجة كتعلق بالأطفال :
نوم- أكل-تربية-………………..

---

Ygn;g Hl-luh gkvrn fH’thgkh Ygn hgHtqg Hlluh hgltqg Ygd;l

غنبدأ أنا بالنسبة لي الطريقة لي كنت كنحاول نتبعها فالأول
هي أنني نربي بنتي بطريقة هادئة أمنلقاش معها مشاكل
منين تكبر لكن سرعان ماانفلتت الأمور من بين يدي
وأصبحت عصبية لا أطاق وأصبحت هي الأخرى تتعامل بنفس الطريقة

إوفين راكم البنات يلاه شي أخت تفيدنا باش نبداو النقاش

ابنى سنة ونص عصبي احترت معاه مع انى نحاول نكون هادئة معاه

راحنا يا أختي حنى لي خرجنا على وليداتنا بالعصبية ديالنا مكنعاينوهمش إيديرو الحاجة حتى كيلقاونا قونا عليهم القيامة

سمحي لي اختي نقول ليك راكم تخرجو على الطفل الى تعاملتو معاه بعصبية سواء انتي او الاب ديالو و ما تقوليش كنحاولو الطفل ابدا ما تعصبيش قدامو واخا تكوني معصبة بزاف سيري خليه مع شي واحد في الدار و سدي عليك الباب وطلعي اعصابك في شيحاجة اخرى غسلي المواعن كيف انا كندير سيقي شطبي و لا حتى نعسي انا راه هادشي اللي كندير واخا الحمد مكنتعصبش بزاف ولكن مرة مرة كيوقع شي حاجة كتضغط عليك كتخلي نفسيتك عيانة المهم اللي بغيت نقولو راه الطفل كيطلع عصبي من الاباء و طريقة تعاملهم معاه و راه فاش يكبر اتندمي لانك غادي تشوفيه حتى عصبي و كيتعامل معاكم بعصبي راه اللي حرتيه كتحصديه

اول شي ديرو مبدا لا للتعامل بعصبية مع الطفل و دائما تعاملي معاه بهدوووووووء و فهميه ما يديرش ديك الحاجة حيث خطيرة و غادي يجيه منها ضرر هدي احسن طريقة و راك اتفرحي فاش تشوفي النتيجة

تاني حاجة متكتريش عليه الاوامر و تقيدي حريتو و تبقاي تحكمي فيه في كلشي خلي ليه مجال للحرية

متقوليش ليه شوف اخوك احسن منك و اختك احسن منك ولد فلانة احسن منك راكي بهد الطريقة كتعقديه و كيفقد الثقة في نفسو و كيكره اخواتو و ايضا متغوتيش عليه قدام اصحابو و لا توبخيه قدام خوتو خلي دائما التوبيخ بينك و بينو
و الضرب لا ثم لا للضرب دائما العقاب يكون اما تحرميه من شي لعبة كيبغيها و لا متخرجيهش الى كونتي معوداه تخرجيه شي نهار البارك و في نفس الوقت الى دار شي حاجة مزيانة قولي ليه شكرا حيث سمعتي كلامي او درتي للي قلت ليك عليه و لا حتى ممكن تشكريه بجائزة تعطيها ليه
وهادشي اللي دابا جا على بالي