أغروم ن الطاجين المعروف في منطقة القبائل الجزائرية

اليوم اختاريت نوريكم طريقة صنع نوع من الخبز يسمى (أغروم ن الطاجين) كديرو ماين راجلي و علماتو ليا حيتاش الزوج ديالي أصلو من ظ…ظ†ط·ظ‚ط© ط§ظ„ظ‚ط¨ط§ط¦ظ„ الجزائرية

اوا كنحتاجو لسميدة الرقيقة ( Extra fine ) شوية الزيت البلدية ثم الملحة و الماء دافئ

نخلطو جميع المقادير و ندلكو مزيان ، العجينة ماخصهاش تكون رطبة بزاف خصها تكون شادة فراسها شوية

من بعد كانبسطوها بالمدلكو كنثقبوها بالفرشاة

وندوزو للطهي هنا كانستاعملو واحد la plaque électrique لي كتستعمل فطهي الكريب

ويلا ماكانت متوفرة كانستاعملو المقلاة

اوا كنخليوه اطيب على 2 جوايه كايجي بنييييييين( هوا ماكايتنفخش )

اوا ملي وجد رافقتو بالكلمار مجمد زدت عليه مليحة و ابزار او قليتو

من

بعد

خديت بطاطة و خيزو مصلوقين درت معاهوم ربيع + ثومة + مليحة +ابزار وزويتة

و درتهوم تشحرو فالمقلاة

اوا بالصحة و الراحة

---

Hyv,l k hg’h[dk ( of.hg’h[dk ) hgluv,t td lk’rm hgrfhzg hg[.hzvdm

السلام عليكم اختي سبحان الله حتى أنا شلحة من المغرب و كنقولو للخبز أغروم شكرا ليك على الوصفة و على الكلة المرافقة كتشهي تبارك الله

مممممممم تبارك الله عليك حبيبتي
اكلة فاعلة تاركة
ايوا أويد أغروم ههه هاد الشي اللي كنعرف فالشلحة ههه
الله يعطيك الصحة حبيبتي

وعليكم السلام ورحمة الله وبركاته بالصحة ا الغزالات اييه اغروم إكان اغروم حتا انا سوسية

السلام عليكم حتى انا سوسية زيديني عليك الله اعطيك الصحة او بصاحتكم اتمغارت احرشن هههه :d :d بغيت نسولك واش السميدة الرقيقة اللي تنديرو للحرشة اولى الحرش اللي رقيق بزاف حيت بانت لي فالصورة العجينة مجموعة فحال الحرش والله اعطيك الصحة على هد النعمةديال اغروم

وعليكم السلام ورحمة الله وبركاته
malak2019 بصاحتكم اولا كمين ، هاديك الحبيبة سميدة رقيقة بزآآآاف و بالنسبة الصورة راني نسيت حتى بديت كانخلط عاد تفكرت نصور ههههههههه داكشي علاش بانت بحال الا غليضة هههه 🙂

مشكوووووور والله يعطيك الف صحة

هدشي غزال تبارك الله عليك وخليلي حقي هههه

malika sousya شكرا لمرورك على موضوعي اوا مرحبا بيك

تبارك الله عليك اختي راااااااائع ماشاء الله عليك الله يعطيك الصحة الله يجازيك بكل خير اختي