السلام عليكم فتحت هدا الملحق لمتسابقات المشاركات في مسابقة الملابس الشرعية للاستئناس والاسئلة والاجوبة حول ظˆط±ط´ط© المسابقة اتمنى ان نقضي وقتا مفيدا وممتعا مع بعض اول حاجة حبيت نحطها ليكوم هي انواع والوان الاتواب لي تقدرو تستعملو لتطبيق عباية الراس باش تعاونكوم قبل ماتشريو التوب نتمنى تكون مفيدة ليكوم هاد الصور فيه كل الوان ط§ظ„طط¬ط§ط¨ ط§ظ„ط´ط±ط¹ظٹ تقريبا وبعض اسماءه نتمنى تلقاو اللون لي عجبكوم فيها 
عفاكوم لي مشاركة في المسابقة تحط الشعار في توقيعها نصيحة من دهب = الخياطة فن جميل جدا متل جميع الفنون يجب اطلاق العنان للخيال لقدرة الابداع فيها إن تعلم كيفية خياطة الملابس هو مهارة لا تقدر بثمن. هذه حقيقة سوف تتعرفون عليها بمجرد امتلاك هذه المهارة فاتقان الخياطة يسمح لك بالتعبير عن نفسك ويمكنك من توفير المال.
مرحبا بكن جميييعا يا حفيدات خديجة وعائشة وجويرية و حفصة وزينب وصفية وميمونة ورملة و… حياكن الله ايتها المتشبهات بخير وافضل نساء البرية امهات المؤمنين رضي الله عنهن . الورشة : ☟ ☟ ☟
(¯`•¸·´¯) ,vam hgp[hf hgavud (¯`·¸•´¯)
يمكن للاخوات استخدام لونين مخلفين لهن كامل الحرية يعني الجوبة في لون والدرع في لون اخر لاشارة الادوات لي في الصورة هي لي خاصاكوم 
هده بعض الاشكال من الحجاب الشرعي من اعمالي كاين لي بلاستيك في الاكمام كاين لي لا و مع عباية الداخل كدلك 
هده طريقة لباسه 
الورشة : ☟ ☟ ☟
السلام عليكم ورحمة الله تعالى وبركاته وصلى الله وسلم على سيدنا محمد وعلى اله وصحبه اجمعين اليوم ان شاء الله موعدنا مع بداية ورشة مسابقة الملابس الشرعية في مدونة سنبدا بحول الله بعمل التنورة او الصاية نظرا لسهولتها ودلك لتباع سياسية التدرج في التعليم من الاسهل الى الاصعب سوف اعطيكن مقاسات سطوندار للتنورة بحال للتيتباعو في الاسواق التجارية بالنسبة لي بغات تصاوبها لشي بنت بعيدة عليها او ماعرفاتش مقاستها او لي بغات تبقى تصاوبهوم وتبيعهوم ان شاء الله ولكن الافضل كل وحدة تاخد مقاساتها باش تجيها مضبوطة اكتر على بركة الله ابدا نحتاج لرسم التنورة المقاسات الاتية _ دورة الارداف مقسومة على اربعة _ طول التنورة فقط لا غير هههه المقاسات السطوندار لتنورتنا اليوم _ دورة الارداف مقسومة على اربعة تعطينا 30سم _ طول التنورة 113 سم بالمناسبة ساعطيكن معلومة جديدة كي تضفنهاا لرصيدكن المعرفي في عالم الخياطة اي حاجة بغيتو تصاوبوها بالاستيك في الحزام ناخد مقاس الارداف وليس مقاس الحزام متلا سروال بلاستيك تنورة بلاستيك ناخد مقاس الارداف فقط مقسوم على اربعة وليس الحزام يلاه نبداااااااااااااااااااو
بسم الله 
ناخد التوب ديالنا لي فيه 2 متر في الطول و1.50 في العرض نطويه على اربعة على طولو تتولي 50 سم في الربع اما الطول فيبقى كما هو 1.50سم نطويه على اربعة بحال الصورة 
في الحافة ديالو ننزل مسافة 4 سم وهو قياس لا ستيك كيف الصورة 
تم نحدد فوق هاد الخط لي هبطنا فيه ب 4 سم قياس ربع دورة الارداف ولي هو 30سم ابتداءا من الجهة المطوية انظر للصورة 
تم نحدد خط الطول ديال التنورة ابتداءا من داك الخط لي هبطنا في ب 4 سم يعني ديك 4 سم بحال ماكايناش حيت غادي نطويوها من بعد في الخياطة بالنسبة للطول كل وحدة وطولها انا هنا خدمت بالسطوندار لي هو 113 سم بالنسبة للايفازي لي تحت التنورة انا خديت 50 سنتيم لي عندي في الربع كامل لهدا استعملت 2 متر من التوب وممكن ليك تنقصي من الايفازي الى مابغيتيهاش واسعة بزاف من التحت او الى كان عندك القماش ناقص ولكن انا افضل العمل ب 50 سم ايفازي 
