أفكار الليل

السلام عليكم
هادي أول مشاركة لي فهاد المنتدى،بغيت نجبد معكم واحد الموضوع،ولكن فالصراحة خفت ليكون مكرر حينت أنا بقى جديدة ومنقدش نعرف كل المواضيع،المهم بغيت نسولكم على فاش كتحطو راسكم بالليل على المخدة أشناهي الأفكار لكتبقى تروج فالدهن ديالكم،متلا أنا فاش كنحط راسي على لمخدة إلا مدنيش نعاس ديك الساعة،كنبقى نفكر فالنهار كيداز وفداكشي لجاي وكنحس بحال بشوية الخلعة واخا مكينش ليها سبب واش الخوف من غدا وآش مخبي ولا منعرف،بغيت نعرف كل وحدة فينا كيفاش كتفكر وباش كتحس فاش كتحط راسها على المخدة،شكرا

---

Ht;hv hggdg hggpl

أنا تنفكر في المستقبل في الماضي

سلام اختي طويبة اولا سلام عليكم امرحبا بك فالمنتدى
كل انهار افين كنفكر بعد المرات كيف داز نهار ا شن غندير غدا فحالة لكنت ناعسة بوحدي
الكنت امونسة راني كنبقا نهدر حتى يديني نعاس
ولكن لبغيتي تنعسي امتفاكريش ديري ادكار النوم اقراي القران حتى يديك النعاس فالقران احسن ونيس احنا غكنشغل راسنا فالتفكير ربي هو لمكلف بالرزق اكل حاجة فهي مكتوبة علينا فكين لاش اسدع الانسان راسو

شكرا لأخت سلسبيل، وأم هود،وبصحأختي أم هود ديما لقرب من الله سبحانه و تعالى سواء بالدعاء ولا القرآن كيخليك تحس براحة البال،الله يهدينا

فينكم يا الزوينات 76 مشاهدة ويلاه 2 ناس لجاوبوني الله يعطيهم الصحة،أنا مسوقيش كنتسنى ردودكم يآآالاه

سلام اختي طويبة اولا سلام عليكم امرحبا بك فالمنتدى
أنا فاش كنجي ننعس كنفكر شحال من مرة غادي تفيقني بنتي فالليل هههههههههههههه

أنا ملي تنحط راسي على لمخدة تنبقى نفكر ف عدوزتي أو لوستي ولي ديرين فيا ، منسمحش ليهم

أختي نور الهدى صبري الله غادي يفكك منهم
يا رب

ضحكتيني أختي هدى ههه الله يحفظ لك لبنية،وي ختي أم إسماعيل راه داك التفكير
خايب بزاف حينت مكنستفدو منو والو من غير صداع الراس،أختي نور الهدى لدار لك شيحاجة دعيه الله وحيديه من راسك باش تحافضي على صحتك الله يدير لك تاويل ديال لخير ،شكرا على لأجوبة ديالكم