السلام عليكم اخواتي ،
بغيتكم الله يجزيكم بخير تفيدوني بالطريقة ديلكم بش كتجمدو ط§ظ„ط¯ط¬ط§ط¬ وكيفاش كتستعملوه وش كتخلوه حتى كيرجع للحرارة العادية ولا كتستعملوه بمجرد مكتجبدوه من المجمد.
أنا سالتكم لاني لمرات عديدة كنشري دجاجة كنغسلها مزيان ونخليها تنشف وكندردر عليها سكنجبير بعد مكنكون قسمتها إلى أطراف وكنديرها في أكياس بلاستيكية تم كندرهة في
المجمد وملي كنبغي نستعمل شي طرف منها كنجبد وكنخله حتى كيطتلق عد كنطيبو لكن بزاف دلمرات كيريح ط§ظ„ط¯ط¬ط§ط¬ ومكنقدرش ناكلو ملي كنشم فيه هديك الريحة مع العلم أن
الكنجلتور ديلي جديد وخدام مزيان الحمد لله. كنشكر كل أخت جاوبتني مسبقا. خليت لكم الخير
Ysjulhg hg][h[ hgl[l]
ومنين تحتاجيه لكنتي غادي تعمليه للغدا خرجيه في الليل من المجمد وعمليه في الثلاجة حتى تيتطلق وطيبي عادي
متخليهش على برا وهاد طريقة ديريها لجميع انواع اللحوم والسمك وبالتالي راه مغاديش تشمي فيه حتا ريحة
واصلا راه ماشي صحي تجبديه من الفريكو وتديريه نيشان يطيب راه الاطباء كيحدرو من هاد الطريقة سوا دجاج ولا غيرو
نتمنى نكون فدتك
اختي ملي تغسليه وتشليله رقديه في ماء + خل بكمية كبيرة + ملح بكمية كبيرة وخليه اقل شي 4 ساعات ولو اكن اكثر يكون احشن لالالالالازم الخل والملح يكون بكمية كبيييرة
من بعد هد المدة عاودي شليله و عندك2 طرق:
اما شديب حامضة وحكيها في الحاكة الرقيقة بقشرتها وكلشي ديالها مالتزولي منها والو ثم زيدي عليها سكين جبير بكمية كبيرة وخليطهم مزيااااااان اوى حكي بهم الدجاج ديالك مزياااااااااان وخليه وديريه في اكساي بلاستيك ودخليه المجمد وملي تبغيه جبديه بوقت وخليه في الثلاجة لتحت حتى يذوب لك شلليه ونصبيه عادي
او :
شرمليه بالشرمولة ديالك العادية:
قزبور ومعدنوس وثومة مدقوقين + ملح+ سكين جبير + خرقوم + بصلة محكوكة في الحكاكة الرقيقة +شوية بزار خلطي كلشي مزيانوشرملي الدجاجة ديالك وديريها في كيس بلاستيك وملي تبغي الطيبيها جبديه بوقت قبل ولا كنت زربانة جبديه وديري نيشان في الكوكوط ديالك وزيدي عليه العطرية مرة اخرى وبصلة مشلظة ورديه على نار هااااااااااااااادية باش هو تيتقلى وهو تذوب الثلج ماتزربيش على الماء غير بالقطرة حتى يتقلى لك مزيااااااااااااااااان وتشمي ريحة الطياب عادمرقي وصافي خليه اكمل طيباو
هدشي لي تندير وحتى دارنا هكا تيديرو تيجي بنين ومافيه حتى ريحة
غير اهم حاجة :
الدجاج تيبغي سكين جبير والثومة بزايد شوية على اللحم