أرشيف دورات الانيقات في منتدى ورشة الاشغال اليدوية

ايدا كانت ناشفة شوية نزيدو عليها الحليب

ونخدموها مزيان حتى تولي لينة

تم نبداو نورقوها

تم نورقوها

شفتو هاد توراق شحال مقاد
نقطعو السلك بالملقط

ناخد العجينة و نقطعوها بالقطاعات

تم نضع الاوراق فوق الاداة اللي غادي نطبعو بيها الاوراق ياش تاخد الشكل العادي للاوراق

تم ناخد القلم اللي كيطبع ياش نديرو بيه لمسات على الاوراق باش تبان طبيعية اكتر نوركو بيه على الاوراق بلاصة و بلاصة لا و البلاصة لي ماشرطناهاش من الوجه نشرطوها من الضهر باش تولي مكمشة شوية

ناخد سلك ندخلوه في اللصاق

تم نضعه على الجهة الريضة من الورقة

تم نجمعو عليها العجينة من الجانبين

و نعاودو نفتحو الجنبين باش تعطينا الشكل الاول المبسط

تم نواصلو نفس العملية مع باقي الاوراق و نستفوهم في بلاطو ديال البيض با تاخد شكل لي بغينا المهم ماتكونش مبسطة

تم نديروهم في الشمس حتى يكرمو مزيان و نحتفضو بيهم في علب و ما نصبغوهم حتى نبغيو نخدمو بيهم

في الدرس القادم غادي نوريكم طريقة الصباغة و نبداو اول وردة

موعد الدرس القادم غادي يكون بعدما نشوف التطبيقات

الدرس الخامس:

غادي نحتاجو لباتيناج دهبي و الكحول

ناخدو شوية من الباتيناج الدهبي

و نخفوه بالكحول حتى يولي بحال الصباغة

تم نصبغو بيه الاوراق

حتى نحصلو على هاد الشكل

تم ندهنوه بالفيرني

و نرشوه بالزقلي للحصول على هاد الشكل

ممكن في هاد الاوراق كاملين نستغنيو على الزقلي و نديرو فقط الفيرني لكن الزقلي كيعطي لمسة زوينة في السيراميك ككل

لي عندها شي سؤال تسولني و انا غادي نجاوب على تساؤلاتكم و هاكدا باش نستافدو جميع ان شاء الله
الدرس السادس:
ول حاجة نبغي نقولها انه كاين نوعان من الورود
– الورود الاوراق هوما الاولين و ملي يكرمو نلصقوهم في القلب و هو باقي عجينة
– الورود اللي كنصيبو القلب هو الاول حتي ينشف عاد نلصقو فيه الاوراق و هي مازال عجين

و النوع الاول هو الساهل بالنسبة للتصاويب ديالو و كيخلي لينا ماجال اوسع في التفنن

المهم غادي نبداو على بركة الله

غادي نحتاجو هاد شي لي في الصورة

– عجين
– حليب
– مقاطع
– مدلك
– مطبع الي كيعطينا الشكل الطبيعي

بالنسبة للمقاطع غادي نحتاجو حجمين مختلفين واحد صغير و الاخر اكبر منو

و المطبع بهاد الشكل كايكونو فيه وجهين في هاد الدرس غادس نخدمو بالوجه المشرط

ناخد العجينة و ايلا كان قاصحة ندلكوها بالحليب و ايلا كانت هي هاديك نورقوها متكونش غليضة و متكونش رقيقة بزاف

تم ناخد القطاعات و نقطعو بيهم العجينة

و كدلك بالنسبة للقطاعة الكبيرة

نكملو القدر لي غادي نحتاجو

ناخد المطبع و نبداو نطبعو بيه بهاد الشكل
نحطو فوقو الورقة

و نبركو عليها بالاصبع ديالنا

تم نهزوها غادي نحصلو عليها مطبوعة بهاد الشكل