تم نصل النقط نقطة نهاية خط الايفازي بالنقطة الفوقانية ل حددنا فيها 30سم لي هو قياس ربع دورة الارداف 
بعد رسم الخط يصير عندنا الشكل الاتي 
تنطلع واحد 4 سم تحت خط الايفازي وندير دورة خفيفة با ش نحيد دوك الودينات لي تيكونو عندنا تحت لانه عندنا الايفازي كبير 
وتنقطع عند التقطيع لا تنسين ترك مسافة واحد سنتيم للخياطة يعطيني 2 قطع بهاد الشكل 
الان نمر لمراحل الخياطة 
نخيط القطع بجوج د الصاية من الجانبين 
لتشطيب وفنسيون اجمل نفتح خياطة الجناب بالمكواة من الداخل 
تم نعيد العميلة من الخارج 
الان نمر للاستيك نحتاج متر الا ربع من الاستيك يعني 75 سم ممكن اي وحدة تاخد المقاس لي يريحها في لاستيك تدور لاستيك على حزامها وتشوف القياس لي ارتاحت فيه تخدم بيه ولكن انا دائما اعطيكن مقاسات الجاهز لي هي مقاس 75 مناسب لكل الاحجام بادن الله 
نخيطه بالماكينة جيداااااااااا كي نضمن عدم تمزقه مستقبلا بالشكل الاتي 
الان سوف اتبته مع التنورة نقسم التنورة على اربع والاستيك على اربعة واتبت بالدبابيس مع الجرررررررررر 
نجمع الاستيك مع التنورة بماكينة السورجي بهدا الشكل 
بعد الجمع يعطينا هاد الشكل 
اطوي وابدا بخياطته للداخل مع الجر دائما 
يعطينا هاد الشكل بعد خياطة الاستيك 
نتني حواف التنورة تحت وبالتالي تصبح تنورتنا جااهزة 
ملحوظة هناك عدة طرق لتشطيب مكان الاستيك هناك اسهل من هاد الطريقة لي قدمت لكن احببت ان اعرفكن عليها ممكن تعملوها لانها تبقى نضيفة وجميلة بالنسبة لي ماعندها ش الة السورجي ممكن ديها لمول السورجي وتطلب منو يلاصق ليها التنورة مع لاستيك ان لم يكن فلكن كااااااااااااااااامل الحرية في طريقة تشطيب الاستيك مع التنورة هاد الفيديو فيه عدة طرق للتتبيت لاستيك غادي يعاونكوم بزاف باش تفهمو الفنسيون الى ماقدرتوش على طريقتي لي حطيت استعملن الطريقة الاولى لي فالفيديو <font color="#800080"><font size="5"> تنظن مافيش اسهل من كداااااااااااااااا هههه كالعادة اي سؤال او استفسار انا رهن الاشارة 
بسم الله نبدا الجزء التاني من ورشة المسابقة ولي هو الدرع اولا ناخد طرف د التوب لي فيه 2.5 متر نطويه على 2 على طولو بحيت يكون طرف اطول من طرف اخر مسافة 16 سم كيف الصورة 
او بطريقة اخرى ممكن تقسمي التوب لي عندك فيه 2.5 لجوج اطراف المهم واحد يكون فايت الاخر بمسافة 16 سم الان غادي نطوي التوب مرة اخرى ولكن هاد المرة على عرضه بحيت نحدف 20 سنتيم من عرض التوب للتوضيح كان عندنا في عرض التوب سابقا 1.50 غادي نحدف 20 سم غادي يولي 130 لي هي عرض عباية الراس لي غانخدم بيها بحال الصورة 
هو في الحقيقة سابقا كنت تنخدم بعرض التوب كامل لي هو 1.50 سنتيم ولكن تتجي واسعة بزاف غالبية النساء تيبغيو ينقصوها شوية لدلك وليت تندير هاد الطريقة ديال ننقص من العرض ديك 20 سنتيم وتتبقى واسعة اما لي بغاتها واسعة بزاااف ممكن تحتافظ ب هاد 1.50 وتخدم بيها وتكون عرض العباية كاملة سالينا طريقة طي التوب ننتقل الان للتفصيل والرسم على التوب تنمشي لحافة التوب وتنبدا دائما من الجهة المطوية تنبدا نرسم فتحة الراس تنخرج مسافة 16 سم بالتماااااااااااام والكمال ابتداءا من الجهة المطوية مانقصا سنتيم مازايدة سنتيم هاد المقاس د فتحة الراس هو لي خاصو يتظبط حيت ادنى خطا فيه ممكن تجيك واسعة او مشنقة الصورة توضح 
