مغربية و افتخر
السلام عليكم ورحمة الله وبركاته
و
عواشركم مباركة
و الله يبلغنا رمضان الكريم
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل
اليوم غنقدم ليكم هاد الامليت
بالبيض طبعا و الشوفان و الحليب و الصوجا
كتجي زوينة للفطور او الكاسكروط او عشى خفيف
ان شاء الله تكون اضافة جديدة لوصفاتكم
نخليكم مع المقادير و الطريقة
المقادير :
حسب عدد الاشخاص
بيض
ملعقة صغيرة خرطال /شوفان لكل بيضة
(طبعا كنستعمل الخرطال المعلب الجاهز لانه اسهل فالطبخ)
حليب لترطيب الخرطال (ملعقة كبيرة حليب لكل ملعقة صغيرة خرطال)
رشة سكر
ملح
قطرات من صوص الصوجا
معدنوس للتزيين
الطريقة:
اولا كناخذو الخرطال و نضيفو عليه الحليب باش يترطب
و كنهرسو البيض فانية و كنضيفو ليه التوابل
قليل من الملح و رشة سكر و قطرات من صوص الصوجا
ثم كنضيفو للكل الخرطال المرطب بالحليب
و كنخلطو بالطراب لتتجانس المكونات
و فهاد الاثناء كنكونو دهنا المقلات بالزيت او الزبدة غير طبقة خفيفة
انا كيف مبين فالصورة كندهن بشيتتة المطبخ
و كنديرو المقلات تسخن
و نكبو فيها خليط الامليط
و نخليوه يطيب على نار مهيلة الى متوسطة
بعد متنضج الامليت كنرشو عليها المعدنوس مشلض
التقديم :
و نقدموها سخونة او دافية او حتى باردة
فطبق التقديم
مرفقة بالخبز او فقط تكال بالفرشيط لانها غداء متكامل
البيض و الخرطال كيكملو بعضهم البروتينات و الالياف
و المعادن و الكالسيوم و الفيتامينات
ان شاء الله تجربوها تردو عليا خبر
و تكون وصفة جديدة و مفيدة
ملاحظة :
كلنا كنعرفو فوائد الخرطال
او ما يسمى بالفصحى الشوفان و بالفرنسية
avoine
لكن للاسف قليل فين كنستعملوه فمطبخنا المغربي مع انه كان يستعمل زمان
لانه مفيد و مغذي بحال الشعير و اكثر
غير ببحث بسيط غتلقاو كل فوائدو ومميزاتو للي كتنفع الصغار و الكبار على حد سواء
اولها انه مضاد للاكتآب للي ولا مرض العصر كلشي طايح عليه الضيم هههه
يضبط معدلات الكوليسترول فالدم يحارب السمنة لانه كيغذي و كيشبع فنفس الوقت
و يحمي ويقلل من الاصابة بالسرطانات حفظكم الله و شفاكم
و الليستة طويلة …
و ممكن تعملو بيه كلشي من حلويات لخبز و معجنات و حتى سلطات و شوربات …
و ان شاء الله نحاول نحط ليكم وصفات اخرى من ظƒظˆط²ظٹظ†طھظٹ ط¨ط§ظ„ط®ط±ط·ط§ظ„
باش تتشجعو اكثر على اكلو و التنويع فيه
ان شاء الله تجربوها تردو عليا خبر
و تكون وصفة جديدة و مفيدة
H,lgdj fhgov’hg , w,w hgw,[h lk ;,.dkjd fhgw,v ;hguh]m
اومليط صحية
الله يعطيك الصحة
بارك الله فيكن جميعا حبيباتي
كل باسمها
ردودكن فرحاتني
الله يفرح قلوبكم
و يجزاكم عني خيرات الدارين
على دعواتكن الطيبة ياطيبات
الله لا يحرمني منكن
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل
امليط فنة و مقوية تبارك الله عليك الله يحفظك من كل سوء ياريت من اين تشترين الشوفان لان لا اعرف في صورته اسمع بفوائده الكتيرة لكن لم اصدافه في مرجان او اسواق السلام ياريت تحدد لي منين تتشريه و صور له يا اغلى اختى في الكون على قلبي سلام للجميع عواشر مبروكة و الله يجبك على خير
المشاركة الأصلية كتبت بواسطة صدى الذكريات 
امليط فنة و مقوية تبارك الله عليك الله يحفظك من كل سوء ياريت من اين تشترين الشوفان لان لا اعرف في صورته اسمع بفوائده الكتيرة لكن لم اصدافه في مرجان او اسواق السلام ياريت تحدد لي منين تتشريه و صور له يا اغلى اختى في الكون على قلبي سلام للجميع عواشر مبروكة و الله يجبك على خير
وعليكم السلام و رحمة الله وبركاته
الله يحفظك الغالية
انتي و كل احبابك احبيبة
و الله يلاقينا على خير عواشرك مباركة
و الله يبارك لينا فرمضان
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل
هانتي الزين الخرطال الجاهز كنشريه اما من الاسواق الممتازة بحال مرجان …
او عند مول الهري او لڭرو
راه تلقايه عند صحراوة "مصطفى"
هادوك للي حدا الجامع على الشارع قرب المصبنة
بين بائع مواد السانيتير و بائع الاثاث
ياك عرفتي الحانوت
غير قوليليه الشوفان او الخرطال راه كيكون عندو معلب
ويلى بغيتي الدقيق ديالو معليك الا تشريه فالرحبة و تطحنيه فالمطحنة
بالنسبة للمعلب انا كناخذ هادالماركةhahne ماركة ديال المانيا مستوردة طبعا
العلبة الزرقاء كيكونو فيها رقاقات رفيييعة
و العلبة الخضراء كيكونو فيها رقاقات بحجم اكبر
حتى نكون فالدار و نصور ليك الرقاقات عن قرب
ماشاء الله تبارك الرحمان
دائما مبدعة الله يجزاك عنا خير احبيبة
اللهم ادمها نعمة و بارك فيها و احفظها من الزوال
بارك الله فيكن جميعا حبيباتي
كل باسمها
ردودكن فرحاتني
الله يفرح قلوبكم
و يجزاكم عني خيرات الدارين
على دعواتكن الطيبة ياطيبات
الله لا يحرمني منكن
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل
بارك الله فيكن جميعا حبيباتي
كل باسمها
ردودكن فرحاتني
الله يفرح قلوبكم
و يجزاكم عني خيرات الدارين
على دعواتكن الطيبة ياطيبات
الله لا يحرمني منكن
و يدخلو علينا بالصحة و العافية و الخير …
و يجعلنا ممن تغفر ذنوبهم و تقبل عباداتهم في هذا الشهر الفضيل