أنا منهارة .مشكل آخر الحيوانات المنوية ديال راجلي .

أنا كانكتاب ليكم دابا وأنا غارقة في الدموع الله إرحم لوالدين ليعارفا شي معلومة تخبرني بها .اليوم جبت تحاليل ط±ط§ط¬ظ„ظٹ أطلقت بلي ط§ظ„ط­ظٹظˆط§ظ†ط§طھ ط§ظ„ظ…ظ†ظˆظٹط© ديالهم شكل غير عادي قلال جليلي عافاكم واش كاين شي علاج ؟ واش غان تحرم من الأمومة واش هاد الحلم أصبح مستحيل ؟ جاوبوني الله إستار عليكم جاوبوني في لحين أنا محطمة

---

Hkh lkihvm>>>la;g Nov hgpd,hkhj hglk,dm ]dhg vh[gd>>> lkihvmla;g vh[gd

هذا امر الله وخاصك تكوني من الحامدات الشاكرات الله كيعطينا غير لي فيه الخير ربما عندك الخير في عدم الانجاب ربما تكوني شفتي هداك لدبح والديه اكيد حتى هما فرحوا منين حملت الام واكيد فرحوا منين جا للدنيا لو عرفوا ان نهايتهم على يد ولدهم اكيد كن تمناو العقم تقبلي امر الله وطلبي من العلي القدير يعطيك لي فيها الخير من يحيي العظام وهي رميم قادر يزرع ليك جنين لكن هدا امر الله اختي الله يفرحك ويفرج كربتك

اختي متفقديس الامل كلشي عندو العلاج انا لكنكتب ليك مريت بنفس المرحة ولكن درت املي في الله ومستسلمتش تبعو عند الطبيب وعرفي المشكل مين جا راحلي تبع وعرفنا عندو الدوالي هما العروق مبوشي ودار العملية ولله الحمد جاب النتيجة داكشي علاش متبكيش وان شاء الله يفرحك المهم متستلميش والله يسر الامور ونتمنى نكون خففت عليك

أختي حتى حاجة ماهي مستحيلة وكلشي عند ربي الحبيب قريب وخا تكون التحاليل من الناحية العلمية كتبين باللي الحمل صعيب باش يوقع كتبقى القدرة دربي الحبيب أكبر من أي حاجة وخليك قوية وعندك يقين فالله سبحانه وتعالى ووقف مع راجلك فهاد المرحلة وربي الحبيب غادي يعوضك ويفرحك بالدرية الصالحة إن شاء الله
حبيبة كنصحك تعطي نراجلك طلع النخيل مزيان بزاف للرجال خلطو مع العسل ويبقى يشرب 1 ملعقة صغيرة فالصباح على الريق ووحدة فالليل والله يشافيه ويعافيه

الحمد لله على كل شي كانشكوركوم على ردودكم الطيبة أنا مصدومة حيت متوقعة شي بلي ممكن اكون هاد المشكل الحمد لله كانتراجا من الله اغير الواقع ،أختي راه من أصعب نتلاقى هنايا طلع النخيل دابا حيت عايشة في الغربه

اختي حمدي الله وماتقطعيش الامل في الله كلشي عندو علاج خالي كان بحال حالة راجلك وتبع مع الطبيب وربي رزقو ببنت راه عندها 16 عام دابا غير انت تبعي مع الطبيب هو ما تبعش ما بغاش يمشي للطبيب في الاول حى فات 8 سنين ووصلت حياتو هو ومرتو للطلاق عاد ناض تبع والحمد لله ربي ماكيخيب حد اعملي بالاسباب ويكون خير ربي مايحرمك ولا يحرمني من الدرية الصالحة ويرزق كل وحدة كترجى الله

شوفي بسومة حبيبة متخافيش مقلتيش لينا شحال لقا عندو فالحيوانات المنوية هانتي تواصلي معايا حتى انا فايطاليا نقدر نفيدك الامسن كنت كتبتو ليك فالموضوع الاول ومشفتيهش هنا غادي نكتبو ليك مرة اخرى

يمنع وضع الايميلات ..

السلام عليكم
اختي ماتقلقيش انا خمس سنين وانا مزوجة ماعطانيش الله الولاد المشكل عند راجلي عندو حيوانات ماكايخرجوش عايشة بخير ولكن الصراحة نهار كاتولد شي وحدة من خواتاتي ولا صحاباتي والله الى كانفرح ليهم ومنين كنكون بوحدي كانبقى نبكي حتى كانخرج داك الحزن وكانحاول منبينش الحزن ديالي كدامهم باش مايبقى فيهم الحال .
ماتقليش اختي ولي فيها الخير هي لي غادي تكون رجانا عند الله سبحانه وتعالى

اختي متقنطيش من رحمة الله سيري طبيب راه طب تطور الله يفرحك

اختي ما يبقاش فيك الحال بالعكس قولي الحمد لله والله تشوفي انا الحمد لله راضية بالقضاء والقدر وبصراحة كنعتابرها نعمة من عند الله عز واجل لانه العقم خلاني نتقرب اكثر من الله تعالى ونعرف بزاف الامور وكاع حنا ما كنعرفو الخير فين هو .ومع هدا ما نقطعوش الامل والكرم ديال الله تعاللى اكبر انه يحرمنا من الذرية الصالحة ان شاء الله.