أرز لذيذ بالقرعة الحمراء تيجي لديد بزاف

السلام عليكم هدي طريقة إيطالية لتقديم الأرز وتيقوني إلى قلتلكم بأنه من أروع مايكون وحتى القرعة ماكتكونش باينة نبداو على بركة الله حاجتنافي:
زلافة ديال الروز من الأحسن يكون كلاصي أوأي نوع ماكيتعجنش
بصلة محكوكة
250غرام ديال القرعة حمرا كنحيدو ليها القشره ونحكوها
معلقة صغيرة ديال الملح ونص معلقة صغيرة ديال الإبزار
راس معلقةديال زعفران
جبن پارميزان أوالفورماج الأحمر 100غرام
2حتى3زلايف ديال الما
ضامة بنة (اختياري)
2معالق كبار ديال الزبدة
معدنوس مقطع للتزيين
الطريقة:
ناخدو طنجرة نسخنوها شويه ونديرو الزبدة دوب نضيفو البصلة نشحروها حتى يولي لونها صفرنزيدو الروز والقرعة الحمرا والملح والإبزارو2زلايف ديال الما بلا مانساو الزعفران ونخليو الروزيطيب على عافية متوسطة
من 20حتى 30 دقيقة وحنا كنراقبو طياب ديالووإلا خاسو الما نزيدو منين يطيب نزيدو ليه الفورماج لي حكينا ونخلطومزيان حتى يندمج مع الروز خاسو مايكونش قاصح ايكونش جاري يكون كريمي نقدموه ونزينوه بشوية ديال المعدنوس وبالصحة والراحة

---

Hv. g`d` fhgrvum hgplvhx jd[d g]d] f.ht gv. jp]n

الله يعطيك الصحة اخا انا كيعجبوني العجائن إلا الروز غادا نجربها ان شاء الله حيث باينة غتكون زوينة وانا باغا نولب ناكا الروز ههههههههه الله يعطيك الصحة

allah y3tik sha w makayjish hlou blgr3a lhmra w tmnit lw kan drtina sowar w shfnah kif kayji

بارك الله فيك آحبيبة بالنسبة للسؤال الأول لا ماكيجيش حلو بزاف حيت الفورماج والملحة كيغطيو على الحلاوة ديال القرعة أما بالنسبة للصور ولدي واعدني باش يعلمني كيفاش نحطهوم مع الوصفات إنشاءالله

السلام عليكم و رحمة الله و بركاته
جزاك الله خيرا
طبق مميز و جديد
وخصوصا انه القرع الاحمر

ربي يخليك آ حبيبة غير ماتردديش جربيه وردي علي الأخبار

تبارك الله عليك روعة الله اعطيك الصحة

وعليكم السلام ورحمته تعالى وبركاته شكرالك أختي على التشجيع

بارك الله فيك آحبيبة شكراً

تبارك الله عليك الله اعطيك الصحة
+ 5 نجوم