تم تنمشي لاخر عرض التوب وتنهبط مسافة 65 سم او 63 كيف الصورة وتنحط نقطة 
تنمشي لاخر النقطة لرسمتها د الهبطة د 65 او 63 و تنرسم فتحة اخرى عرضها 18 سم وهي فتحة الكم كيف الصورة 
صافي وتنبدا نوصل بين النقط اصل بين اخر نقطة في فتحة الراس ب اول نقطة في فتحة الكم باش نرسم اكتاف الدرع الصورة توضح 
في اخر فتحة الكم تنحاول ندير دورة غير بيدي ندخل بيها للداخل شوية تم تنخرج وندير خط لاخر عرض التوب لي عندنا ماتخافوش من هاد الدورة كيف ما درتوها راه تجي ممكن تجي داخلة شوية ولا داخلة بزاف مايهمش انا رسمت ليكوم بزاف د الاقتراحات في الصورة باش ماتخلعكومش يعني كيف مادرتو ليها تجي المهم غير تكون دائرية للداخل وتخرجي بالافازي لاخر عرض التوب لي عندك 
لي عندها البيروكي ممكن تخدم بيها حتى هي ولي ماعندهاش ممكن تكتافي غير بيديها ماتخاااااااااافش 
حنا لحد الساعة رسمنا غير نصف الامام عندنا نصف الامام بحال الوراء الاختلاف لي بينهوم هو فقط في الديل وهو لي خلينا ليه ديك مسافة 16 سم في اخر خط الديل تندخل لاكتر من النصف تنخليه خط مستقيم ماتنقيسوش ابتداءا من النصف تنبدا ندور حتى تنلاقي الديل في الوراء مع خط الامام كيف الصورة 
الان انتهينا من الرسم على التوب نبدا التقطيع عند التقطيع تنخليو واحد1 سنتيم او 1.5 للخياطة خارج الرسم لي رسمناا ماتنساوهمش راه حتى هو مهممممممم خصوصا في فتحة الراس نبدا من الفوق 
بالنسبة لفتحة الراس تنشق بلاصتها بالمقص باش تتحل لينا في حالة الى كنا طوينا التوب على طولو هكدا وماقسمناهش من الاول 
حتى تنقطع كل الدرع ديالي تيعطينا الشكل الاتي بعد التقطيع 
الان امر لتفصيل الاكمام غادي نتافقو على واحد الحاجة قبل منحطو انه غير الزامي ممكن تديري اي شكل د الكم لي بغيتيه حبيت نطرح هاد الشكل للتجديد وغادي نحط ليكوم في الاخير صور لنمادج د الكمام لي ممكن ديري تما الكمام غادي نخرجوهوم من داك التوب المتلت لي بقا لينا من جناب الكتاف د الدرع انا الكم لي غاندير هنا فيه بلية العرض دياله 3 سم تنطوي التوب ديال الكم على 2 تنعبر واحد 3 سم تنخرجها من الحساب حيت لاحقا غادي نجمعها بالخياطة على شكل بلية يعني بحال ماكيناش المهم انها تتعطي شكل جديد ومختلف على العادي تنعبر واحد 3 سم ابتداءا من الجهة المطوية بحال الصورة 
ومن بعد تنرسم الكم ديالي عادي تندير فيه 18 سم عرض لي كنت درت في فتحة الكم د الدرع اما الطول تندير فيه 19 سم وفم الكم فيه 11 سنتيم تيجي سليم مجموع 
وتنرسم 2 بنفس الشكل وتنقطع بحال هكا تيعطيوني 
ماتنسايش قبل ماتقطي الكم تتخلي ت تنخلي شي 3 سم زيادة على طول الكم هكا سالينا الكمام نمر لتفصيل باندة الراس غادي تاخدو توبها من التوب لي كان شاط ليكوم من طول الصاية او من الجناب ديك 20 سم لي كنا خلينا المهم تناخد قطعة عرضها 22 سم وطولها 110 سم تنطويها على 2 على عرضها تم تنطويها على 2 مرة اخرى على طولها اي تتولي عندنا قطعة عرضها 11 سم وطولها 55سم وراه مطوية على جوج في العرض والطول ممكن نخليها هكاك مستقيمة ونركبها على شكل بانضة ممكن نخليها الفوق عريضة ووتننقص في عرضها في الجناب لي غادي يتحزمو بحال هكدا لي درت في اللصورة 
