السلام عليكم و رحمة الله تعالى و بركاته البنات عواشر مباركة و رمضان كريم، الله يدخلو علينا و عليكم بالصحة و السلامة و مزيدا من الأجر و الثواب الله يخلليكم بغيت نسولكم اللي فايت دارت شي حاجة بالألمنيوم سواء غطات شي بالكون و لا في الحمام، بغييت نغطي الواجهة ديال البالكون و بغييت نعرف الأثمنة ديالو و شنو الماركة اللي مزيانة، و إلا ممكن حتي اللي عندها التصاور تحطهم الله يجازيها بخير، حيت سمعت كيحسبوه للمتر كاري، و شكرا مسبقا 
Helkm hgHglkd,l fhgksfm ggfhg;,k
أختي الثمن ديال الأومنيووم يتراوح ما بين 600 و900 درهم وأنت وجهدك تحياتي
الله يجازيك بخير أم سلمى ، أنت الوحيدة اللي جاوبتيني، أنا بغييت غير نعرف الماركة اللي مزيانة، و إلا كاين شي تصيورات نشوف كيف كيطلع
ماكاينش ماركة ولكن كاين المزيان والعيان . حنا غادي نغطيو لاكور منين يقولنا الثمن نرد عليك
شكرا نبع الحنان، أنا في إنتظارك
السلام عليكم ورحمة الله وبركاته اختي بلاتي شوية نصولك ديالي عاملاه ف بالكون الكوزينة تقام عليا كامل ب 8000 درهم تقريبا ما عقلتشي بالضبط ما عارفاشي شحال للمتر غير تفاهم معاه بكلشي وخدمة مزيانة بالاضافة الى جودة الالمنيوم وكنضن حتى طريقة د الخدمة ديالو كتفرق ف التمن والله اعلم حيت كنشوف بالكون د جيرانا طريقة الخدمة مختلفة على ديانا دابا حنا البالكون فيه 3 مترو تقريبا او اكتر بقليل ف الطول وعاد جنابات د البالكون من الجهتين كل واحدة فيهم شي 80 سنتيم عاد الارتفاع حتى نصورولك ويبان لك غير بغيت نقلك ان الخدمة ديالنا بالنسبة للواجهة ديال البالكون فيها 4 تقسيمات يعني ممكن تحلها من جناب وممكن تحل من الوسط يعني كل دفة من 4 كتمشي ف جميع الاتجاهات ايضا يعني تديه من جهة الي بغيتي وحتى الجوانب كيتفتحو اما جيرانا متلا عندهم ف الواجهة 2 تقسيمات فقط يعني اما تفتح من جهة اليمين او من جهة اليسار وجوانب البالكون ما كيتحلوش مسدودين انا عندي الابيض وكاين الي كيعملو ف البني عند جيرانا ف العمارة المقابلة حتى هو كيجي منضرو مزيون وكنضن حتى نوع الزاج حتى هو كيفرق والله اعلم
ختي انا شديت جوج بالكونات وبدلت ليهم البيبان بجوج كانو ديال لحديد درتهم بالالمينيو والجاج وبدلت السرجم ديال الطواليت حشاك كان ديال العود كليشي تقام عليا تقريبا جوج المليون الالمينو المزيان والجاج درتو حرش تيقلولو ليه لحرش واخى تكوني فالبانكو متبانيش ماشي بحال ديال لمراية فليل ملي كتشعلي الضو كلشي كيبان هادا لي برا كلشي كيبان ليه بيض ودارو ليا كيتحل من جوج جيهات بغيت نحل لجيهت الجران ولا لبغيت نحل من جيهة لخرى حيت البانكو عندي داير بحال شكل l
شكرا ليكم البنات الله يجازيكم بخير، أناقة طنجوية أنا في إنتظار تصوريه لي باش ناخد فكرة على العبار و التقسيمات اللي هضرتي عليهم.
المشاركة الأصلية كتبت بواسطة nina212 
شكرا ليكم البنات الله يجازيكم بخير، أناقة طنجوية أنا في إنتظار تصوريه لي باش ناخد فكرة على العبار و التقسيمات اللي هضرتي عليهم. هاهي اختي الصور بالنسبة للتقسيمات قصدت عدد النوافد يعني كنضن خصك تعراف ف الاول وتفاهم معاه على الخدمة وعلى الاتمنة فحالي قلتلك متلا جيرانا ف هاد الطول عاملين 2 نوافد فقط من الواجهة وما كيتفتحوش من الوسط طبعا فقط من جناب زيادة ف العرض د البالكون عاملين نافدة مسدودة يعني ما كتحلش فيكسي وما عرفتش واش هاد القضية كتفراق ف التمن اولالا غادي تقولي وما الفاءدة غادي نقلك عندها ايجابيات ف تنضيف الزجاج من الخارج اما ادا كانو 2 دفات كباااااار ما غاديش تقدار توصل للجهة الوسط من الزجاج من برا طبعا غتكون شوية صعيبة او بالستعانة بالكراطة وكتجي شوية القضيى فشكل خصوصا ادا كانو قبالتك السكن فحالي انا متلا بالنسبة الا كان طول البالكون صغير فيكفي 2 دفات اما ادا كان كبير الافضل يكون الدفات اكتر ما قدرتشي اختي نصورولك كامل ف صورة واحدة حيت كان عندي التصبين منشور ف البالكون كان كيدرقلي الجهة الي من لهيه المهم ها الصور 
وهنا مفتوحين من جناب ومن الوسط باش يبان لك شنو كنت كنقصد كل دفة من النوافد نقدار نديها ف اي اتجاة 
السلام عليكم اختي سولت على الثمن الالمنيوم البيض تطلعنا 3600 درهم والقهوي 4800 درهم للإشارة هاد الثمن بالنسبة لاكور غادي نسقفوها بالالمنيوم والزاج وفيها 1متر على 1.5 متر