أضواء على العطلة الصيفية

اخواتي الكريمات العام كيطير ودابا وهو الصيف معانا بحول الله وقوته
ونتمنى نستافذوا من تجارب السنة الفائتة ونفعوا بعضنا بعض بالنسبة للاستعدادات للرحلة وكيف تمر بخير وعلى خير
بالنسبة لي لم أشتري تذاكر الباطو حتى وصلنا للخوزيرات 330 يورو من الخوزيرات لسبتة ذهابا و 3000 درهم رجوع من المناء المتوسط للخوزيرات هاذي وحدة.
لو اخت قطعت اوون لاين وصداق لها احسن تخبرنا
لو هناك تجربة كيف وفرتي عليكي الانتظار المميت في الموانئ تنفعنا
جربتي اي وقت او يوم صدق لك احسن تجهتي فيه للميناء اي بكري او اخر النهار او خرجتي معطلة اخر يوم عطلة تكون دنيا خففت

وكيف كدوزي ط§ظ„ط¹ط·ظ„ط© في البلاد في المطبخ واقفة او تاكلي دائما برا او نص نص شمن طريقة صدقات لك ودوزتي حتى انتي عطلعة معتبرة .
بالنسبة لي احسن واريح عطلة دوزتها منين أكلنا برا طبعا تعرفنا على مطعم واحد منين مانكونشي مع العائلة نمشيوا لوا وعي الوجبة الغذاء ومعظم الفطور والعشاء في البيت
نقص علي الكثييير من التسوق وغسل الاواني وتضيييع اليوم في المطبخ واتمنى تشاركونا بالتجارب ديالكن.
نتمناو نستفيذوا من بعضنا البعض ونخرجوا في الاخير برؤية واضحة كيفاش نستمتعوا حتى حنا الامهات بالعطلة الصيفية.

---

Hq,hx ugn hgu’gm hgwdtdm

الله الله 77 مشاهدة ولا حتى مشاركة وحدة
حنا المغربيات طول العام نوجدوا للعطلة من جميع النواحي
تبارك الله شهر رمضان دابا وهو معانا الله يوصلنا ليه شهر كيطير وخصنا نتفرغوا ليه من عبادات إلخ وها العطلة معاه او موراه

اختي الله يجازيك بالخير موضوع كيهم بزاااف ديال الانيقات ان شاء الله يلقى التفاعل و الكل يستفسد و يفيد و لو بالقليل
بالنسبة ليا كنمشيو في الطائرة(مجبرة اختك لا بطلة هههه الوسيلة الوحيدة لي ناس كندا) كنحاولو نقطعو تذكرة 6اشهر قبل السفر هكذا كطيح شوي ارخص اما الى بقي حتي اخر لحضة ىعول على الشوى حتى شهر 7و 8 كيكونوا غاليين.

تذكير بسيط لي و لكن اخواتي لو سمحت صاحبة الموضوع
يا ريت نتفكروا الفقراء و اليتامى بهدايا و لو بسيطة و التبرع بالدم او التصدق بالمال او اي سلوك ينفع العباد و البلاد بالخيرر

وانتي اهل الجزاء ومشكورة اختي على التفاعل اييه الناس ديال كندا لازم الطيارة وكذلك لازم من شراء التذكرة بكري تكون أرخص والله يجزيك بالخير اختي ذكرتيني بطرح النقطة الرئيسة الا وهي الصدقة الي عندها وقع كبير علي وعلى أولادي والله يصلح الاحوااال للجميييع فالعطلة راهي فرصة للعمل الخيري وخصوصا بالمال ومع الصرف الحاجة الي تجيب القليل هنا فيها الخير والبركة في البلاد ويكون فيكم الصخاء ولا تعلم اليد اليسرى ما تنفقه اليمنى تكون بينك وبين ربك وعلموا وليداتكم التستر بالصدقة والاحساس بخوتهم المسلمين وسوف يكون الجزاء الوفير من عند رب العباد بحوله وقوته.

أختي الله يديكم واجيبكم على خير إنشاء الله

أن بعيدة من كندا وسيلة لعندنا هي طائرة

ولكن 2 مرات جربت سفر لأوربا عن طريق سيارة والباخرة مرة أولى ل-ispagna

ومرة تانية مشينا حتى سويسرا بناتهم شهر

وجنة ومشينا مكناش عوالين مرة لولا قطعنا تدكر من سبتة

ومرة تانية مشينا على طنجة وكان لاغلى بحيت كان صيف

وفطريق كنا نبات فندق

والأكل ف زنقة مكونة داين معنا ولو من غير مملحات داك فقاس مالح هه ولفاكية هه tafarnah ههه

وف مناء كان tsanya بزاف ف رجوع مرة لولا من ispagna تثنينا بزاف بزاف

أما مرة تانية مشينا ف تومبيل ورجعنا ف طائرة

هادي تجربتي البسيطة

ونتمنى نستفد منكم مازال لأن إنشاء الله كنفكرو وقتما سمح لوقت نعملو دورة ف أوربا عن طريق سيارة

شكراً على الطرح

الله شحال تمنيت كون كنت. في أروبا وتنمشي المغرب في البابور والسيارة ولكن للاسف الاقدار جابتنا لكندا وضروري من الطيارة للأسف معنديش فكرة

إنشاء الله أختي تمشي تحوسي ف أوروبا ببابور وسيارة

مغامرة زوينة

ربي يخليك اختي ليلى نتمنى

اللهم امين اختي وماشاء الله عليك ظاهرة عليك من محبين السفر وتبارك الله عليك حتى هاذي فكرة ديال الفقاص مالح والفاكية تصلح للطريق وعي سكتي على الانتظااااار في الموانئ صعيييب وخصوصا على الدراري ماكيصبروشي بحالنا وان شاء الله عتعجبك المسارية والطريق في اوروبا مشكورة على المشاركة طاب مساؤك او نهارك ههه

مشكورة على الطلة الحلوة الحمد لله الخير فيما اختاره الله وان شاء الله يكتاب وتسافري من المغرب لاوروبا بالباطو والسيارة وتستمتعي بالتجربة تحياتي .