هاهي بعد ماحليتها 
بالنسبة للاكمام الى مابغيتيش ديري بحالي فيه بلية ممكن ديري بحال هدا عادي المهم عرضة من الفوق يكون هو 18 سم لي كنا درنا في فتحة اكمام الدرع زائد سنتيم او جوج د الخياطة 
نفس الشي كدلك بالنسبة لي مابغاتش دير البانضة بالخيوطة لي تيتحزمو ممكن نديروها على شكل حجاب عادي تيتخشى في الراس شخصيا انا تيعجبني بهاد الطريقة تيجي اسهل في اللبس ولكن كل وحدة وشنو تتبغي هادي هي الطريقة باش ديري بانضة بدون خيوط تتطوي التوب بنفس الطريقة لي قلت ليك سابقا المرة الاولى على العرض والمرة التانية على الطول حيت يصير عرض البانضة 11 سم وطولها 18 سم بحال هكا وتندير دورة خفيفة من اعلى عرض البانضة الى اخر طولها 
هاهي بعد ماحليتها وسورجيتها 
بادن الله ننتقل الان لطريقة خياطة الدرع او عباية الراس اول حاجة هي تنلاصقو جيهة الاكتاف بحال الصورة من كلا الجانبين فين درت خطوط حمراء 
الكمام ديالي تندير ليهوم المونطاج وتنخيط ديك 3 سنتيم د البلية لي زدت على وجه التوب هكدا هنا راني خيطت البلية ديالي بلاصة ديك الطراساج 
هنا الكم على قفا التوب تيجي هكدا 
دبا غادي نلاصق الكم مع فتحة الكم لي درنا قبل في الدرع افتح الدرع بعدما لاصقت الاكتاف وتنحط وسط الكم على وسط خط اكتاف الدرع هكدا 
اقوم بنفس العملية لكلا الجانبين صافي تم ابدا بقفل الدرع من جيهة تحت هكدا ابتداءا من الاكمام مرورا بداك الخط لي درنا فيه الدورة تحت خط الكم ف هكدا
بقي الان ان نتني حواف الدرع بالنسبة للحواف نتني فقط على السورجي بالضبط لانه كاين ديك الدورة في الديل صعيب تتخدم بتكفيفة كبيرة والى فتنا مقدار السورجي غادي تتشكل عندنا تموجات فالافضل نتني فقط تنية صغيرة على حد االسورجي متل الصورة 
هنا فديك الدورة لي فالديل 
بالنسبة لبانضة الراس تنخيطها على قفا التوب باش نقلبها من بعد تم تنخلي واحد الفتحة الوسط لي نقدر نقلبها منها كيف الصورة 
بعد ماتنخيطها كاملة من قفا التوب تنقلبها من الفتحة لي خليت تتعطيني هاد الشكل 
الفتحة لي خليت تنطويها للداخل وتنصلح بالمصلوح من بعد غادي نسدها منين نركبها مع فتحة راس الدرع هنا بعد المصلوح 
الان غادي نخيط البانضة مع فتحة الراس البانضة غادي نلصقوها فقط من الوراء الجهة لي فيها الديل اما الامام لاااااااااااااا انتبهن لهده النقطة بارك الله فيكن عنداكوم تلصقو البانضة في الامام اي الجهة لي مافيهاش الديل المهم نحدد وسط البانضة بالطبشور تم وسط فتحة الراس من وراء بالطبشور كدالك نتبت بالدبوس هكدا 
تم نبدا الخياطة على الماكنة نخيط الخياطة الاولى لي نلصقهوم فيها ب سنتيم د الخياطة هكدا
تم الخياطة التانية لي نتبت داك السنتيم لي تكون عندي ومنها نيت نتني سنتيم في فتحة راس الامام هكدا 
بقا لينا تكفيفة الاكمام بعد الخياطة نديروها وهادا شكل البلية لي درنا في الكم بعد الخياطة 
وها الدرع ديالنا واجد 
باقي لينا المصلوح و هاهو جاهز للبس بالنسبة للاكمام زدت هاد الصدايف ممكن ماديرهومش الى بغيتي وتخليه سامبل 
حيت درت واحد الشوميز لي تتلبس مع الصاية من داخل وحتى هي فيها دوك الصدايف باش منين نحيد الدرع يبقى تدكير بانها اونسومبل هادي هي الشوميز ولكن راه ماداخلاش في المسابقة ههههه انا عطيتها كفكرة فقط لمن بعد لي بغات تديرها لراسها 
