أرجو المساعدة

السلام عليكم

موعد الدورة ديالي كان قبل يومين و ماجاتش و البارح نزل مني دم اعزكم الله و انقطع و درت التيست 5 أيام قبل الدورة و كان سلبي الله يرحم ليكم الوالدين الي فايت وقع ليها بحالي تفيدني
الله يرزقني و اياكم بالذرية الصالحة عاجلا غير اجل

---

Hv[, hglshu]m

ماتشربي تا حاجة سخونة وتسناي أسبوع وعاودي تيست. أنا فايت درت تيست ديال الدم وطلع سلبي مع أني كنت حاملة.

شكرا اختي على الرد ديالك عطيتيني شوية ديال الامل الله يعطيك كل الي كامناي
حتى انتي وقع ليك بحالي؟

أختي 5 أيام قبل الدورة بزاف على باش ديري التيست خاص ديريه بعد ما تأخر أنا درتو قبل الدورة ب-4 أيام ودرت كلير بلو وطلع سلبي مع أن كلير بلو كايكتشف هرمون الحمل قبل الدورة ب-4 أيام و فاش تأخرت الدورة بيومين عاودتو وخرجلي إيجابي الحمد الله غير عودي ديريه إن شاء الله يخرج إيجابي وتجي تفرحين الله يرزقك بالذرية الصالحة ويرزق كل منتضرة ياربي ودعي معايا ربي يتبث حملي ويفرحني بشوفة لكبيدة ديالي على خير

الل يتبث الحمل ديالك اختي و شكرا بزاف على الرد ديالك

112 مشاهدة و يالاه 2 ديال الاخوات الي جاوبوني على الاقل غير دعوة

اختي خليه تتفوت واحد خمس ايام على الدورة عاد طيريه ويارب يفرحك وكل منتظرة

آمييين اختي و شكرا على الرد ديالك

ختي سعيدة انا غادية نقولك شنو طرالي عن تجربة انا قبل مانحمل مريت بتجارب كان كاتعطل عليا الدورة 4 ايام كنت كانضن اني حاملة او كانفرح بصح الحمد الله ماكتابش.او كانت كاتنزل علي الدم بصح كانت كاتجيني قليلة كانقول واقيلة حاملة كاندير التسيت كايطلع سلبي.بصح فحملي الاول الي طاح كانت جاتني بحال الدورة بصح كانت كحلة حشاك او محيت كاندخل لطواليت كاينزل مني الدم او كنت كانقول واقيلا غير البرد او كلسات فيا المدة ديال الدورة الشهرية سبحان الله او غير مشات درت التيست او طلع سلبي او من بعد سيمانة عاوتو او طلع ايجابي.
كنطلب الله اسهل عليك او تحملي عما قريب انشاء الله حيت رني مريت بداكشي اللي مريتي بيه. دعي معايا ربي اتبتلي حملي.