عأفاكم بلييز طمنوني بنتي عندها عامين مكاتمشيش ومكاتدويش الله يجازيكم بخير اللي عندها شي تجربة او فكرة تسقيني بها
Hlvhq hgH’thg
وافينكم الأنيقات ماجاوبتونيش
السلام اختي مسالة النطق ماشي مشكل بنت اختي مهدرت على تلات سنوات اما المشي أنا يلاه سولت الطبيبة على بنتي عندها عام ياله دأبا شهر باش حبات وقالت ليا ماشي مشكل عند حتى 18 شهر الى الطفل ما وقف ماتحرك ديك ساعة غاي ناصر يشوف طبيب كنظن اختي لازم تستشيري شي طبيب متفرطيش في البنية
ويلّي يالحبييبة الا جيت نعاود ليك انا راه ساكنة عند الأطباء في سبيل الله كيقول ليا عندها فك في الورك جريت وجاريت فلوسي كلها حطيتها عند الأطباء مشيت للدار البيضاء مشيت المراكش كل اختصاصيين العظام ضرت عليهم حتى واحد ماعطاني شي حل واللي زايد مقلقني ولحد النهار دينها للحمام منحك ليها في صهرها وهو يبان ليا العمود الفقري ديالها كيعواج عرفت ياأخوتي تصدمت من هاداك النهار وانا القلق والخوف مصحبيني والله اختي ماعرفتش اشنو ندير ولا فين نمشي ايوا اللهم لك الحمد على كل حال والله يشوف من حالها يارب
السلام اختي يارب تشافي ليك البنية بقات فيا واش تقدري تعاودي ليا شنو المشكيل ديالها شنو كيقولو ليك الاطباب باش نسوليك اختي هنا باش الى كان شي منعتقو قبل مايفوت. الفوت أنا كيبقاو فيا الاطفال حيت مساكن مكيقدروش اقولو شنو كي حسو الله ينزل الشفاء ديالو من عندو ختي عاودي لينا مزيان على فترة الحمل واش دازت مزيانة فاش تولدات واش لاحظتي شي حاجة تقدر شي وحدا يكون عندها نفس المشكيل وتفيدك اختي حيت واحد بنت جارتنا فتحات وكانت حاملة ما كانتش عارفة والبنج هو لي دار ليها مشكل لبنتها ما كتوقفش
سلام اختي انا راه كاتبة الحالة ديالها ولكن نعاود ليك انا كل ماكنبغي نعاود دموعي مكيبقاوش يتحبسو. ليا المهم ولدت وليد بعد زواجي بعام وتوفى ليا ولدت قيصرية وبعد ستة أشهر حملت بالبنية تبعت من الشهر الاول كيقولي كلشي مزيان في اخر الحمل مشيت عند الطبيب كيقولي بلي لبنيةضعافت ليا فالكرش المهم عطاني فيتامين عاوني شوية جاني الوجع مشيت دغيا دخلني فتح ليا ولدت البنية شفتها بخير وعلى خير فرحت يعني ماقداتني فرحة ملي خرجوني لشومبر كنتفاجء بلي بنتي عندها مشكل في الرجيلات قالي طبيب أطفال غالبا غيكون فك وركي قلت ماشي مشكل اللي جات من عند الله مرحبا بيها المهم نهار الاخر زراقت لي البنت جا طبيب قالي ضروري تهزي لبنية لشي مصحة ديال أطفال دقتها لمراكش داروليها اختي راديو فعلا عندها فك وركي والسبب الاخر اختي واللي خوفني هو اكتشفنا ان عندها تقب في القلب نعسات اختي خمسة عشر يوما في مراكش مانعاودش ليك على هادوك الأياماكانعسش كنقول بنتيكتبكي وانا ماحداهاش ناري بنتي كوران وقعات ليها شي حاجة المهم خرجت من المصحة مشيت عندها شفتها عليتها رضعات وقالو لي مايمكن تجلسي معاها موهيم رجعت اختيمنبعد أسبوع رجعت خجتها دارت اجبس لرجلها اليمنى 15 يوم حيدت ببيت ليها ترويض وهي عندها شهر بعد 6 أشهر القلب بدأت التقب كيتجمع الحمدالله القلب ولا بخير بلا عملية دأبا المشكل باقي عندي في الرجلين درت ليها ليريم لرأسها عندها تاخر نمو الدماغ ودأبا عامين وانا كندير الترويض آه نسيت ودارت الجبس أربعة أشهر لهونش وهي عندها هاديك الساعة ستة أشهر بلا فايدة واللهم لك الحمد نحمد الله ونشكره على كل حال سمحي لي اختي طولت عليك
ودأبا خليت مراكش ومشيت لكازا فين متبعا ليها عند طبيب ديال الدماغ
ما عنديش فكرة أختي والله يخليها ليك ويشفيها يارب
الله يشافيها ويعافيها يارب اختي الله يرزقك الصحة والصبر باش توقفي معاها
الله يشافي ليك البنية و يعافيها ياارب