بهكدا نكونو سالينا جميع مراحل ورشتنا والنتيجة النهائية هي 
وبصحتكوم وراحتكوم بالنسبة للكم لي قلت ليكوم سابقا ممكن تديروه ساميل بلا بلية هدا هو شكلو بعد الخياطة لكن كامل الحرية في الكم ممكن ديروه حتى بلاستيك الى بغيتو المهم انا عطيت فكرة عامة وانتن اطلقن العنان لحس الابداع عندكوم هاهو بعد الخياطة 
وبالنسبة لبانضة الراس لي بلا خيوطة كدلك لي اشرت ليها سابقا هي تنخيطوها مع فتحة راس الخلف وتندخلو شوية في الامام غير شوية المهم ديك 18 سنتيم لي فيها في الطول خيطوها راه غاتجي دايرة وداخلة في غفتحة راس الامام شوية ماتفتوش 18 سنتيم في طول بانضة الراس بلا خيوط لانها غادي تجيكوم مشنقة اقول 18 سم يعني على التوب مطوي الى حلينها غادي تعطينا 36 انتبهن بارك الله فيكن لهده التفاصيل هدا هو المقدار لي دخلت فيه في فتحة راس الامام فقط 
هدا شكله بعد الخياطة تيعطينا شكل حجاب الراس العادي لي تنلبسو تيتخشى في الراس 
وهدا الدرع لي بالبالنضة بلا خيوط
ة ملحوظة الاخوات لي بغاو يديرو كم الدرع بلاستيك ديك الهبطة لي هبطنا فيها في الدرع د الكتاف ب 65 او 63 يهبطو غير ب 60 سم وفتحة الكم فعوض 18 يديرو 23 اما فم الكم فعوض 11 يديرو 20 كالعادة اي سؤال او استفسار انا رهن الاشارة اتمنى ان اكون قد وفقت في الشرح انتهى بفضل الله
شرح عباية الراس بالفيديو
حشومة عليك اختي عاشقة الخياطة حطيتي انواع الثوب و الوانو و انا فمدينة فيها القحط ديال الثواب هيهيهيهيهي و عاد لبست الخمار و لقيت صعوبة باش نشري جميع الالوان توب مكاينش اما الفصالة اختي و راجلي ايلا وريتهم الورشة ديالك يعرفو يفصلو ليا و يخيطو بقى ليا الثوب الفقصة صافي انا لقيت هنا ثوب لؤلؤة بصعوبة و لقيت زوج لوان زوينين فقط رمادي داكن و ازرق داكن الباقي اخضر معجبنيش لونو و بيج فدرجة مفتوح بزاف مائل لللابيض و ثمن 25 درهم للمتر ايوا معلينا غير الصبر
المشاركة الأصلية كتبت بواسطة narjis84 
حشومة عليك اختي عاشقة الخياطة حطيتي انواع الثوب و الوانو و انا فمدينة فيها القحط ديال الثواب هيهيهيهيهي و عاد لبست الخمار و لقيت صعوبة باش نشري جميع الالوان توب مكاينش اما الفصالة اختي و راجلي ايلا وريتهم الورشة ديالك يعرفو يفصلو ليا و يخيطو بقى ليا الثوب الفقصة صافي انا لقيت هنا ثوب لؤلؤة بصعوبة و لقيت زوج لوان زوينين فقط رمادي داكن و ازرق داكن الباقي اخضر معجبنيش لونو و بيج فدرجة مفتوح بزاف مائل لللابيض و ثمن 25 درهم للمتر ايوا معلينا غير الصبر مممممممممم والله ماقصدت ا الزين انا بغيت غار نفيدكوم ونعطيكوم فكرة على الالوان داكشي لي كاين اااااااااااااالصبر والله يجيب شي شركة د الاتواب لمدينتتكوم
كيبانلي نحولو الرحيل لعندك ا ليلى و نديرو سورجي لشفايفنا نقصو منهم شوية هههههه
السلام عليكن اختي عاشقة واش ممكن نستخدمو الجوبة لون و الدرع لون اخر و نفس الشي بغيت ندير الجوبة ف le lin و الدرع فالتوب اللي نزلتي فالصورة
المشاركة الأصلية كتبت بواسطة قوية بايماني كيبانلي نحولو الرحيل لعندك ا ليلى و نديرو سورجي لشفايفنا نقصو منهم شوية هههههه ههههههههه مرحبا ولكن ماتنعرفش ندير السورجي للشفايف تنعرف نديرو غار للتوب هنهنهننننن كون كنت تنعرف كون درتو لشفايفي خخخخ شريتي شي توب ولا باقي